مەملەكەت باسشىسى تاريحي ساپار اياسىندا ماراپاتتاۋ ءراسىمىن وتكىزۋ قازاق تاراپى ءۇشىن زور مارتەبە ەكەنىن اتاپ ءوتتى.
ء«بىز ءسىزدى ءوز حالقىن العا باستاپ كەلە جاتقان پاراساتتى, بىلىكتى, ءىرى ساياساتكەر دەپ بىلەمىز, سىيلايمىز. موڭعوليانى كوركەيتۋ جولىنداعى قاجىرلى ەڭبەگىڭىزدى جوعارى باعالايمىز. ساليقالى ساياساتىڭىزدىڭ ارقاسىندا ەلىڭىز ءوسىپ-وركەندەپ كەلەدى. ءوزىڭىزدىڭ باستاماڭىزبەن ءتۇرلى سالادا تىڭ جوبالار جۇزەگە اسىرىلىپ جاتىر. موڭعوليانىڭ ەكونوميكاسى دامىپ, حالقىڭىزدىڭ ءال-اۋقاتى جاقساردى. سونىمەن قاتار ەلىڭىزدىڭ ايماقتاعى جانە الەمدەگى بەدەلى ارتا ءتۇستى. ءسىزدىڭ باسشىلىعىڭىزبەن موڭعول جۇرتى الداعى ۋاقىتتا دا بيىك بەلەستەردى باعىندىرا بەرەتىنىنە كامىل سەنەمىز», دەدى قاسىم-جومارت توقاەۆ.
قازاقستان موڭعولياعا عارىشتان باقىلاۋ جۇيەسىن قۇرۋعا كومەكتەسەدى
پرەزيدەنت ەكى ەل اراسىندا شىنايى دوستىق پەن ءوزارا قۇرمەتكە نەگىزدەلگەن قارىم-قاتىناس ورناعانىنا توقتالدى.
ء«سىز موڭعوليا ۇكىمەتىن باسقارعان كەزدە ەكى ەلدىڭ ەكونوميكالىق ىنتىماقتاستىعىن دامىتۋعا تىكەلەي اتسالىسقان ەدىڭىز. ەندى, مىنە, مەملەكەت باسشىسى رەتىندە بۇل باعىتتاعى جۇمىستى جاڭا قارقىنمەن جالعاستىرىپ كەلەسىز. بىرلەسكەن كۇش-جىگەرىمىزدىڭ ارقاسىندا قازاق-موڭعول بايلانىسى ستراتەگيالىق سەرىكتەستىك دەڭگەيىنە كوتەرىلدى. بۇگىن قول جەتكىزىلگەن ماڭىزدى كەلىسىمدەر دوستىعىمىزدى ودان ءارى بەكەمدەي تۇسەتىنى ءسوزسىز. قازىرگى الماعايىپ, ءدۇبىرلى كەزەڭدە وسى ىقپالداستىعىمىزدى كۇشەيتۋدىڭ ءمانى ايرىقشا. بۇعان بارلىعىمىز دا مۇددەلىمىز. ءسىز قازاق-موڭعول قارىم-قاتىناسىن نىعايتۋعا زور ەڭبەك ءسىڭىردىڭىز. وسىعان وراي, مەن ءوزىڭىزدى قازاقستان رەسپۋبليكاسىنىڭ ەڭ جوعارى مەملەكەتتىك ناگراداسى – «التىن قىران» وردەنىمەن ماراپاتتاۋ تۋرالى شەشىم قابىلدادىم. بۇل ناگرادا – بارشا قازاق حالقىنىڭ سىزگە جانە باۋىرلاس موڭعول جۇرتىنا دەگەن ەرەكشە قۇرمەتىنىڭ بەلگىسى. قازاقستان مەن موڭعوليانىڭ دوستىعى ماڭگى بولسىن», دەدى مەملەكەت باسشىسى.
قازاقستان مەن موڭعوليا اراسىنداعى ساۋدا كولەمى 7,7 پايىزعا ءوستى
ۋحنااگين حۋرەلسۋح قاسىم-جومارت توقاەۆقا جوعارى ماراپات تاپسىرعانى ءۇشىن العىس ايتىپ, قازاقستانمەن دوستىق قارىم-قاتىناستى ودان ءارى دامىتۋ جولىندا بارىنشا كۇش-جىگەر جۇمساۋعا دايىن ەكەنىن جەتكىزدى.
