رۋحانيات • 22 ناۋرىز, 2021
بۇل كوكتەم بۇرىنعىدان وزگەرەك. سەبەبى كۇللى تۇركى حالقى اسىعا كۇتكەن جاڭا جىل – ءاز-ناۋرىز مەرەكەسى بيىل ۇلتىمىزدىڭ ۇلىق مەيرامى – تاۋەلسىزدىگىمىزدىڭ 30 جىلدىق مەرەيتويىمەن تۇسپا-تۇس كەلىپ وتىر. وسى ايتۋلى داتاعا وراي رەسپۋبليكالىق دەڭگەيدەگى ارنايى ءىس-شارالار جوسپارى بەكىتىلدى. سونىڭ ىشىندە مادەنيەت جانە سپورت مينيسترلىگى ءتۇرلى دەڭگەيدەگى 500-گە جۋىق ءىس-شارادان تۇراتىن قوسىمشا جوسپار ازىرلەدى.
تەاتر • 18 ناۋرىز, 2021
ءى.وماروۆ اتىنداعى قوستاناي قازاق دراما تەاترى ۇزاق ۇزىلىستەن كەيىن قايتا شىمىلدىعىن ءتۇردى. كارانتيننىڭ قۇرساۋى ءجىبىپ, مادەني نىساندار ۇزىن ارقان, كەڭ تۇساۋ تىرشىلىككە كوشكەلى تىنىمسىز دايىندىققا كىرىسكەن تەاتر ۇجىمى ناۋرىزدىڭ باسىندا كورەرمەندەرىنە «وتەلمەگەن پارىز», «سىعان سەرەناداسى», «كىشكەنتاي ادامنىڭ ۇلكەن تراگەدياسى» اتتى ءۇش بىردەي جاڭا قويىلىمدى ۇسىنىپ وتىر.
تەاتر • 17 ناۋرىز, 2021
جانىمىز جىلىلىق اڭساپ, مەيىرىمگە شولىركەسەك, اۋىلعا تارتىپ وتىرعىمىز كەلەتىنى نەسى ەكەن؟! قالانىڭ بىرقالىپتى قىتىمىر تىرشىلىگىنەن شارشاساق تا, ەل جاققا ات باسىن بۇرىپ, تۋعان جەردىڭ ساف اۋاسىن قۇشىرلانا جۇتىپ, كوكىرەكتى كەرە كەڭ تىنىس الىپ قايتۋعا قۇمارتاتىن قۇشتارلىق تا دالا ءدامىن سەزگەن قاي-قايسىمىزعا دا تانىس كۇي. سوندىقتان بولسا كەرەك, جازۋشى ورالحان بوكەيدىڭ «اۋىل حيكايالارى» ساحنا تورىنە شىعادى دەگەن اقجولتاي حاباردى ەستىگەننەن-اق, ەلوردالىق ءا.مامبەتوۆ اتىنداعى مەملەكەتتىك دراما جانە كومەديا تەاترىنىڭ جاڭا قويىلىمىن تاعاتسىزدانا كۇتكەنىمىز راس.
ايماقتار • 11 ناۋرىز, 2021
«استانا بالەتتەگى» عاجايىپ گالا-كونتسەرت
كوكتەمنىڭ العاشقى كۇندەرىندە «استانا بالەت» ساحناسىندا عاجايىپ گالا-كونتسەرت ءوتتى. قاتارىنان ەكى كۇن بويى ەلىمىزدىڭ جەتەكشى ءۇش تەاترى – «استانا بالەت», «استانا وپەرا» جانە اباي اتىنداعى قازاق ۇلتتىق اكادەميالىق وپەرا جانە بالەت تەاترىنىڭ جەتەكشى سوليستەرى, قازاقستاندىق بەلگىلى بالەت جۇلدىزدارى ءبىر ساحنادا باس قوسىپ, تاماشا ونەر تۋىندىسىن كورەرمەنىنە تارتۋ ەتتى.
رۋحانيات • 04 ناۋرىز, 2021
تەرىسكەيدىڭ كەرىمسال اۋاسىن قۇشىرلانا جۇتىپ, ءتاتتى قيالعا بەرىلەتىن كىشكەنتاي قىز بالا كۇنىنەن-اق ءوزىنىڭ بولاشاق ماماندىعىن تاڭداپ قويعان. جۇرەك تۇكپىرىندەگى تىلەگى جۋرناليست بولۋ ارمانىمەن ۇشتاساتىن. سوندىقتان بولسا كەرەك, اينالاسىنا ۇلكەن ماحابباتپەن كوز تىگىپ, تىرشىلىكتىڭ ءار بولشەگىنەن ءومىر ءۇنىن, تىرلىك تىنىسىن تۇيسىنۋگە تىرىساتىن. ونى جازۋدىڭ قۇپياعا تولى قىزىق الەمى قول بۇلعاپ شاقىرا بەرگەن. الايدا ءوزىن كەلەشەكتە جۋرناليستيكانىڭ جۇلدىزى ەسەبىندە كورە بىلسە دە, ايگىلى حالىقارالىق كانن فەستيۆالىنىڭ جەڭىمپازى رەتىندە ەلەستەتۋ قىزىلجاردىڭ قارشاداي قىزىنىڭ استە ءۇش ۇيىقتاسا دا تۇسىنە ەنبەگەن عاجايىپ ەدى...
تەاتر • 02 ناۋرىز, 2021
كوكتەم اۋەندەرى كوڭىل كوتەرەدى
كوكتەممەن بىرگە كوڭىلدەرگە دە كوركەم سەزىم ورنايدى. ناۋرىز ايىندا «استانا وپەرا» تەاترىنىڭ كامەرالىق زالىندا وتەتىن مازمۇندى قويىلىمدار مەن جارقىن كونتسەرتتەر ەلوردا تۇرعىندارى مەن قالا قوناقتارىنا تاماشا تارتۋ بولارى ءسوزسىز.
رۋحانيات • 01 ناۋرىز, 2021
ۇلى دالا تورىندە جىر الىبى جامبىل جاباەۆتىڭ 175 جىلدىق مەرەيتويىن رەسمي تۇردە مەرەكەلەۋ باستالدى
ونەر • 18 اقپان, 2021
شۋكشين شىعارمالارىنىڭ شىرايى – شىنايىلىعىندا
جاقىندا ەلوردالىق م.گوركي اتىنداعى اكادەميالىق ورىس دراما تەاترىندا ورىس جازۋشىسى ۆ.شۋكشين شىعارمالارى نەگىزىندە قويىلعان «سۆەتلىە دۋمى» («جارقىن ويلار») قويىلىمىنىڭ پرەمەراسى ءوتتى. كورەرمەنىن ءتانتى ەتكەن كوركەم تۋىندىنىڭ ساحنالىق نۇسقاسىن جاساۋشى ءارى قويۋشى رەجيسسەرى رەسەيدىڭ چەليابى قالاسىنان ارنايى شاقىرىلعان تەاتر مامانى ەۆگەني گەلفوند. شۋكشيننىڭ اۋىل حيكايالارى تسيكلى قاراپايىم ادامداردىڭ ىشكى جان دۇنيەسىن شىنايى جەتكىزۋىمەن وقىرمان كوڭىلىنەن ايرىقشا ورىن الادى. ياعني مۇندا سىرتقى ارەكەتتەن بۇرىن ىشكى سەزىم تولقىنىستارىنىڭ تەرەڭ اشىلۋى ماڭىزدى. وسى مىندەتتى تەرەڭ تۇسىنگەن رەسەيلىك رەجيسسەر ايگىلى جازۋشىنىڭ بىرنەشە تۋىندىسىنان قۇرالعان قويىلىمدى بارىنشا ءومىردىڭ وزىمەن ساباقتاستىرۋعا ۇمتىلىپتى. سپەكتاكل جايلى رەجيسسەردىڭ ءوزى بىلاي دەيدى.
ونەر • 18 اقپان, 2021
ەلوردالىق جاستار تەاترىنىڭ اقپان ايىندا كورەرمەنىنە ۇسىنعان تاماشا تارتۋى – «تاپتىم... عاشىق بولدىم... جوعالتتىم...» ميۋزيكلى. ايتۋلى شىعارما جازۋشى, دراماتۋرگ تالاپتان احمەتجاننىڭ «سۇلۋ مەن سۋرەتشى» اڭگىمەسىنىڭ جەلىسىندە ساحناعا جول تارتتى. قويىلىمنىڭ رەجيسسەرى – قازاقستاننىڭ ەڭبەك سىڭىرگەن قايراتكەرى نۇرقانات جاقىپباي.
ونەر • 18 اقپان, 2021
بيىل قازاق پوەزياسىنىڭ پاديشاھى, اقيىق اقىن مۇقاعالي ماقاتاەۆتىڭ 90 جىلدىق مەرەيتويى. ولەڭ ولكەسىنىڭ ايتۋلى وقيعاسىنا وراي نۇر-سۇلتان قالاسى اكىمدىگىنىڭ مۋزىكالىق جاس كورەرمەن تەاترى «عاشىق جۇرەك» پوەتيكالىق-مۋزىكالىق قويىلىمىن كورەرمەن نازارىنا ۇسىندى. كومپوزيتسيا اۆتورى ءارى رەجيسسەرى – امان عۇماروۆ.
