مۇحتار كۇمىسبەك«Egemen Qazaqstan»
رۋحانيات • 20 ناۋرىز, 2020
ءبىزدىڭ اۋىلدىڭ ىرگەسىندەگى ۇلكەن توبەنى بىلمەيتىن جان جوق شىعار. ءتورت مەزگىلدە دە باۋىرىنان بالا ۇزىلگەن ەمەس. قۇددى ءبىر مالدى ورىسكە ايدايتىن كۇرەجول ىسپەتتى. ءىڭىر اۋعاندا كۇلشە كۇن تاۋ تەكتەس سول قۇمىققا ءسىڭىپ كەتكەندەي كورىنەدى. ۇستىنە شىقساڭ, تولىقسىعان اي دا تاياق تاستامدا تۇرعانداي. سودان بولار, سويىل سوعاردىڭ ءبارى ماڭايىنا ءۇيىر. جاستار ءۇشىن عاشىقتار مەكەنى. جۇلدىز كوكتەگەندە الاقانداي اۋىلدى تۇمانباي جىرى تەربەپ جاتاتىنى سونىڭ دالەلى. بوزبالانىڭ قيالى مەن بويجەتكەننىڭ ۇياڭدىعى تۇتاسىپ ولەڭ بوپ ورىلەدى كەلىپ.
