فوتو: alash.kz
پروكۋروردىڭ ايتۋىنشا, ەربولات ءجانابىلوۆ قىلمىستىق كودەكستىڭ 214-بابى 2-بولىگى 2-تارماعى (زاڭسىز كاسىپكەرلىك) جانە 218-بابى 2-بولىگى 1-تارماعى (قىلمىستىق جولمەن الىنعان اقشا مەن م ۇلىكتى زاڭداستىرۋ) بويىنشا كىنالى دەپ تانىلۋى ءتيىس. وسى باپتاردى جيىنتىقتا قاراستىرا وتىرىپ, وعان مۇلكىن تاركىلەۋمەن قاتار 4 جىل باس بوستاندىعىنان ايىرۋ جازاسىن تاعايىنداۋ سۇرالدى.
ال ەلميرا تولەگەنوۆاعا قاتىستى پروكۋرور 4 جىلعا باس بوستاندىعىنان ايىرۋ جازاسىن سۇراپ, مۇلكىن تاركىلەۋدى ۇسىندى. سونىمەن بىرگە قىلمىستىق كودەكستىڭ 74-بابى 1-بولىگىنە سايكەس, جازانى وتەۋدى ءبىر جىلعا كەيىنگە قالدىرۋ مۇمكىن دەپ ەسەپتەيتىنىن جەتكىزدى.
الايدا بلوگەر ەربولات ءجانابىلوۆ وزىنە تاعىلعان الاياقتىق ايىپتارىن جوققا شىعاردى.
ول جۇبايىمەن بىرگە ەشقانداي الاياقتىق ارەكەت جاساماعانىن جانە مۇلكىنە قاتىستى بارلىق قۇجاتتاردى سوتقا ۇسىنعانىن ايتتى.
ء«بىز الاياقتىقپەن اينالىسقان جوقپىز, ەشكىمدى الداعان ەمەسپىز. پروكۋرور دا بۇنى اتاپ ءوتتى, دالەلدەر بار», دەدى ءجانابىلوۆ.
سونداي-اق ول الەۋمەتتىك جەلىلەردە تاراعان كوپ پاتەرگە يە دەگەن اقپاراتتى جوققا شىعاردى.
«بىزدە 40 پاتەر بار دەپ جازىپ جاتىر. بىراق بارلىق قۇجاتتى تاپسىردىق. شىندىققا سايكەس كەلمەيدى», دەدى ول.
ءجانابىلوۆتىڭ ايتۋىنشا, ول جانە جۇبايى ەلميرا تولەگەنوۆا «قاراپايىم ادامدار» جانە بلوگەرلىككە دەيىن قۇرىلىس سالاسىندا جۇمىس ىستەگەن.
ول وزىنە تاعىلعان ايىپ بويىنشا كەز كەلگەن ادام وسىنداي جاعدايعا تاپ بولۋى مۇمكىن ەكەنىن دە اتاپ ءوتتى.
قازىرگى تاڭدا ءىس بويىنشا سوڭعى شەشىمدى سوت قابىلدايدى.
