پاۆلودار. 17 مامىر. وبلىستىق ءبىلىم بەرۋ باسقارماسى, «ەرتىس دارىنى» وڭىرلىك قوسىمشا ءبىلىم بەرۋ وقۋ-ادىستەمەلىك ورتالىعىنىڭ ۇيىمداستىرۋىمەن وتكەن شاراعا وبلىستاعى جالپى ورتا ءبىلىم بەرۋ جانە مامانداندىرىلعان مەكتەپتەرىنىڭ 5-11 سىنىپ وقۋشىلارى قاتىستى. بۇل تۋرالى egemen.kz ءتىلشىسى حابارلايدى.
قازاقتىڭ باتىر ۇلى ماحامبەت وتەمىس ۇلىنىڭ شىعارمالارىن جاتقا وقۋ بويىنشا بولاتحان سەرىكبول, ءمادي ءايتىم, ءجۇنىسحان ايتولعان, وماربەكقىزى مەيرامگۇل, بەيسەنبي التىنبەك, شايكەنوۆا اقمارالدار ۇزدىك اتاندى. بايقاۋدىڭ ەكىنشى بولىمىندە « ۇلى ارمان»-ماحامبەت كۇيلەرىن ورىنداۋشىلار اراسىندا ومار نازيرا, قىزىر نۇرعيسا, ايدارعازين يلياس, ارمان سەرىك, تانيا ميحايلوۆا, فايز نازمۋتدينوۆتەر ورىنداۋشىلىق شەبەرلىكتەرى ءۇشىن ماراپاتتارعا يە بولدى.
وقۋشىلارىن «ماحامبەت وقۋلارىن» سەكىلدى پاتريوتتىق ءتالىم تاربيە, ۇلتتىق ءتىلدى ساقتاۋ, ەلدىك مۇددە, ەلىمىزدە قابىلدانعان «ماڭگىلىك ەل» باعدارلاماسى باعىتىندا رۋحاني باي ءبىلىم بەرىپ جۇرگەن تولەۋ قاۋكەر, تالاپ اپۋشەۆ, جەتپىس اناربەكتەرگە ءبىلىم باسقارماسى تاراپىنان «العىس حات» جولداندى.
فاريدا بىقاي.
دەرەك, فوتو: egemen.kz.