دزيۋدوشى البينا امانگەلديەۆا گران پري ءتۋرنيرىنىڭ فينالىنا شىقتى

استانا. 15 مامىر. بۇگىن الماتىداعى بالۋان شولاق سپورت سارايىندا دزيۋدودان الەمدىك گران پري ءتۋرنيرىنىڭ سوڭعى ءۇشىنشى جارىس كۇنى وتۋدە. بۇل كۇنى ەرلەر اراسىندا 90, 100 جانە +100 كيلو سالماق دارەجەسىندە, ال ايەلدەر باسەكەسىندە 78, سونداي-اق, +78 كيلودا جەڭىمپازدار انىقتالادى. بۇل تۋرالى قازاقستان دزيۋدو فەدەراتسياسىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. وكىنىشكە قاراي, 100 جانە +100 كيلودا بەلدەسكەن ەرلەرىمىزدىڭ بارلىعى قارسىلاستارىنا ەسە جىبەرىپ, جۇلدەسىز قالدى. ولاردىڭ ىشىندە جانكۇيەرلەر سەنىم ارتقان ەرجان شىنكەەۆ (+100 كگ), رۋسلان ابدىرازاقوۆ (+100 كگ) سىندى تاجىريبەلى پالۋاندار دا بار. ال 90 كيلودا باق سىناعان جىگىتتەرىمىزدىڭ اراسىندا داۋلەتحان جاقىپوۆ قولا مەدال ءۇشىن بەلدەسۋگە مۇمكىن الدى. ايەلدەر اراسىنداعى باسەكەدە 78 كيلودا ەل نامىسىن قورعاعان البينا امانگەلديەۆا فينالعا شىقتى. ال تاجىريبەلى پالۋان قىزىمىز گۇلجان يسانوۆا (+78 كگ) قارسىلاسىنا ەسە جىبەرىپ, جۇلدەدەن قۇر قالدى. ءۇشىنشى ورىن ءۇشىن جانە فينالدىق باسەكەلەر جارىس كۇنىنىڭ كەشكى سەسسياسىندا وتەدى. ول بەلدەسۋلەر ساعات 17:00-دەن باستاپ KazSport تەلەارناسىندا تىكەلەي ەفيردە كورسەتىلەدى. ايتا كەتەيىك, العاشقى ەكى جارىس كۇنىنىڭ قورىتىندىسى بويىنشا قازاقستان قورجىنىندا 1 – التىن, 2 – كۇمىس جانە 2 قولا مەدال بار. بۇل كورسەتكىشپەن قازاقستان قۇراماسى جالپى ەسەپتە 2-ورىندا تۇر. جالعىز «التىندى» 48 كيلودا بەلدەسكەن پالۋان قىزىمىز گالبادراح وتگونتسەتسەگ السا, ەرلەر باسەكەسىندە باق سىناعان رۋستام يبراەۆ (60 كگ) پەن جانساي سماعۇلوۆ (66 كگ) كۇمىس مەدالدى مويىندارىنا تاقتى. ال ەلدوس جۇماقانوۆ (66 كگ) پەن ديدار حامزا (73 كگ) قولا مەدالعا قول جەتكىزدى. تاعى ءبىر ەسكەرە كەتەتىن جايت, گران پري تۋرنيرىندە چەمپيون اتانعان پالۋانعا – 300, ال 2-ورىن يەگەرىنە – 180, قولا جۇلدەگەرگە 120 ۇپاي بەرىلەدى. جالپى, بۇل سايىستا الەمنىڭ 84 ەلىنەن كەلگەن 400-گە جۋىق دزيۋدوشى باق سىناۋدا. ەلامان قوڭىر. دەرەك, فوتو: قازاقستان دزيۋدو فەدەراتسياسىنىڭ ءباسپاسوز قىزمەتى.