پاۆلودار. 23 مامىر. پاۆلودارداعى قالالىق تۇرعىن ءۇي-كوممۋنالدىق شارۋاشىلىق, جولاۋشىلار كولىگى جانە اۆتوموبيل جولدارى ءبولىمىنىڭ حابارلاۋىنشا, بيىل وزەندەگى شىبىن-شىركەيدى ۋلاۋعا 30 توننا باكتيتسيد جۇمسالماق. بۇل تۋرالى egemen.kz ءتىلشىسى حابارلايدى.
قۇرامىندا بيولوگيالىق باكتەريالارى بار ءدارى-دارمەكتەر 2002 جىلدان بەرى قولدانىلىپ كەلەدى. جىل سايىن زالالسىزداندىرۋ جۇمىستارى 17-20 مامىر ارالىعىندا وتكىزىلەدى. وزەنگە قۇيىلاتىن 20 توننا باكتيتسيد 100 كيلومەترگە ەسەپتەلگەن. بيولوگتاردىڭ ايتۋىنشا, وزەندە بۇرىن شىركەيدىڭ التى ءتۇرى بولدى, ال قازىر تەك قانا ۇشەۋى قالىپتى. ال ءدارى-دارمەكتەردىڭ ادامدار ءۇشىن زيانى جوق.
زالالسىزداندىرۋ جۇمىستارىنا وبلىس بيۋدجەتتەن 134 ميلليون تەڭگە بولىنگەن. «نۇربەلەس» سەرىكتەستىگى مەن اكىمدىك 131 ميلليون تەڭگەگە كەلىسىمشارت جاساسقان. قالعان 10 تونناسى دا الداعى كۇندەرى قۇيىلادى. مىسالى, «ساندەرس» جاۋاپكەرشىلىگى شەكتەۋلى سەرىكتەستىگى كۇنىنە ەكى رەت زەرتتەۋمەن اينالىسىپ, شىركەيدىڭ كوپ شوعىرلانعان جەرلەرىن انىقتايدى. وبلىس ورتالىعىنداعى ساياباقتاردا دا وڭدەۋ جۇرگىزىلەدى.
فاريدا بىقاي.
دەرەك: egemen.kz.
فوتونى: ۆالەري بۋگاەۆ.