استروفيزيكتەر بۇل قۇبىلىستى ەڭ بەلسەندى كەزەڭىندە باقىلاۋعا بولاتىنىن ايتادى. ليريدا – كوكتەمدەگى ەڭ كورنەكتى مەتەورلىق جاۋىنداردىڭ ءبىرى.
عالىمداردىڭ مالىمەتىنشە, 22 ءساۋىر كۇنى شامامەن استانا ۋاقىتىمەن 01:00-دە مەتەور اعىنىنىڭ پيك كەزەڭى بولادى. بۇل ۋاقىتتا ساعاتىنا 18–23-كە دەيىن «اققان جۇلدىزدى» كورۋگە بولادى.
مامانداردىڭ ايتۋىنشا, مەتەور اعىنىنىڭ راديانتى ليرا شوقجۇلدىزى باعىتىندا ورنالاسقان جانە ول جارقىراعان ۆەگا جۇلدىزى ماڭىنان بايقالادى. ليريدانىڭ بەلسەندىلىك كەزەڭى 14 ساۋىردەن 30 ساۋىرگە دەيىن جالعاسادى.
ماماندار بۇل قۇبىلىستى جاقسى كورۋ ءۇشىن قالا جارىعىنان الىس, اسپانى اشىق جەرگە شىعۋ كەرەكتىگىن ايتادى. اي جارىعى ايتارلىقتاي كەدەرگى كەلتىرمەيدى, سوندىقتان باقىلاۋ جاعدايى قولايلى بولماق.
سونداي-اق, ەڭ قولايلى ۋاقىت – ءتۇننىڭ ەكىنشى جارتىسى, تاڭعا جاقىن مەزگىل. بۇل كەزدە مەتەورلاردى انىق كورۋگە بولادى.
ايتا كەتەيىك, ليريدا جۇلدىز جاۋىنى – ادامزات 2600 جىلدان استام ۋاقىتتان بەرى باقىلاپ كەلە جاتقان ەڭ كونە استرونوميالىق قۇبىلىستاردىڭ ءبىرى. ونىڭ سەبەبى – 1861 جىلى اشىلعان ۇلكەن كومەتا قالدىرعان شاڭ-توزاڭ ءىزى. جەر سول وربيتالىق ىزدەن جىل سايىن ءساۋىر ايىندا ءوتىپ, اسپاندا «جۇلدىز جاۋىنىن» تۋدىرادى.
