استانا. 15 مامىر. بۇگىن فۋتبولدان قازاقستان پرەمەر-ليگاسىنىڭ 11-تۋرى اياسىندا ءتورت ويىن وينالدى. ال تۋردىڭ ەكى كەزدەسۋى كەشە وتكەن بولاتىن بۇل تۋرالى egemen.kz ءتىلشىسى حابارلادى.
تۋر بارىسىنداعى ەكى بىردەي ماتچتىڭ ناتيجەسى جانكۇيەرلەردىڭ نازارىن ەرەكشە اۋداردى. اتاپ ايتقاندا, ماۋسىم باستالعالى ءالى جەڭىلمەي, تۋرنير كەستەسىندە كوش باستاپ كەلە جاتقان «استانا» مەن «ەرتىس» بۇگىن قارسىلاستارىنا ەسە جىبەرىپ, وسى ماۋسىمداعى العاشقى جەڭىلىستەرىنە ۇشىرادى. پاۆلودارلىقتار الماتىدا جەرگىلىكتى «قايراتتان» 0:1 ەسەبىمەن جەڭىلسە, ەلوردالىقتار ءدال سونداي ەسەپپەن سىرت الاڭدا «اتىراۋعا» ەسە جىبەردى. الايدا, قوس كوماندا دا كوش باسىنداعى ورىندارىن ساقتاپ قالدى.
جالپى, اتالعان تۋرداعى بارلىق ويىندا ەسەپ اشىلعانىن اتاپ وتكەن ءجون. سونىڭ ىشىندە ءبىر كەزدەسۋ تەڭ ەسەپپەن اياقتالسا, قالعان بەس كەزدەسۋدە جەڭىمپاز انىقتالدى.
11-تۋر ويىندارىنىڭ ناتيجەلەرى:
14 مامىر
«شاحتەر» (قاراعاندى) – «اقتوبە» (اقتوبە) 0:2
گولدار: ديدار جالمۇقان 8, توقتار جاڭعىلىشباي 38.
«تاراز» (تاراز) – «ورداباسى» (شىمكەنت) 1:2
گولدار: ماليك مانە 85 – فيليپپ كاساليتسا 21, 29.
15 مامىر
«وقجەتپەس» (كوكشەتاۋ) – «توبىل» (قوستاناي) 1:1
گولدار: سەرج سرەپين باندو 16 – سەرگەي حيجنيچەنكو 88.
«اقجايىق» (ورال) – «جەتىسۋ» (تالدىقورعان) 1:2
گولدار: ولەگ حرومتسوۆ 80 – ماركو سيمونوۆسكي 3, دۋشان ساۆيچ 90+1 (پەنالتي)
«اتىراۋ» (اتىراۋ) – «استانا» (استانا) 1:0
گول: التىنبەك ساپاروۆ 22.
«قايرات» (الماتى) – «ەرتىس» (پاۆلودار) 1:0
گول: يساەل دا سيلۆا 22.
11-تۋر ويىندارىنىڭ قورىتىندىسى بويىنشا تۋرنير كەستەسى
- رومان مۇرتازاەۆ («ەرتىس») – 7 گول;
- گوگيتا گوگۋا («ەرتىس») – 4 گول;
- ازات نۇرعاليەۆ («ورداباسى») – 4 گول,
- جەرار گوۋ («قايرات») – 4 گول.
