جيىندى جۋرناليست قامبار احمەت جۇرگىزىپ, مەملەكەت باسشىسىنىڭ باستاماسىمەن بەكىتىلگەن ۇلتتىق كىتاپ كۇنىنىڭ قوعامدى رۋحاني-مادەني قۇندىلىقتارعا باۋلۋداعى ماڭىزىنا توقتالدى.
كوپتەگەن پروزالىق, ەتنوگرافيالىق كىتاپتىڭ اۆتورى تورەحان مايباس ءباسپاسوز بەن ادەبيەت سالاسىندا ۇزاق جىلدان بەرى ءونىمدى ەڭبەك ەتىپ كەلەدى. سونىمەن قاتار كەيىنگى شيرەك عاسىردان استام ۋاقىت ەتنوگرافيامەن تۇبەگەيلى اينالىسىپ, بۇل باعىتتاعى ىزدەنىستەرى ءتۇرلى جيناق بولىپ جارىق كوردى. اتاپ ايتقاندا «ەلقۇجات», «ابادان», «شىكىل», ء«ۇشىنشى اۋىل», «ونىنشى اۋىل», «ايبار», «جاۋھار», «پورترەتتەر» اتتى كىتاپتارى, «ايبوكەن» اڭگىمەلەرى مەن حيكاياتتارى وقىرماننىڭ وڭ باعاسىنا يە بولدى. سونىمەن قاتار قالامگەردىڭ تاڭدامالىشىعارمالارى «سارىارقا كىتاپحاناسى» جوباسىنان ورىن الدى.
جازۋشىنىڭ جاڭا كىتابى مادەنيەت جانە اقپارات مينيسترلىگىنىڭ «مادەني مۇرانى ساقتاۋ, زەردەلەۋ مەن ناسيحاتتاۋ» باعدارلاماسى بويىنشا جارىق كوردى. كىتاپتا جۇرت جادىنان وشە باستاعان سالت-داستۇرلەر, كونە نانىم-سەنىمدەر مەن ۇمىتىلعان ۇعىمدار جان-جاقتى تالدانعان.
ءىس-شارا بارىسىندا ءسوز العان بەلگىلى قالامگەر, اكادەميك باۋىرجان وماروۆ, كورنەكتى اقىن, مەملەكەتتىك سىيلىقتىڭ لاۋرەاتى سەرىك اقسۇڭقار ۇلى اۆتوردىڭ كوپجىلدىق ەڭبەگىنىڭ عىلىمي جانە رۋحاني سالماعىنا جوعارى باعا بەردى. سونداي-اق ءماجىلىس دەپۋتاتى اسحات ايماعانبەتوۆ ۇلتتىق مۇرانى ساقتاۋ مەملەكەتتىك ساياساتتىڭ باسىم باعىتى ەكەنىن اتاپ وتسە, تاريح عىلىمدارىنىڭ دوكتورى, پروفەسسور تىلەگەن سادىق ەڭبەكتىڭ تاريحي ماڭىزىنا توقتالدى.
سالتاناتتى جيىندا اكادەميك ديحان قامزابەك ۇلى,ءماجىلىس دەپۋتاتتارى نۇرلان اۋەسباەۆ, قۇدايبەرگەن بەكسۇلتان ۇلى, امانجول التاەۆ, ە.بوكەتوۆ اتىنداعى قاراعاندى ۇلتتىق زەرتتەۋ ۋنيۆەرسيتەتىنىڭ وكىلدەرى ءسوز سويلەپ, اۆتوردىڭ ولكەتانۋ مەن ەتنوگرافيا سالاسىنداعى ءونىمدى ەڭبەگىن ايرىقشا اتاپ ءوتتى.
كەش سوڭىندا جازۋشى-ەتنوگراف تورەحان مايباس جينالعان قاۋىمعا العىس ايتىپ, تىرنەكتەپ جيناعان مول مۇراسىن حالقىنىڭ كادەسىنە جاراتۋ قالامگەرلىكپارىزى ەكەنىن جەتكىزدى.
