ونەر • 11 ءساۋىر, 2021
وزگەلەردى تامسانتساق ونەرمەنەن
ء«بىز ءححى عاسىردىڭ جاھاندىق كارتاسىندا ەشكىمگە ۇقسامايتىن, دەربەس ورنى بار ۇلت بولامىز دەسەك, «جاھانداعى زاماناۋي قازاقستاندىق مادەنيەت» جوباسىن ىسكە اسىرۋعا ءتيىسپىز.
تەاتر • 05 ءساۋىر, 2021
تەاتر قورجىنىندا – كەزەكتى جۇلدە
حالىقارالىق بايقاۋدا توپ جارعان الماتى مەملەكەتتىك قۋىرشاق تەاترىنىڭ قورجىنىندا كەزەكتى جۇلدە! اسىرەسە سوڭعى بىرنەشە جىلدا ءوزىنىڭ جاڭاشىل ىزدەنىستەرىمەن كىشكەنتاي كورەرمەندەردىڭ رۋحاني كەمەلدەنۋى جولىندا ەسەپسىز تەر توگىپ كەلە جاتقان ىزدەنگىش ۇجىمنىڭ شىعارماشىلىق اياقالىسى مەن قارىمى بۇگىندە ەلدەن اسىپ, الىس-جاقىن شەتەلدى دە مويىنداتىپ, ۇلت مەرەيىن اسىرىپ ءجۇر. ونىڭ جانە ءبىر جارقىن دالەلى – تالانتتى تەاتر ترۋپپاسىنىڭ قىرعىزستاننىڭ «ەرگۋ-2021» ۇلتتىق تەاتر جۇلدەسىن ەنشىلەۋى.
تەاتر • 31 ناۋرىز, 2021
قۇندىلىعىن جوعالتپاعان «قۇنانباي»
ەلوردالىق ق.قۋانىشباەۆ اتىنداعى اكادەميالىق قازاق مۋزىكالىق دراما تەاترى ۇجىمى جاڭا عيماراتقا كوشكەننەن كەيىنگى بىرنەشە ايعا سوزىلعان ۇزىلىستەن سوڭ العاشقى پرەمەراسىن كورەرمەن نازارىنا ۇسىندى. جىل كەلگەندەي جاڭالىقتىڭ جارشىسى بولعان قويىلىم قازاقتىڭ ارداقتى تۇلعاسى قۇنانباي وسكەنباي ۇلىنىڭ ساحناداعى كوركەم بەينەسىن جاڭاشا قىرىنان اشۋعا باعىتتالدى. سپەكتاكلدىڭ قويۋشى رەجيسسەرى – قازاقستاننىڭ ەڭبەك سىڭىرگەن قايراتكەرى بولات ۇزاقوۆ, اۆتورى – تالاسبەك اسەمقۇلوۆ.
سۇحبات • 29 ناۋرىز, 2021
مەيرام قايسانوۆ: كورەرمەنمەن ساحنا ارقىلى سىرلاسقان ۇنايدى
اكتەردە دە اكتەر بار, ازاماتى ءبىر باسقا. ساحنادا ءجۇرىپ ءتۇرلى قاھارمان بەينەسىن كەمەلىنە كەلتىرە كەيىپتەيتىن ارتىستەردىڭ, مويىنداۋ كەرەك, شىنايى ومىردە دە ءدال سونداي ازاماتتىق تانىتىپ, ءور مىنەز كورسەتە الاتىنى نەكەن-ساياق. سول ازدىڭ قاتارىندا ەلوردالىق ق.قۋانىشباەۆ اتىنداعى اكادەميالىق قازاق مۋزىكالىق دراما تەاترىنىڭ اكتەرى, قازاقستاننىڭ ەڭبەك سىڭىرگەن قايراتكەرى مەيرام قايسانوۆ بار. كوزى قاراقتى كورەرمەن قاۋىم مەيرام قايسانوۆتى ساحناداعى ءتۇرلى امپلۋاداعى تاماشا رولدەرى ارقىلى جاقسى تانىعانىمەن, سوناۋ 1986 جىلدىڭ جەلتوقسانىندا ۇلتجاندى جاستارمەن بىرگە الاڭعا شىعىپ, ۇلتىمىزدىڭ ومىرىندەگى ۇلى وقيعا – كيەلى تاۋەلسىزدىگىمىزدىڭ حابارشىسىنداي بولعان تاريحي ءساتتىڭ باسى-قاسىندا بولعاندىعىنان حاباردارى نەكەن-ساياق. ءبىزدى اكتەردىڭ قۇپياعا تولى جۇمباق جانى قىزىقتىردى. كوپشىلىك ونەر ادامىنا ءتان جارق-جۇرقتان جىراق جۇرەتىن, ساحنادا تەك بەينە تۋدىرۋدى عانا بىلەتىن تەكتى ونەردىڭ وكىلىن اڭگىمەگە تارتىپ, ساحناگەردىڭ جانسارايىنا ءۇڭىلىپ كورگەن ەدىك.
تەاتر • 26 ناۋرىز, 2021
تەاتر – تەكتىلىك مەكەنى, حاس سۇلۋدىڭ كوز جاسىنداي ءمولدىر ونەر. مۇندا كىرلەگەن سەزىمدەر تازارىپ, جابىققان كوڭىلدەر جاي تابار عاجايىپ اۋرا بار. ول – قاسيەتتى ساحنا ارقىلى كورەرمەن جۇرەگىنە قۇيىلار عاجايىپ مۋزىكا – ءومىر ءانى.تەاترعا ءبىر كەلگەن كورەرمەن بىرنەشە جىلعا ازىق بولار رۋحاني قازىنا جيىپ, ءومىردىڭ وزگەشە نوتاسىن سەزىنىپ قايتادى. جۇرەگى ساعىنىش پەن سەزىمگە تولىپ, جاڭارىپ, ادامي كەلبەتىن تولىقتىرىپ شىعادى. ال كورەرمەنىنە جىل ون ەكى اي بويى رۋحاني ازىق سىيلاپ, بار ءومىرىن ونەرگە ارناپ, قاسيەتتى ساحناعا ادال قىزمەت ەتىپ كەلە جاتقان ارتىستەر قاۋىمى ءۇشىن كوكتەممەن بىرگە كوڭىلگە دە قۋانىش سىيلاي ەنەتىن ەرەكشە ىستىق مەرەكە بار, ول – حالىقارالىق تەاتر كۇنى.
رۋحانيات • 22 ناۋرىز, 2021
بۇل كوكتەم بۇرىنعىدان وزگەرەك. سەبەبى كۇللى تۇركى حالقى اسىعا كۇتكەن جاڭا جىل – ءاز-ناۋرىز مەرەكەسى بيىل ۇلتىمىزدىڭ ۇلىق مەيرامى – تاۋەلسىزدىگىمىزدىڭ 30 جىلدىق مەرەيتويىمەن تۇسپا-تۇس كەلىپ وتىر. وسى ايتۋلى داتاعا وراي رەسپۋبليكالىق دەڭگەيدەگى ارنايى ءىس-شارالار جوسپارى بەكىتىلدى. سونىڭ ىشىندە مادەنيەت جانە سپورت مينيسترلىگى ءتۇرلى دەڭگەيدەگى 500-گە جۋىق ءىس-شارادان تۇراتىن قوسىمشا جوسپار ازىرلەدى.
تەاتر • 18 ناۋرىز, 2021
ءى.وماروۆ اتىنداعى قوستاناي قازاق دراما تەاترى ۇزاق ۇزىلىستەن كەيىن قايتا شىمىلدىعىن ءتۇردى. كارانتيننىڭ قۇرساۋى ءجىبىپ, مادەني نىساندار ۇزىن ارقان, كەڭ تۇساۋ تىرشىلىككە كوشكەلى تىنىمسىز دايىندىققا كىرىسكەن تەاتر ۇجىمى ناۋرىزدىڭ باسىندا كورەرمەندەرىنە «وتەلمەگەن پارىز», «سىعان سەرەناداسى», «كىشكەنتاي ادامنىڭ ۇلكەن تراگەدياسى» اتتى ءۇش بىردەي جاڭا قويىلىمدى ۇسىنىپ وتىر.
تەاتر • 17 ناۋرىز, 2021
جانىمىز جىلىلىق اڭساپ, مەيىرىمگە شولىركەسەك, اۋىلعا تارتىپ وتىرعىمىز كەلەتىنى نەسى ەكەن؟! قالانىڭ بىرقالىپتى قىتىمىر تىرشىلىگىنەن شارشاساق تا, ەل جاققا ات باسىن بۇرىپ, تۋعان جەردىڭ ساف اۋاسىن قۇشىرلانا جۇتىپ, كوكىرەكتى كەرە كەڭ تىنىس الىپ قايتۋعا قۇمارتاتىن قۇشتارلىق تا دالا ءدامىن سەزگەن قاي-قايسىمىزعا دا تانىس كۇي. سوندىقتان بولسا كەرەك, جازۋشى ورالحان بوكەيدىڭ «اۋىل حيكايالارى» ساحنا تورىنە شىعادى دەگەن اقجولتاي حاباردى ەستىگەننەن-اق, ەلوردالىق ءا.مامبەتوۆ اتىنداعى مەملەكەتتىك دراما جانە كومەديا تەاترىنىڭ جاڭا قويىلىمىن تاعاتسىزدانا كۇتكەنىمىز راس.
ايماقتار • 11 ناۋرىز, 2021
«استانا بالەتتەگى» عاجايىپ گالا-كونتسەرت
كوكتەمنىڭ العاشقى كۇندەرىندە «استانا بالەت» ساحناسىندا عاجايىپ گالا-كونتسەرت ءوتتى. قاتارىنان ەكى كۇن بويى ەلىمىزدىڭ جەتەكشى ءۇش تەاترى – «استانا بالەت», «استانا وپەرا» جانە اباي اتىنداعى قازاق ۇلتتىق اكادەميالىق وپەرا جانە بالەت تەاترىنىڭ جەتەكشى سوليستەرى, قازاقستاندىق بەلگىلى بالەت جۇلدىزدارى ءبىر ساحنادا باس قوسىپ, تاماشا ونەر تۋىندىسىن كورەرمەنىنە تارتۋ ەتتى.
