پاۆلودار. 3 مامىر. بۇل جارىس روبوت تەحنيكاسىن ناسيحاتتاۋ, وقۋشىلاردىڭ تەحنيكالىق شىعارماشىلىعىن دامىتۋ, دارىندى بالالاردى انىقتاۋ جانە قولداۋ ماقساتىنا ارنالدى. بۇل تۋرالى egemen.kz ءتىلشىسى حابارلايدى.
ەلىمىزدە ءبىر مىڭعا جۋىق ونەرتاپقىش روبوت جاساۋمەن اينالىسۋدا. روبوت تەحنيكالارى جارىسىن وبلىستىق ءبىلىم بەرۋ باسقارماسى, «قازروبوتيكس» فەدەراتسياسى جانە وقۋشىلار سارايى ۇيىمداستىردى.
قاتىسۋىشلار روبوت تەحنيكالارىمەن جۇمىس جاساۋداعى شەبەرلىكتەرىن كورسەتە ءبىلدى. ولار «كەگەلرينگ», «روبوسۋمو», «سلالوم» كاتەگوريالارى بويىنشا كولىك جانە كوممۋنيكاتسيالار كوللەدجىنىڭ ستۋدەنتتەرى جۇلدەلى ورىندار يەلەندى. شاراعا وڭىردەگى مەكتەپ پەن كوللەدجدەردەن 18 كوماندا, 40-قا جۋىق ونەرتاپقىش قاتىستى. «قازروبوتيكس» ۇيىمداستىرعان چەمپيونات اياسىنداعى جارىستا جاس ورەندەر «سىزىقتار بويىنشا جارىستار», «كەگەلرينگ», «روبوسۋمو» كەزەڭدەرىندە ءوز جۇمىستارىن ۇسىندى. «سلالوم» بويىنشا تاعى ءبىر كوماندا قاتىستى.
قاتىسۋشىلار جاس ەرەكشەلىگىنە قاراي 10-16 جانە 17-25 جاس ارالىعىندا سىنعا ءتۇستى. لەگو, اردۋنيو جانە قولدان جاسالعان ءتۇرلى قۇرىلىمدىق روبوت تەحنيكالارى بىرىكتىرىلدى. جارىستىڭ قورىتىندىسى بويىنشا, كولىك جانە كوممۋنيكاتسيا كوللەدجىنىڭ ستۋدەنتتەرى ولەگ چەرنىشەۆ, نيكيتا سەكرەتارەۆ, ارتەم كيريليۋس, ەرمۇرات تەلەگەنوۆ, ولەسيا پەترەنكو, انتون پومورزين, ولەسيا پەترەنكو, وقۋشىلار سارايىنىڭ تاربيەلەنۋشىلەرى الەكساندر پۋحا, شاحنازار قاناپيا, قازاق-تۇرىك ليتسەيىنىڭ وقۋشىلارى ءمادينا تاۋپىقوۆا, دانيا ورالوۆا ءبىرىنشى ورىندى يەلەندى. جەڭىمپازدار قىركۇيەك ايىندا وتەتىن رەسپۋبليكالىق «روبوت تەحنيكاسى» جارىستارىنا قاتىسادى.
فاريدا بىقاي.
دەرەك: egemen.kz.
فوتو: جانار تاجىكقىزى.
