جامبىل وبلىسىندا 4988 ءىس تاتۋلاسۋمەن اياقتالعان

تاراز. 20 ءساۋىر. وڭىرلىك كوممۋنيكاتسيالار قىزمەتىندە جامبىل وبلىسى بويىنشا سوتتار اكىمشىسىنىڭ باسشىسى ءابدىجامي قۇلدۇيسەنوۆ بريفينگ وتكىزىپ, «100 ناقتى قادام» ۇلت جوسپارىن ىسكە اسىرۋعا ارنالعان جۇمىستار بارىسىن تارقاتىپ ايتىپ بەردى. بۇل تۋرالى egemen.kz ءى حابارلادى. «ستاتيستيكا مالىمەتتەرىنە جۇگىنەتىن بولساق, 2015 جىلدىڭ ءبىرىنشى توقسانىندا 10457 سوت ىستەرى قارالىپ, ونىڭ تەك 2804-ءى, ياعني, 27,1 پايىزى, ال, اعىمداعى جىلدىڭ ءبىرىنشى توقسانىندا قارالعان 6642 ءىستىڭ 4988-ءى, ياعني 75,0 پايىزى تاتۋلاسۋ ارقىلى شەشىلگەن», دەدى ول. سونداي-اق, تاراز قالالىق №2 سوتى مەن قىلمىستىق اتقارۋ جۇيەسىنىڭ جد-158/1 جانە جد 158/7 مەكەلەرى اراسىندا, ونلاين ءادىسىن قولدانىپ سوت ماجىلىستەردى وتكىزۋگە ارنالعان قۇرىلعىلار ورناتىلدى. ستاتيستيكاعا جۇگىنەتىن بولساق, ونلاين رەجيمىندە 2015 جىلى 44 ماتەريال, 2016 جىلدىڭ ءى توقسانىندا 48 ماتەريال قارالدى. ءابدىجامي قۇلدۇيسەنوۆ ايتۋىنشا, سوت كابينەتى ەنگىزىلگەنىنەن باستاپ, ونىڭ ىڭعايلىلىعىنا بايلانىستى, قوعام تاراپىنان پايدالانۋشىلاردىڭ سانى كوبەيۋدە. جەتىستىكتەرمەن شەكتەلە قويماي, وبلىستىڭ جانە اۋداندىق حالىققا قىزمەت كورسەتۋ ورتالىقتاردا «سوت كابينەتى» بۇرىشى اشىلدى. بۇل جاعدايدا تۇلعا سوت كەڭسەسىنىڭ ماماندارىمەن قاتىناسپاي, وزىنە قاجەتتى ءىس-ارەكەتتەردى جاسايدى. اتالعان جايت سىبايلاس جەمقورلىققا باعىتتالعان ءىس-ارەكەتتەردىڭ تۋىنداۋىنا كەدەرگى بولاتىنى انىق. بولاشاقتا, سوتتارمەن تالاپ-ارىزداردى قابىلداۋ مەن تاعى باسقا دا قۇجات اينالىمدار ەلەكتروندىق تۇردە وتكىزىلۋى 100 پايىزعا دەيىن كوتەرۋ جوسپارلانۋدا. 2015 جىلدىڭ 1-ءشى توقسانىندا 2731 9 (48,6 پايىز) تالاپ-ارىز تۇسسە, 2016 جىلى بارلىعى 2670-ءى (79,4 پايىز) كەلىپ تۇسكەن. ورالحان ءداۋىت. دەرەك, فوتو: egemen.kz