دەرەككوزدەرگە سۇيەنسەك, بارلىعى 20 مىڭ ۆاگوندى قايتا جاساقتاۋ جوسپارلانعان. ولاردىڭ ارقايسىسىندا ناۋقاسقا ارنالعان 16 ورىن, دارىگەر مەن مەدبيكەلەر بولمەسى, سونداي-اق ساقتاۋ جابدىقتارى بار. مۇنداي پويىزداردى ەلدىڭ كەز كەلگەن جەرىنە جىبەرۋگە بولادى.
ايتا كەتەيىك, ۇندىستانداعى جولاۋشىلار تەمىرجولى قىزمەتى 25 ناۋرىزدان 14 ساۋىرگە دەيىن توقتاعان. مۇنداي جاعداي 167 جىلدا ءبىرىنشى رەت كەزدەسىپ وتىر. سوعان قاراماستان جۇك تاسىمالى جالعاسۋدا. قالىپتى جاعدايدا ءۇندىستان تەمىر جولدارىندا كۇنىنە 20 مىڭنان استام جولاۋشىلار پويىزى جۇرەدى.
قازىرگى ۋاقىتتا اتالمىش ەلدە COVID-19 جۇققان 4288 ادام تىركەلدى. ولاردىڭ 117-ءى قايتىس بولعان.
