اقتوبە. 21 ناۋرىز. اقتوبەدە الەۋمەتتىك دۇكەن اشىلدى. ونىڭ اشىلۋ سالتاناتىنا وبلىس اكىمى بەردىبەك ساپارباەۆ قاتىسىپ, «نۇر-اقتوبە» شاعىن اۋدانىنىڭ تۇرعىندارىن مەرەكەمەن قۇتتىقتادى. بۇل تۋرالى egemen.kz ءتىلشىسى حابارلادى.
سونىمەن قاتار, وبلىس اكىمى مەملەكەت باسشىسىنىڭ تاپسىرمالارىن ورىنداۋدا وڭىرارالىق كووپەراتسيا جانە حالىقتى قول جەتىمدى باعاداعى ازىق-ت ۇلىكپەن قامتاماسىز ەتۋ ماقساتىندا جەرگىلىكتى بيلىك تاراپىنان اتقارىلىپ جاتقان شارالارعا توقتالدى.
اقتوبەلىكتەر سوڭعى ەكى اپتا ىشىندە وڭتۇستىك وڭىرلەردىڭ قاتىسۋىمەن ۇيىمداستىرىلعان جارمەڭكەلەرگە قاتىسىپ, باعاسى ارزان ازىق-ت ۇلىككە قول جەتكىزۋدە. قىزىلوردا جانە جامبىل وبلىستارىنىڭ اۋىل شارۋاشىلىعى تاۋارلارىن وندىرۋشىلەرى كوكونىس, كۇرىش. جارما, بالىق جانە باسقا دا ونىمدەردى نارىق قۇنىنان 15-20 پايىز ارزان باعامەن ساتۋدا.
وسى جىلدىڭ 26 ناۋرىزىندا «قونىس» سپورت سارايىندا وڭتۇستىك قازاقستان وبلىسى ءونىم وندىرۋشىلەرىنىڭ قاتىسۋمەن ءىرى جارمەڭكە وتكىزۋ كوزدەلۋدە. سونداي-اق, وڭتۇستىك ايماقتاعى ءۇش وبلىستىڭ تاۋار وندىرۋشىلەرىمەن سۇرانىسقا يە حالىق تۇتىناتىن تاۋارلارى, كيىم-كەشەك, كىلەمدەردى تومەن باعامەن ساتىپ الۋعا مۇمكىندىك جاسايتىن كورمە ۇيىمداستىرىلادى.
«اقتوبە» الەۋمەتتىك-كاسىپكەرلىك كورپوراتسياسى وڭتۇستىك وڭىرلەردەن اكەلىنەتىن جانە جەرگىلىكتى جەردەن شىعاتىن ونىمدەر وبلىس ورتالىعىنداعى 10 كوممۋنالدىق بازار مەن ساۋدا نۇكتەلەرىندە ساتىلادى. ءبىز وسىنداي ساۋدا نۇكتەلەرىنىڭ سانىن كوبەيتۋدى جوسپارلاپ وتىرمىز. سولاردىڭ ءبىرى وسى اۋداندا بۇگىننەن باستاپ ءوز جۇمىسىن باستادى. «نۇر-اقتوبەنى» تاڭداۋىمىز بەكەر ەمەس. مۇندا مەملەكەتتىك باعدارلامامەن سالىنعان 11 ۇيدە 15 مىڭعا جۋىق ادام تۇرادى. شاعىن اۋدان كولەمى ءالى دە كەڭەيەتىن بولادى», – دەپ اتاپ ءوتتى وبلىس اكىمى تۇرعىندار الدىندا سويلەگەن سوزىندە.
ودان بولەك, ايماق باسشىسى جەرگىلىكتى بيلىكتىڭ حالىققا كەشەندى قىزمەت كورسەتەتىن اۋلا كلۋبتارى مەن ورتالىقتارىن اشۋدى دامىتۋ تۋرالى جوسپارلارىمەن ءبولىستى. بەردىبەك ساپارباەۆ اۋماعى 180 شارشى مەتردى قۇرايتىن دۇكەندى قاراپ شىعىپ, تاۋار تۇرلەرىمەن جانە ولاردىڭ باعالارىمەن تانىستى. بۇل جەردە «رامازان» جشس, «ايس» جشس سەكىلدى جەرگىلىكتى وندىرۋشىلەردىڭ ونىمدەرىمەن قاتار كووپەراتسيا اياسىندا وڭتۇستىك وڭىرلەردەن جەتكىزىلگەن اۋىل شارۋاشىلىعى ونىمدەرى دە مولىنان ۇسىنىلۋدا.
ساتىبالدى ءساۋىرباي.
دەرەك, سۋرەت: egemen.kz.
