فوتو: ۇلتتىق ۇلان
كىشى سەرجانت نۇركەلدى جايىلحان – وسى مۇمكىندىكتى پايدالانعان ساربازداردىڭ ءبىرى. ول ۇلتتىق ۇلاننىڭ وقۋ ورتالىعىندا ارنايى دايىندىقتان ءوتىپ, اسكەري شەنگە يە بولدى. قازىرگى ۋاقىتتا استانا قالاسىنداعى 5573 اسكەري بولىمىندە وتان الدىنداعى بورىشىن وتەپ ءجۇر.
وقۋ ورتالىعىندا العاش رەت ءبىلىمى مەن بىلىكتىلىگىن دالەلدەگەن ۇزدىك ساربازدارعا كىشى سەرجانت شەنى تابىستالدى. ىرىكتەلگەن جاۋىنگەرلەر وقۋ-جاتتىعۋ جيىندارىنان ءوتىپ, تاعىلىمدامادان كەيىن جاس ساربازداردى ۇيرەتەدى.
ۇلتتىق ۇلاننىڭ مالىمەتىنشە, بۇگىندە كىشى سەرجانتتار دابىل كەزىندە بولىمشەنى ۇيىمداستىرىپ, جاۋىنگەرلىك تاپسىرمالاردى ورىنداۋعا جەتەكشىلىك ەتەدى. سونىمەن قاتار پاترۋلدىك توپ باستىعى رەتىندە قوعامدىق ءتارتىپتى قامتاماسىز ەتۋگە قاتىسادى.
جالپى, بۇل مۇمكىندىك 30 ساربازعا بەرىلدى. باستامانىڭ تيىمدىلىگى – ساربازدار اسكەري قىزمەتتەن كەيىن ۋاقىت جوعالتپاي, كۇشتىك قۇرىلىمداردا قىزمەتتى بىردەن كىشى سەرجانت شەنىنەن باستاي الادى.
بۇل جوبا جاس اسكەري قىزمەتشىلەردىڭ كاسىبي دەڭگەيىن ارتتىرىپ قانا قويماي, ولاردىڭ قىزمەتكە دەگەن ىنتاسىن ەداۋىر كۇشەيتتى.
