قاراعاندى. 23 مامىر. قاراعاندىدا ۇستەل تەننيسىنەن جەكەلەي جانە كوماندالىق سايىس بويىنشا وتكەن ەل چەمپيوناتى اياقتالدى. بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
ايەلدەر اراسىنداعى كوماندالىق سىندا التىن جۇلدە قۇرامىندا ناتاليا سلادكوۆا, يۋليا گاتس, يۋليا ريابوۆا, زاۋرەش اقاشەۆا جانە مارگاريتا حارەچكو بار قاراعاندىلىق ۇجىمعا بۇيىردى. سونىمەن قاتار, جەكەلەي سىندا ناتاليا سلادكوۆا مەن يۋليا گاتس سايكەسىنشە, التىن جانە كۇمىس جۇلدەلەرگە يە بولدى. سونداي-اق, يۋليا ريابوۆا ارالاس جۇپتا ونەر كورسەتىپ, چەمپيون اتاندى.
ال ەرلەر اراسىنداعى جەكەلەي سايىستا ەريك رايتەر كۇمىس مەدالگە قول جەتكىزدى. جارىس قورىتىندىسىندا قاراعاندىلىق تەننيسشىلەر ءۇش التىن, ءۇش كۇمىس جانە ءبىر قولا مەدال جەڭىپ الىپ, ەل چەمپيوناتىندا ۇزدىك اتاندى.
قايرات ءابىلدينوۆ.
دەرەك, فوتو: قاراعاندى وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز قىزمەتى.