ديزەل مە, حيميالىق سۇيىقتىق پا؟

اتىراۋدا مۇناي ءونىمىن جالعان قۇجاتپەن زاڭسىز تاسىمالداۋشى ۇستالدى «زامانىڭ تۇلكى بولسا, تازى بوپ شال» قاعيداسىن ۇستاناتىندار ءالى دە بوي كورسەتىپ قالادى. الاي­دا, ولاردىڭ قۋلىعىن ىسكە اسىرۋىنا مەملەكەتتىك كىرىس­تەر دەپارتامەنتىنە قاراستى ەكونو­ميكالىق تەرگەۋ قىزمەتى مەن جەرگىلىكتى پوليتسيانىڭ جەدەل-ىزدەستىرۋ شاراسى توسقاۋىل بولدى. ناقتىسىن ايتقاندا, ءبىر­لەسكەن شارا بارىسىندا اتىراۋ-دوسسور كۇرە جولىنىڭ بويىنداعى «قاراباتان» ۋاقىت­شا بەكەتىندە «Daf Te 105Xf» ماركالى تىركەمەلى اۆتوماشينا توقتاتىلدى. اتالعان اۆتوما­شينانى تەكسەرۋ كەزىندە ونىڭ تىركەمەسىندە 26 دانا ارنايى پلاستيكالىق ىدىستارعا قۇيىلعان شامامەن 26 000 ليتر سۇيىقتىق انىقتالعان. جۇكتىڭ ىلەسپە قۇجاتتارىن­دا پلاستيكالىق ىدىستاردا «ەتيلەنگلەكول» حي­ميا­لىق زاتى دەپ جازىلعان. جۇك ءجو­نەلتۋشى رەتىندە «Granit» جشس كورسەتىلگەن. بىراق, ىدىستاردى اشقاندا مۇناي ءونىمىنىڭ (ديزەل جانارمايى) ءيىسى بار مايلى سۇيىقتىق انىقتالدى. وسىعان وراي تىركەمەلى اۆتو­كولىك قۇرالى ارنايى تۇراققا قويىلدى. ال اتالعان جايت بو­يىن­شا مەملەكەتتىك كىرىستەر دەپار­تامەنتىنىڭ ەكونوميكالىق تەرگەۋ قىزمەتى قىلمىستىق كودەكس­تىڭ 197-بابىنىڭ 1-تار­ما­عىمەن (مۇنايدىڭ جانە مۇناي ونiمدەرiنىڭ شىعارىلۋ زاڭ­دىلىعىن راستايتىن قۇجات­تار­سىز ولاردى تاسىمالداۋ, يەمدەنۋ, وتكiزۋ, ساقتاۋ, سونداي-اق مۇنايدى قايتا وڭدەۋ) سوتقا دەيىنگى تەرگەۋ تىركەلدى. ءبىر تاڭدانارلىعى, جۇكتى جونەلتۋشى «Granit» جشس ەل اۋماعىندا تىركەلمەگەنى بەلگىلى بولدى. دەمەك, مۇندا جالعان قۇجاتتار جاساۋ قىلمىسىنىڭ بەلگىلەرى بار. سونىمەن قاتار, سوتقا دەيىن­گى تەرگەۋ بارىسىندا كورسەتىلگەن جۇك­تەن ۇلگىلەر الىنىپ, ساراپ­تاما جۇرگىزۋ ءۇشىن اتىراۋ مۇ­ناي وڭدەۋ زاۋىتىنىڭ ماماندارى تارتىلدى. الدىن الا بەرىل­گەن قورىتىندىعا قارا­عاندا, تىركەمەلى كولىكتەگى پلاس­تيكالىق ىدىستارداعى سۇيىقتىق «ديزەل جانارمايى» بولىپ تابىلادى. جولداسبەك شوپەعۇل, «ەگەمەن قازاقستان». اتىراۋ