جامبىل وبلىسىندا ورمان جەرلەرى اۋەدەن باقىلانادى

تاراز. 12 مامىر. جامبىل وبلىسىندا ورمان جەرلەرى اۋەدەن باقىلاناتىن بولادى. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگ بارىسىندا ايتقان مەملەكەتتىك ءورت باقىلاۋ ءبولىمىنىڭ باستىعى, ورتكە قارسى قىزمەت پودپولكوۆنيگى ماقسات اكيمباەۆتىڭ اقپارى بويىنشا egemen.kz ءتىلشىسى حابارلادى. «وبلىستىق توتەنشە جاعدايلار دەپارتامەنتىمەن, تابيعي رەسۋرستار جانە تابيعات پايدالانۋدى رەتتەۋ باسقارماسىمەن جانە اۋدان اكىمدەرىمەن بىرلەسىپ ورماندى دالالىق القاپتاردا ءورت قاۋىپسىزدىكتى قامتاماسىز ەتۋ بويىنشا ماقساتتى جۇمىستار اتقارىلۋدا. ەلدى-مەكەندەردە 2368 ادامنان قۇرىلعان 171 ەرىكتى ءورت ءسوندىرۋشى قۇرىلىمدار ۇيىمداستىرىلدى جانە ولار ءورت سوندىرۋگە ارنالعان 303 دانا تىركەمەلى تراكتورلار, 34 سۋ تاسىعىش تەحنيكامەن  جانە 228 بەيىمدەلگەن تەحنيكامەن, 24 ءورت موتوپومپاسىمەن  جابدىقتالدى. ءورت  سوندىرۋگە قاجەتتى 78 اسپالى ءورت سوندىرگىش  جانە  2753 دانا قول استى ءورت سوندىرگىش قۇرالدارى دايىندالدى», دەيدى ماقسات ءاشىرباي ۇلى. ماقسات اكيمباەۆتىڭ ايتۋىنشا, عارىش مونيتورينگىن ەنگىزۋ ورماندى دالالىق القاپتاردا 2015 جىلى ءورت قاۋىپسىزدىكتى باقىلاۋدىڭ ءتيىمدى ءتاسىلىنىڭ ءبىرى بولىپ وتىر. ونىڭ كومەگىمەن 1062 گەكتار جەردە 4 ورمان وشاعى جانە دالالىق القاپتارداعى 1828 گا جەردە 92 جانۋ وقيعاسىنىڭ وشاعى دەر كەزىندە انىقتالىپ, ولاردى سوندىرۋگە جەدەل شارالار قابىلداۋعا مۇمكىندىك بەردى. بۇل جۇمىستى جالعاستارۋ ءۇشىن 2016 جىلى وبلىستىق بيۋدجەتتەن 6 ملن. 500 مىڭ تەڭگە ءبولىندى. «جانۋارلار الەمى جانە ورمان شارۋاشىلىعى اۋماقتىق ينسپەكتسياسى قىزمەتكەرلەرى اعىمداعى جىلدىڭ مامىر ايىنان باستاپ ورمان قورىنىڭ 3,2 ملن. گا جەرىن «قازورمان قورعاۋ» جشس اۋەتەحنيكاسىمەن كۇنىنە ەكى رەت ۇشۋ جۇرگىزەتىن بولادى. بارلىق ورمان شارۋاشىلىعى مەكەمەلەرىندە مەملەكەتتىك ەسەس ورتكە قارسى قىزمەت قۇرىلدى (جەكە قۇرامى 126 ادام) جانە ولار 14 ءورت اۆتوتسيستەرناسىمەن جانە ادامداردى تاسىمالداۋعا قاجەتتى 57 كەزەكشى اۆتوكولىگىمەن قامتاماسىز ەتىلدى», دەدى ماقساتاكيمباەۆ. ورمان شارۋاشىلىعىندا 570 شىرتىلداق, 81 اسپالى ءورت سوندىرگىش جانە 14 امبەباپ ءورت تىركەمەلەرى دايىندالدى. وبلىس اكىمدىگىمەن 2016 جىلعا ورمان قورىن قورعاۋ جونىندەگى جۇمىستاردى جۇرگىزۋگە 33 ملن. 300 مىڭ تەڭگە ءبولىندى, ونىڭ ىشىندە 7000 كم. قاشىقتىقتاعى مينەرالداندىرىلعان جولاقتارعا كۇتىم جاساۋعا – 7 ملن. تەڭگە, سونداي-اق 38 توننا جانار جاعار ماي قورى دايىندالدى, ال اۋدان اكىمدىكتەرىندە 70 توننا دايىندالدى. قازىرگى كەزدە ورمان قورى اۋماعىندا, اۆتوكولىك جانە تەمىر جول بويلارىندا مينەرالداندىرىلعان جولاق جىرتۋ جۇمىسىنا دايىندىق جۇمىسى جۇرگىزىلۋدە.        قازىرگى تاڭدا وبلىس اۋماعىندا بارلىعى 1 گەكتار جەردە 1 جانۋ وقيعاسى ورىن الدى (2015 جىلى 1 جانۋ وقيعاسى اۋماعى 1,5 گا), شىعىن جوق. ورالحان ءداۋىت. دەرەك, فوتو: egemen.kz