ونەر • 14 مامىر، 2021

عاسىرلاردى توعىستىرعان عاجايىپ

15 رەت كورسەتىلدى

ونەر كەڭىستىگى شەكسىز دە شەتسىز. ولەڭمەن ورىلگەن ءومىر، انمەن ارلەنگەن جىلدار، بوياۋمەن تۇرلەنگەن تاعدىرلار تۋراسىندا سان ءتۇرلى ءسوز قاۋزاۋعا بولادى. بىراق سونىڭ ىشىندە قىلقالام قۇدىرەتىنە بويلايتىن جاندار سيرەك. اسىرەسە، كەيىنگى ۋاقىتتا كەنجەلەپ كەلە جاتىر. ايتسە دە شىنايى ونەرگە جاناشىر وقىرماندار قاي ۋاقىتتا دا تابىلادى. ونى «عاسىرلار بوياۋى» اتتى جىلجىمالى كورمەدە انىق بايقادىق.

قازاق بەينەلەۋ ونەرى جىلدان جىلعا تۇرلەنىپ، تۇلەپ كەلە جاتىر. تالاي داڭقتى تۋىن­دىلار ومىرگە كەلىپ، سۋ­رەت­شى­لەردىڭ ەڭبەگى ەپتەپ با­عالانا باستادى. ۇلتتىق مۋزەي قورىنا جيناقتالعان كار­تينالارعا قاراپ، وتكەن ءداۋىر­دىڭ قولتاڭ­باسىمەن قا­تار، بۇگىنگى جاس تول­قىننىڭ ەڭبەگىن، وزىندىك كوزقاراسىن كورۋگە بولادى.

رر

جىلجىمالى كورمەگە قا­تىسقان قىلقالام شەبەرلەرىنىڭ ەڭبەگى وقىرماننىڭ ىستىق ىقى­لاسىنا يە بولدى. قازاقستاننىڭ بەينەلەۋ ونەرىن حالىقارالىق پلاتفورمادا تانىمال ەتۋدى ماقسات تۇتقان ءىس-شارا ءوزىنىڭ يدەيالىق جوسپارىن تولىق ورىندادى. عاسىردان عاسىرعا ۇندەسكەن بەينەلەۋ ونەرى تۋىن­­­دىلارى حالىقارالىق كە­ڭىستىككە جول تارتىپ، ەل مارتە­بەسىن كوتەردى. كوركەمونەر كو­رىنىس­تەرىن تاماشالاۋعا كەل­گەن كو­رەر­مەندەر سۋرەتشىلەردىڭ تۋىندىلارىنان ەستەتيكالىق ءلاززات الىپ، ۇيىم­داستىرۋشى­لارعا العىسىن جاۋدىردى.

چ

جيىن بارىسىندا ۇلتتىق مۋزەي ديرەكتورىنىڭ ورىنباسارى اباي ساتىبالدين كورمە تۋرالى پىكىر ءبىلدىرىپ، جىلى لەبىزىن جەتكىزدى.

«جىلجىمالى كورمە – قا­زاق بەينەلەۋ ونەرىنىڭ دامۋىنا ۇلەس قوساتىن ۇلكەن ءىس-شارا. مۇندا ءاربىر اۆتور ءوزىنىڭ ەڭ سۇيىكتى تۋىندىلارىن جولداپ، وقىرمانعا تارتۋ ەتەدى. قازاق ونەرىنىڭ بيىگىنە كوتەرىلگەن سۋرەتشىلەردىڭ ەڭبەگى كول-كو­سىر. ونى وقىرمانعا ناسيحاتتاۋ بۇگىندە پارىز. وسى مۇددە جولىندا اتقارىلىپ جاتقان ءىس-شارانىڭ كوپشىلىككە بەرەرى كوپ»، دەدى ول.

ش

ۇيىمداستىرۋشىلاردىڭ ايتۋىنشا، حالىقارالىق قارجى ورتالىعى گالەرەياسىنداعى «عا­­سىرلار بوياۋى» كورمەسى قا­زاق­ستان بەينەلەۋ ونەرى­نىڭ جو­عارى دەڭگەيدەگى جەتىستىك­تەرىن وتاندىق جانە الەمدىك ما­دەني قاۋىمداستىققا تا­نىس­تىرۋعا وراسان زور سەپتى­گىن تيگىزەدى. ءارى كورمەدە ۇسى­نىل­­عان جۇمىستاردىڭ كومپو­زيتسيا­لىق سيۋجەتتەرى بۇگىنگى زاماناۋي تالپىنىستار مەن جوعارى ماق­ساتتارعا ۇندەس جاڭ­عىرىق بولا­تىن، كەشە مەن بۇگىندى بايلانىس­تىراتىن ۇي­لەسىمدە بەينەلەنگەن.

حزز

بۇگىندە قازاقستان بەينەلەۋ ونەرىنىڭ نەگىزىنىڭ قالانۋى مەن ونىڭ دامۋ تاريحىڭ باستى ءتورت كەزەڭىن اتاپ كورسەتۋگە بولادى. بارلىق كەزەڭدەردى باستان وتكەرگەن كاسىبي سۋرەتشىلەر مەك­تەبىنىڭ تاجىريبەسى مول جانە زور مادەني مۇراعا يە ەكەنى داۋ­سىز. ەڭ قىزىعى، كورمەگە بەي­نەلەۋ ونەرى مەكتەبىنىڭ دۇ­نيەگە كەلۋى، قالىپتاسۋى مەن تۇراقتالۋىنىڭ العاشقى ءۇش كەزەڭى، ياعني XIX عاسىردىڭ سوڭى – XX عاسىر 80-جىلداردىڭ باسى ۇسىنىلىپ وتىر.

ززششز

ايتا كەتەيىك، ەكسپوزيتسياعا بەلگىلى قىلقالام شەبەرلەرى ا.دۇ­زەلحانوۆتىڭ «كوكتەم»، نەل­لي بۋبەنىڭ «ارحايك»، ج.شار­­دە­نوۆتىڭ «بەزمياتەجنىە سوپكي»، ن.قيلىباەۆتىڭ «بەسىك جى­رى»، م.نۇرعوجيننىڭ «شۋ وزەنى»، ا.اقاناەۆتىڭ «جىبەك جولى»، س.سماعۇلوۆتىڭ «مەنىڭ تاۋىم»، ب.بۋردەسبەكوۆتىڭ «با­لىقتار»، مارات بەكەەۆتىڭ «PlayXIV»، داۋرەن قاستەەۆتىڭ «كىش­­كەن­تاي يمپەراتور»، راشيد قۇل­باتى­روۆتىڭ «الاتاۋ باۋرايى»، ا.ەسداۋلەتوۆتىڭ «اتا­مە­كەن» سىندى ەسىمى ەلىمىزگە عانا ەمەس، الەمگە تانىمال سۋ­رەت­­­شىلەردىڭ كار­تينالارى ۇسى­نىلدى.

سوڭعى جاڭالىقتار

«بارىسقا» جاڭا قاقپاشى كەلدى

حوككەي • بۇگىن، 09:18

COVID-19: بوساڭسۋعا بولمايدى

الەم • بۇگىن، 08:51

ۇقساس جاڭالىقتار