ازياداعى الىپ گلوبۋس

وڭتۇستىك قازاقستان وبلىسىندا جاسالدى شىمكەنت قالاسىنداعى №90 ورتا مەكتەپتىڭ وقۋشىلارى ورتا­لىق ازياداعى الىپ گلوبۋستى 6 ايدا جاساپ شىعاردى. جەر شارىنىڭ كوشىرمەسىن دايىنداۋعا اتالعان ءبىلىم ۇياسىنىڭ 300-گە جۋىق شاكىرتى جۇمىلدىرىلعان. – گلوبۋستىڭ قاڭقاسىن قۇراپ بولعان سوڭ, سىرتىن گيپسوكارتونمەن قاپتادىق. دايىن بولعان ماكەت قابىرعالارىن گيپسپەن سىلادىق. ال گلوبۋستىڭ گرافيكالىق بەينەسىنە قاجەتتى بۇيىمدار ەلىمىزدە تابىل­ماعاندىقتان, رەسەيدەن ارنايى الدىر­دىق, – دەيدى گلوبۋستى جاسا­عان وقۋشىلاردىڭ ءبىرى زاڭعار راحماتۋللا. وقۋشىلاردىڭ 6 اي بويعى ەڭبە­گىنە گەوگراف ماماندار جوعارى باعا بەردى. اسىرەسە, وسى مەكتەپتىڭ ۇستازدارى بۇل وقۋشىلاردىڭ سا­باققا دەگەن ىنتاسىن ارتتىراتىنى ءسوزسىز دەيدى. – بۇل گلوبۋس وقۋشىلاردىڭ گەوگرافيالىق ءبىلىمىن جەتىلدىرىپ قانا قويماي, شىعار­ماشىلىعىن شىڭداۋعا دا مۇمكىندىك بەرەدى. قازىر گلوبۋسقا قىزىققان بالالار سول گەوگرافيا پانىنە قىزىعۋشىلىق تانىتىپ, قوسىمشا ساباقتارعا قاتىسىپ ءجۇر. قالا بەردى, وسى ءپان بويىنشا ءتۇرلى ءبىلىم سايىستارىنا قاتىسىپ, ءوز بىلىمدەرىن دالەلدەۋدە. بىزگە دە ساباق ءوتۋ جەڭىلدەۋ بولىپ قالدى, – دەيدى مەكتەپ ديرەك­تورىنىڭ وقۋ ءىسى جونىندەگى ورىنباسارى ەرمان وڭالبەكوۆ. ايتا كەتەيىك, ءبىلىم ۇياسىندا گەوگرافيا, جاراتىلىستانۋ, دۇنيەتانۋ سىندى پاندەر تەرەڭدەتىلىپ وقىتى­لادى. ايتپاقشى, الىپ گلوبۋستىڭ سالماعى – 1 توننا. بيىكتىگى 3,5 مەتر بولسا, ديامەترى 6,5 مەتردى قۇرايدى. نۇرحان نۇربولات.