فوتو: اشىق دەرەككوز
ءمينيستردىڭ ايتۋىنشا, نىساندى كەلەسى جىلعا پايدالانۋعا بەرۋ جوسپارلانعان. ال بيىل زايسانعا قاراي سىناقتىق تەحنيكالىق رەيستەردى ۇيىمداستىرۋ مۇمكىندىگى قاراستىرىلىپ وتىر. نەگىزگى اۋە قاتىناستارى دا كەلەسى جىلدان باستالۋى مۇمكىن.
نۇرلان ساۋرانباەۆ سونىمەن قاتار كەندىرلى مەن زايسان باعىتتارىنداعى بيلەت باعاسى مەن رەيستەردىڭ قولجەتىمدىلىگىنە قاتىستى ماسەلە ءالى دە تالقىلانىپ جاتقانىن ايتتى. بۇل رەتتە جەرگىلىكتى اكىمدىكتەر تاراپىنان سۋبسيديالاۋ ماسەلەسى قاراستىرىلۋدا, ول اۋە كومپانيالارىمەن كەلىسسوزدەرگە اسەر ەتۋى مۇمكىن.
قازىرگى ۋاقىتتا قازاقستاننىڭ اۆياتسيا سالاسىندا ءتورت ءىرى جوبا ىسكە اسىرىلىپ جاتىر. ونىڭ ەكەۋى – شىعىس قازاقستانعا تيەسىلى بولسا, قالعاندارى كەندىرلىدەگى قۇرىلىس پەن قوستاناي وبلىسىنداعى ارقالىق اۋەجايىن جاڭعىرتۋعا باعىتتالعان. سونىمەن قاتار كۋرورتتىق ايماقتاردا ءۇش جاڭا اۋەجاي سالۋعا شامامەن 117 ملرد تەڭگە ءبولىنىپ وتىر.
