كوروناۆيرۋس • 08 ءساۋىر، 2020

ەلوردادا جالپى جاعداي تۇراقتى

36 رەتكورسەتىلدى

ەلوردادا ۆيرۋستى جۇقتىرعاندارى انىقتالعان ادامدار 222-گە جەتتى. ولار 2167 اداممەن بايلانىسقا تۇسكەن. قازىر بارلىعى دارىگەرلەردىڭ باقىلاۋىندا. وكىنىشكە قاراي،  5 ادامنىڭ جاعدايى اۋىر حالدە. 28 ناۋقاس سىرقاتتان ايىقتى. بۇل تۋرالى نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باستىعى ساۋلە قيسىقوۆا ايتتى.

سوڭعى ءۇش كۇندە باس قالادا ۆيرۋس جۇقتىرعان 3 ادام تىركەلگەن.

–  ناۋقاستاردىڭ دەنى ايەلدەر، باسىم كوپشىلىگى 30-43 جاس ارالىعىنداعى ازاماتتار بولىپ وتىر. اراسىندا 30-عا تولماعان جاستار دا بار، ولار ۆيرۋسپەن كۇرەسۋگە بەيىمدى. قالعانى 50-دەن اسقان كىسىلەر. كوپ جاعدايدا ىندەت جاسى ۇلكەندەرگە قاۋىپ توندىرۋدە. سوندىقتان دارىگەرلەر كۇندىز-ءتۇنى ۇيىقتاماي جۇمىس ىستەپ جاتىر. 10 ناۋقاس اقمولا وبلىسىنىڭ تۇرعىنى.  قالامىزدا 28 قاڭتاردان باستاپ تۇماۋعا قارسى 6315 ادام ەمدەۋدەن ءوتتى. ونىڭ 202-ءسى ءالى كامەلەت جاسىنا تولماعان بالالار – دەدى س.قيسىقوۆا.

ءبىر ايتا كەتەرلىگى ەلوردادا 31 دارىگەر Covid-19 جۇقتىرعان. ولاردىڭ بارلىعى ارنايى ەم-دوم قابىلداپ جاتىر، جاعدايلارى تۇراقتى. سپيكەردىڭ ايتۋىنشا، ناۋرىز ايىندا بارلىق دارىگەرگە سىياقى تۇرىندە قارجىلاي قولداۋ كورسەتىلگەن. ولارعا ارنايى پسيحولوگتار قوسىمشا قىزمەت كورسەتۋدە. قورعانىش كوستيۋمدەرى تولىقتاي جەتكىلىكتى، ءۇش مەزگىل تاماق بەرىلەدى. قاتىناس كولىكتەرى دە بار.

ءباسپاسوز ماسليحاتىندا ايتىلعانداي، حالىقتى ساپالى ازىق-ت ۇلىك­پەن قام­تاماسىز ەتۋ كۇن تار­تىبىندە تۇرعان باس­تى ماسەلەنىڭ ءبىرى. اسى­رەسە، ەلدەگى توتەنشە جاعداي ازىق-ت ۇلىك قاۋىپسىزدىگى سا­لا­سى­نا جاڭاشا كوزقاراس قاجەت ەكە­نىن ۇق­تىر­دى.  بۇگىندە باعانى تۇراقتاندىرۋ باستى نازاردا. وسى ورايدا نۇر-سۇلتان قالاسى ينۆەستيتسيالار جانە كاسىپكەرلىكتى دامىتۋ دەپارتامەنتىنىڭ باسشىسى ەرلان بەكمۇرزاەۆ اتقارىلىپ جاتقان شارالاردى اتاپ ءوتتى.

– قالاعا ازىق-ت ۇلىك تاۋارلارى ۇزدىكسىز جەتكىزىلۋدە. جۇك تاسىمالى ءۇشىن قالاعا كىرەبەرىستە جاسىل ءدالىز جاساقتالعان. كارانتين ەنگىزىلگەن ساتتەن باستاپ جالپى كولەمى 40 مىڭ توننا قۇرايتىن 3800 كولىك كىردى. ونىڭ ىشىندە ازىق-ت ۇلىك ونىمدەرى 14315 توننانى قۇرايدى. بۇگىندە قالادا ازىق-ت ۇلىك قورى جەتكىلىكتى. كۇنى كەشە مەملەكەت باسشىسى قاسىم-جومارت توقاەۆپەن قويمالاردى ارالادىق. تاۋار تاپشىلىعى بايقالمايدى. باعانى تۇراقتاندىرۋ بويىنشا بىرقاتار شارالار قابىلدانۋدا. ءبىز وڭىرلەرمەن اراعا جەمىس جانە ەت، ازىق-ت ۇلىك ونىمدەرىنە بەلگىلەنگەن باعامەن فورۆاردتىق كەلىسىمشارت جاساۋدى پىسىقتاۋدامىز. وعان جەرگىلىكتى بيۋدجەتتەن قوسىمشا 1،5 ملرد تەڭگە ءبولىندى. بۇل قارجى الەۋمەتتىك ماڭىزى بار ازىق-ت ۇلىك باعالارىن جەڭىلدەتۋگە ارنالعان نەسيەگە باعىتتالادى. قالادا ۇن جەتكىلىكتى. ناننىڭ باعاسى 90 تەڭگەدەن اسپاۋى ءتيىس، – دەدى ە.بەكمۇرزاەۆ.

ەسكەرتە كەتەيىك، ازىق-ت ۇلىك باعاسىن كوتەرگەن كاسىپكەرلەرگە ايىپپۇل سالىنادى.

 

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار