تەاتر • 31 شىلدە, 2023
تەاتر فەستيۆالدەرىنە تۇبەگەيلى توڭكەرىس قاجەت: ەركىن جۋاسبەك
تەاتر الەمى – سىرتتاي سۇلۋ كورىنگەنىمەن, ىشىنە ۇڭىلگەن سايىن قاتتالعان ماسەلە مەن ءتۇيىنى شەشىلمەگەن تۇيتكىلى مول سالا جانە ءاردايىم ءتۇرلى پىكىرتالاس پەن قىزۋ تالقىعا ارقاۋ بولىپ جاتاتىن شىم-شىتىرىق قايشىلىقتار الاڭى. اكتەرلىك ونەر مەن رەجيسسۋرا, دراماتۋرگيا مەن تالعام ءھام ساحناداعى ءتۇرلى تاجىريبە – مۇنىڭ بارلىعى اسەرلى اڭگىمەنىڭ نەگىزىنە اينالار تارتىمدى تاقىرىپتار. وسى ورايدا قازاقستاننىڭ ەڭبەك سىڭىرگەن قايراتكەرى, دراماتۋرگ, تەاتر سىنشىسى, مۇحتار اۋەزوۆ اتىنداعى قازاق ۇلتتىق دراما تەاترىنىڭ ديرەكتورى ەركىن جۋاسبەكتىڭ ايتارى مول. ونەردى ءوز ىشىنەن تانيتىن تۇلعا تەاتر تۋرالى تولعامدارىن ورتاعا سالدى.
قوعام • 10 شىلدە, 2023
Kitap Fest – كەمەلدەنۋگە قادام
جاڭا عاسىردىڭ ادامزاتقا سىيلاعان يگىلىگىنىڭ ءبىرى زاماناۋي تەحنيكانىڭ وزىق جەتىستىكتەرى دەپ مارقايساق تا, سول تابىستى شەكتەن تىس اسىرا پايدالانۋ ادامدى وزىنەن ءوزىن الىستاتىپ جاتقانىن دا مويىنداۋعا ءتيىسپىز. سەبەبى بار نازارى گادجەتكە بۇعاۋلانعان بۇگىنگىنىڭ ادامىنىڭ قۇندىلىعى دا, قۇندىلىققا دەگەن كوزقاراسى دا تۇبەگەيلى وزگەرگەن. سوندايدا سىرلاسقا سۋساعان جانىڭدى كىتاپتان ىزدەۋىڭ دە قالىپتى جايت. ۇلى تولستويدىڭ: «جاقسى كىتاپ – اقىلدى ادامنىڭ اڭگىمەسىمەن بىردەي» دەگەن ويى قالاي قالتقىسىز ايتىلعان دەيسىڭ ءدال وسىنداي كوڭىل كۇي ۇستىندە تۇرىپ. ال وتكەن دەمالىستا وتكەن Kitap Fest حالىقارالىق كىتاپ جارمەڭكەسىنە جينالعان جۇرتتىڭ قاراسى ادامنىڭ كىتاپ وقۋ مەن ىشكى رۋحاني كەمەلدەنۋگە دەگەن قۇلشىنىسىن ەشقانداي جارق-جۇرق تەحنيكانىڭ الماستىرا المايتىنىن تاعى ءبىر مارتە مويىنداتقانداي.
تەاتر • 10 شىلدە, 2023
ونەرى بار ۇلت – ومىرشەڭ ۇلت دەسەك, ەلوردامىزدىڭ شيرەك عاسىرداعى جەتكەن جەتىستىگى مەن باعىندىرعان بەلەسىنىڭ دەنى نەگىزىنەن ۇلتتىق ونەرىمەن باياندى. ارقا تورىندە بوي كوتەرگەن الىپ استانانىڭ اجارىن اشىپ تۇرعان ەڭسەلى عيماراتتار تەك ارحيتەكتۋرانىڭ وزىق ۇلگىسى عانا ەمەس, ۇلتتىق رۋح پەن قازاقى قالىپتىڭ قازىنالى ورداسىنداي.
تەاتر • 04 شىلدە, 2023
روسسيني تۋىندىسى – استانا ساحناسىندا
وتكەن جۇمادا «استانا وپەرا» ساحناسىندا ۇلى كومپوزيتور دجواككينو ءروسسينيدىڭ «الجيردەگى يتاليالىق قىز» تۋىندىسى العاش رەت ەلوردالىق كورەرمەن نازارىنا ۇسىنىلدى. زاماناۋي ساراپتاۋدا قويىلعان وپەرا جاۋھارى «وپەراليا-2023» حالىقارالىق فەستيۆالى باعدارلاماسىنىڭ ءسانىن كىرگىزىپ قانا قويعان جوق, سونىمەن قاتار تالعامپاز تەاترسۇيەر قاۋىم ءۇشىن دە ەستەن كەتپەس ەرەكشە جاڭالىق بولعانى راس.
تەاتر • 03 شىلدە, 2023
تۇركىستان مۋزىكالىق دراما تەاترىنىڭ ۇزدىك قويىلىمدارى ارقا تورىندە اپتا بويى سالتانات قۇرادى. ەلوردامىزدىڭ 25 جىلدىق مەرەيتويى ءھام تۇركىستان وبلىسىنىڭ قۇرىلعانىنا 5 جىل تولۋىنا وراي ۇيىمداستىرىلعان گاسترولدىك ساپارىندا ەلىمىزدەگى ەڭ جاس تەاتر تاڭداۋلى سپەكتاكلدەرىن باس شاھاردىڭ تالعامپاز كورەرمەندەرىنە تارتۋ ەتەدى.
ونەر • 26 ماۋسىم, 2023
ەلوردا تورىندە ايتۋلى ونەر وقيعاسى – «وپەراليا» حالىقارالىق فەستيۆالى شىمىلدىق ءتۇردى. «استانا وپەرانىڭ» 10 جىلدىق مەرەيتويىنا وراي ۇيىمداستىرىلعان اۋقىمدى شارا اياسىندا تەاتر ساحناسىندا ءبىر اي بويى الەمنىڭ 12 ەلىنەن كەلگەن اتاقتى ارتىستەر ونەر كورسەتەدى, سونداي-اق جۇرتشىلىق نازارىنا زاماناۋي ينتەرپرەتاتسياداعى وپەرانىڭ پرەمەراسى ۇسىنىلادى.
سۇحبات • 22 ماۋسىم, 2023
ليديا كادەنوۆا: تاعدىرىم تەاترعا تاڭىلعان
دراما, كومەديا, تراگەديا. اكتريسا تەاتر ونەرىنىڭ اتالعان وسى باستى ءۇش جانرىن تەك ساحنادا عانا ءساتتى سومداپ قويعان جوق, ءومىر ۇسىنعان وسىناۋ كوڭىلدىڭ ءتۇرلى ساتتەرىن پەشەنەسىنە بۇيىرتقان تاعدىر-تاقتاسىندا دا تەڭدەي كوردى, قايىسپاي كوتەردى. ول باقىتتى ساتتەرىندە داندايسىپ, بولماسا جەڭىلگەن, قايعىرعان كەزدەرىندە مورت سىنىپ كەتپەدى. دراماعا تولى ءومىرىنىڭ ءار ءساتىن ايالاي ءھام باعالاي ءبىلدى. وزىنە بۇيىرعان رولدەرىن ابىرويمەن الىپ شىقتى. كۇنى بۇگىنگە دەيىن سول تۇعىرىنان تۇسپەي كەلەدى. سەبەبى ول ونەردە قانداي تالانتتى اكتريسا بولسا, ومىردە ءدال سونداي پاراساتتى, تەرەڭ ادام. قازاقستاننىڭ ەڭبەك سىڭىرگەن ءارتىسى, «پاراسات» جانە «قۇرمەت» وردەندەرىنىڭ يەگەرى ليديا كادەنوۆانىڭ كوڭىل پەرنەسىن باسىپ كوردىك. سىڭعىرلاعان سۇلۋ ءۇن ساليقالى سىرلارىن توگە جونەلدى.
مادەنيەت • 13 ماۋسىم, 2023
وتان وتباسىنان باستالسا, ال وتباسى – بالادان, سانالى ۇرپاق تاربيەدەن تامىر الادى. سەبەبى ەلدىڭ ەرتەڭى ەركىن ويلى, تاربيەلى جاستىڭ قولىندا. ءدال وسى ماقساتتى مۇرات تۇتقان «زامانداس» وتباسىلىق اۋلا كلۋبىنىڭ تەاتر ستۋدياسىنداعى بالالار مەن وقىتۋشىلار ەلوردالىق كورەرمەندەر نازارىنا «التىن ولكە اڭىزى» ەرتەگىسىنىڭ پرەمەراسىن ۇسىندى.
ادەبيەت • 07 ماۋسىم, 2023
«قاۋىپتى بۋدان» – سوڭعى ەسكەرتپە
«اتاۋ كەرە» جازۋشى ورالحان بوكەيدىڭ ەڭ سوڭعى جازعان شىعارماسى, ۇلتىنا جاساعان اقتىق ەسكەرتپەسى بولۋىمەن عانا ەمەس, «اتاۋ كەرە» الەۋمەتتىك-پسيحولوگيالىق ءمانىنىڭ جوعارىلىعىمەن دە قۇندى تۋىندى. وسىدان 35 جىل بۇرىن جازىلعان روماندا (اۆتوردىڭ انىقتاماسى. – اۆت.) بۇگىنگى كۇننىڭ احۋال-تىنىسى استارلى اللەگوريامەن شەبەر شەندەستىرىلە سۋرەتتەلەدى. «اتاۋ-كەرە» بايانى كوركەم شىعارما بولۋمەن بىرگە, قوعامدىق-الەۋمەتتىك بولمىستى تالداۋ. الەۋمەتتىك-پسيحولوگيالىق زەردەلەۋ. شىعارمانىڭ ەكىنشى اتى – «قاۋىپتى بۋدان».
سۇحبات • 01 ماۋسىم, 2023
تىلەكتەس مەيراموۆ: مەن ءوز ءرولىمدى ادال ورىندادىم
جارتى عاسىر... تامىرىن تەرەڭنەن تارتاتىن تەاتر تاريحى ءۇشىن بالكىم كوپ تە ەمەس شىعار. ال ەلۋ جىلدان اسا عۇمىرىن ساحناعا ارناعان ساڭلاق ءۇشىن بۇل دەگەنىڭىز ءبىر ادامنىڭ تۇتاس ومىرىنە تاتيتىن قاجىرلى ەڭبەك. ءتوزىم مەن جىگەر. ىزدەنىس پەن ءىلىم. سەزىم مەن سەرگەلدەڭ. وسىنىڭ بارلىعىن ءبىر باسىنان وتكەرىپ, كيەلى ساحناعا قالتقىسىز قىزمەت ەتىپ كەلە جاتقان اكتەر, قازاقستاننىڭ حالىق ءارتىسى تىلەكتەس مەيراموۆ قاي كەزدە دە شىعارماشىلىق بابىن باسەڭسىتكەن ەمەس. ۇنەمى ۇزدىكسىز ىزدەنىس ۇستىندە. قاشان كورسەڭ ونەر ءۇشىن ورەكپيدى, تەاتر ءۇشىن تولعانادى. سەبەبى اكتەر شىن مانىندە تەاتردىڭ ءتول بالاسى. كەيىپكەرىمىزدى بۇل جولى دا قىزۋ قاربالاس ۇستىندە جولىقتىردىق. اكتەرلىك پەن ۇستازدىقتى قاتار ۇشتاستىرعان ونەر يەسى قازاق ۇلتتىق ونەر ۋنيۆەرسيتەتىندەگى كۋرسىن ءبىتىرۋ ەمتيحانىنا دايىنداپ جاتىر ەكەن. كەزىندە ءوزى دە اسقار توقپانوۆ, شولپان جانداربەكوۆا, ءازىربايجان مامبەتوۆ, ءانۋار مولدابەكوۆ سىندى ساحنا ساڭلاقتارىنان كورگەن شاراپاتىن وسكەلەڭ ۇرپاق بويىنا سىڭىرسەم, تەاتردىڭ وتكەنى مەن بۇگىنى ءھام بولاشاعى اراسىنداعى ساباقتاستىقتىڭ ۇزىلمەۋىنە دانەكەر بولسام دەيدى. اڭگىمەمىزدىڭ القيسساسىن ومىرىنە اينالعان ونەرى تۋراسىنان تارقاتتى.
