رۋحانيات • 19 ءساۋىر, 2021
بىلەك كۇشىنەن بۇرىن جۇرەك كۇشى قاجەت. ونسىز سەركە قولعا ىلىنبەيدى, كومبە دە كوڭىلدەن الىس. كوك ەتى جىرىلعانشا كوزسىز باتىرلىققا بارۋ ويىن الاڭىنداعى وعلاندارعا سەرت. نامىس تەڭىزىندە سالى سۋعا كەتسە جاي عانا ايىپتى سانامايدى ءوزىن, ەرتەڭ ەل بەتىنە قاراۋعا باتپايدى. سوندىقتان ومىلدىرىگىن ۇزەردەي القىنعان اتتار مەن ۇزەڭگىسىنە شىرەنە وتىرىپ قيقۋعا قيقۋ قوسقان قازاق ازاماتتارىنىڭ بۇل شابىسى بولەك. بۇل – نەشە مىڭجىلدىقتان بەرى جالعاسقان ۇلتتىق ويىن – كوكپاردى بىلەكتى دە جۇرەكتى جىگىتتەردىڭ تارتقان ءساتىنىڭ كورىنىسى.
ونەر • 16 ءساۋىر, 2021
بويجەتكەن سەزىم, بوزبالا ءۇمىت
ەشقانداي دا ەسكىلىك ەمەس, جاڭا كوزقاراس جەتەگىندەگى تۇجىرىم. تۇجىرىمنان تۋعان كوركەم كەسكىن. ۇلتتىڭ تامىرىنان تاعان تارتىپ, تەكتىلىككە استار بولعان دالا ەرەجەسى. وسالسىڭ با, ويىننان شىق. بۇرىمدىدان ءۇمىتتىسىڭ بە, بارىڭدى سال. بولماسا, ۇياتتان ورتەن دە لاۋلا. بويجەتكەننىڭ جەل وپكەن ماڭدايىنان سەن سۇيە الماساڭ, نەسىنە ءوزىڭدى جىگىتكە جاتقىزاسىڭ. سىن مەن سەرت. مۇندا ءتارتىپ باسقا, جۇيرىك كوڭىلىڭ جولدا قالسا, ارمانىڭنىڭ سۇرىنگەنى. قامشىنىڭ استىندا قالعىڭ كەلمەسە, كانە, قامشىلا اتىڭدى.
رۋحانيات • 02 ءساۋىر, 2021
دارقاندىقتىڭ شىڭىنا شىققان دانا حالقىمىزدىڭ اتاتەكتەن جالعاسقان, ءتۇپتامىردان اجىراماعان ءبىر قاسيەتى بولسا, ول مەيماندوس مىنەزى. «قۋىس ۇيدەن قۇر شىقپا» دەپ ناقىل قالدىرعان بابالارىمىز حال سۇراپ كەلگەن كىسىنى قانشا اسىعىس بولسا دا ءبىر ءتىلىم نان اۋىز تيگىزبەي جىبەرمەگەن. بۇل ءتول مادەنيەتىمىزدىڭ مايەگى بولعان ءتالىمنىڭ ەڭ ءتاۋىرى. بۇگىن قولىمىزعا سول ءبىر سالماقتى سالتىمىزدىڭ ەنشىسىندەي ەستى سۋرەت ىلىگىپ وتىر. كوڭىل تورىنەن ورىن العان كوركەم كارتينا عۇلاما عۇرپىمىزدى ۇلىقتاپ تۇرعانداي.
رۋحانيات • 30 ناۋرىز, 2021
نۇر-سۇلتان قالاسىنىڭ مەملەكەتتىك ارحيۆىندەگى قۇندى قۇجاتتارعا ۇڭىلسەڭىز, استانادا العاش رەت ناۋرىز مەرەكەسى قاشان اتالىپ وتكەنى تۋرالى دەرەكتەر كەزدەسەدى. 1990 جىلعى تسەلينوگراد قالالىق مادەنيەت ءبولىمىنىڭ ەسەبىنە سۇيەنسەك, مۇندا ەڭ العاش ۇلىستىڭ ۇلى كۇنى 1989 جىلى تويلانعان ەكەن. اقساقالداردىڭ اق باتاسىمەن ورىلگەن قۇتتى مەرەكەگە كەڭەس يدەولوگياسى قۇلاعىنا ءسىڭىپ كەتكەن جاستار جاعى بوي ۇيرەتە الماسا دا, ۇلكەندەردىڭ ىزەتتى جولىمەن جۇرۋگە تىرىسقان. بۇعان قولداعى قۇندى قۇجاتتار كۋالىك ەتەدى.
رۋحانيات • 26 ناۋرىز, 2021
ادامزاتتىق وركەنيەتتىڭ التىن بەسىگىنە اينالعان ۇلى دالا يەلەرىنىڭ ءتول مەرەكەسى – ءاز-ناۋرىز! قارت تاريحتىڭ كورىكتى كەرۋەنى تۇركى جۇرتىنا جىل اينالىپ تۇراقتاعان ساتتە كوكتەمنىڭ كوركەم كەيپى جان ەلىتىپ, مەيىرىم سەبەدى. مۇنداي ىزگىلىككە بويىن جىلىتقان قازاق حالقىنىڭ جاڭا تىنىسى اشىلىپ, ءداستۇرىن دارىپتەيتىن ادەتى. بابا ميراسىن كوككە كوتەرگەن قاراورمان قاراشانى سىرتتان باقىلاساڭىز, تاتۋلىقپەن تىنىستاپ, بىرلىككە تۇتقا بولىپ تۇرعانداي. وعان وسى سۋرەت دالەل.
ەلوردا • 25 ناۋرىز, 2021
نۇر-سۇلتان قالاسىنىڭ مەملەكەتتىك ارحيۆىندەگى قۇندى قۇجاتتارعا ۇڭىلسەڭىز استانادا العاش رەت ناۋرىز مەرەكەسى قاشان اتالىپ وتكەنى تۋرالى دەرەكتەر كەزدەسەدى. 1990 جىلعى تسەلينوگراد قالالىق مادەنيەت ءبولىمىنىڭ ەسەبىنە سۇيەنسەك, استانادا ەڭ العاش ۇلىستىڭ ۇلى كۇنى 1989 جىلى تويلانعان ەكەن. اقساقالداردىڭ اق باتاسىمەن ورىلگەن قۇتتى مەرەكەگە كەڭەس يدەولوگياسى قۇلاعىنا ءسىڭىپ كەتكەن جاستار جاعى بوي ۇيرەتە الماسا دا, ۇلكەندەردىڭ ىزەتتى جولىمەن جۇرۋگە تىرىسقان. بۇعان قولداعى قۇندى قۇجاتتار كۋالىك ەتەدى.
قوعام • 24 ناۋرىز, 2021
ماڭ-ماڭ باسقان عاسىرلاردىڭ ىزىنە تۇسسەڭىز مۇقىم تۇركى جۇرتىنىڭ تولاعاي تۇلعاسى مەنمۇندالاپ شىعادى. ساقي دۇنيەدە سالتانات قۇرعان بابالارىمىزدىڭ باۋىرعا باسقان بار ىزگىلىگى سارقىراپ اققان بۇلاقتاي كوڭىل دارياسىنا قۇيادى كەلىپ. ۋىعى اسپانعا ۇمسىنعان ۇلتتىڭ كوكىرەك كوزىنە ءدال وسى كۇنى ىستىق جۇرەكتىڭ القىمىنداعى العاۋسىز جاس ۇيدى. جاڭا جىلدا بەيتانىس ءبىر سەزىم بويدى بيلەپ, كوكتەمە لەبى جان ەرىتەدى. سودان با ۇلىستىڭ ۇلى كۇنى بالبال تاستارعا باسىمىزدى سۇيەپ جىلارداي كۇي كەشەتىنىمىز بار. بۇل – تولايىم تاريحتىڭ تاڭعاجايىپ سىيى, سارقىلماس سارقىتى.
قوعام • 20 ناۋرىز, 2021
ءاز-ناۋرىز, اۋەن ناۋرىز, ءازىز ناۋرىز, قوساقتا باقىتىنا جاندى جالعىز. كوركەيتىپ دۇنيەنىڭ كەڭىستىگىن, تولسىنشى ءتورت ت ۇلىككە ءورىس بۇگىن. ءداستۇرلى الاشىمنىڭ دارىپتەلىپ, بايىرعى بابامىزعا ەلىكتەلىك. سولارداي بوي تۇزەيىك تاۋعا قاراپ, ارمانىن الىپتاردىڭ ارعا بالاپ. سولارداي ۇستانايىق سالتتى مىعىم, قايتالاپ داۋىرلەردىڭ داڭقتى جىرىن. سولارداي ىزگىلىككە ءشول قاندىرىپ, الەمدى عۇمىر بويى تاڭعالدىرىپ. كۇزەتىپ جايساڭ جۇرتىڭ تىنىشتىعىن, شاشايىق جىردان جاقۇت, ىرىس گ ۇلىن. قوش كەلدىڭ, قوڭىر ءجۇزدى ۇلىس كۇنى, مەندەگى مەيىرىمنىڭ نۇر ۇشقىنى. سەنبىسىڭ, تاريحىمنىڭ تابارىگى, جانعا ەگىز جاقسىلىقتىڭ جاڭا جىرى.
ونەر • 16 ناۋرىز, 2021
الشاڭداپ باسقان, ارشىنداپ شاپقان الاش بالاسىنىڭ باسىنان تالاي عاسىر اۋناسا دا كومەيىنەن شىققان كۇمبىر ۋاقىت قۇلاعىندا ماڭگى قالدى. قۇزعىن جىلدار تۇياققا باسقانىمەن قازاقتىڭ قوڭىراۋ ءۇنى قۇمىعىپ شىققان ەمەس. ۇلى دالانىڭ ۋىسىندا ەركىن كوسىلدى, ەركىندىكتى ەنشىلەدى. تاريح تاقتاسىنا جازىلعان جاقۇت جازبالار بابا رۋحىنىڭ اسقاقتىعىن ايعاقتادى. ۇلىستى ۇرپاق سوعان قاراپ ۇرداجىق ءداۋىردى كەسكىندەدى. بولاشاق قولىنداعى قالام تەربەلدى, قىلقالام سويلەدى. بۇل سۋرەت – سونىڭ ءبىرى.
رۋحانيات • 15 ناۋرىز, 2021
قۇمساعات عۇمىردىڭ قىزىعىنا ءتۇسىپ قالاعا قاراي قىربايلادىق. قارا جول حان شاھارعا تارتتى. قاراكوز قالدى جاۋتاڭداپ. قاراورمان ارمانداردىڭ اراسىندا اداستىق. قاريالار «كوڭىل قام بولماسىن» دەپ قالتاسىنداعى مەن كەۋدەسىندەگىنىڭ ءبارىن جيىپ بەردى. دۇنيەگە جاڭا ورنەك سالارداي جەلپىندىك كەلىپ. بىراق قۇلاقتان كەكىلىن ارتقا تاراعان البىرت كۇندەردىڭ اۋەنى كەتپەيدى. نەگە؟ نە سەبەپتى؟ ونىڭ جاۋابى وسى كارتينادا.
