جاستارعا سەنىم جوعارى

بيىلعى سايلاۋ ەلىمىز ءۇشىن اي­تار­لىقتاي كۇردەلى كەزەڭدە ءوتتى. وسى تۇرعىدان كەلەتىن بولساق, ونىڭ ماڭىزى تەك ارتا تۇسەتىنىن بايقايمىز. ءوز باسىم جەرگىلىكتى ءماسلي­حاتتار دەپۋتاتتارىن سايلاۋ­عا, سونداي-اق, ساياسي پارتيالاردىڭ سايلاۋىنا دا سانالى تۇردە جانە ۇلكەن جاۋاپكەرشىلىكپەن كەلدىم. بيىلعى كەزەكتەن تىس پارلامەنت ءماجىلىسىنىڭ سايلاۋىندا «نۇر وتان» پارتياسى 82,2 پايىز داۋىس الىپ, ايقىن باسىمدىقپەن جەڭىس­كە جەتتى. بۇل جەڭىستى ءوز باسىم زاڭ­دى سانايمىن. ويتكەنى, حالىق سەنى­مىنەن كورىنگەن پارتيا رەتىندە ول وتانى­مىزدا اتقارىلىپ جاتقان كوپتەگەن وڭ ىستەردىڭ باستاۋىندا تۇر. قازىر مەن جاستاردىڭ ۋاقىتى كەل­دى دەپ ەسەپتەيمىن. سوندىقتان, ءوزىم­­نىڭ داۋىسىمدى جاس ۇمىتكەرلەر ءۇشىن بەردىم. ويتكەنى, ولار الەم ەل­­دەرىندە كوپ بولادى, وزدەرىنىڭ كور­­گەن-بىلگەندەرىن ەلىمىزدى ءارى قا­راي دامىتۋ ءۇشىن قولدانۋلارىنا ءمۇم­كىندىكتەرى مول. ولاردىڭ الدارىنا اسا اۋ­قىم­دى مىندەتتەر قويىپ, سوعان جەتۋ ءۇشىن ماقساتكەرلىكپەن ۇمتى­لا­تىن­دىق­تارى. بۇل جايت قالا اكىمى­نىڭ كومانداسى مىسالىندا ايقىن كورىنەدى. قازىر بيلىكتە ەۋروپالىق ءبىلىم الىپ, جالپىعا ورتاق كوپتەگەن الەمدىك ستاندارتتاردى ءبىزدىڭ ءومىرى­مىزگە ەنگىزۋگە تالپىنىپ ءجۇر­­گەن قىز-جىگىتتەر كوپ. ولار بيلىك ور­­گان­­دارىنداعى, ازاماتتىق قوعام­­­نىڭ رولىندەگى جۇمىستارمەن باي­لا­نىستى كوپتەگەن نارسەلەرگە سونى كوز­قاراس تانىتادى. جاستار­دىڭ جۇ­مىسقا دەگەن ۇستانىمدارى كرەاتيۆتىلىگىمەن جانە جاڭاشىل­دىعىمەن ەرەكشەلەنەدى. مەن وڭتۇستىك قازاقستان وبلى­سىندا دۇنيەگە كەلدىم جانە ءومىر بويى وسىندا تۇرىپ كەلەمىن. سوڭ­عى كەزدەرى ءومىرىمىزدىڭ جاقسارا تۇسكەنى دە ايقىن اڭعارىلادى. وسى وڭ وزگەرىستەردىڭ بارلىعى – نەگىزىندە تۇراقتىلىققا, ۇلتارالىق كەلىسىم مەن ىزگى كور­شىلەس­تىككە دەگەن ۇمتىلىس جاتقان مەملەكەت باسشىسى ساياساتىنىڭ ناتيجەسى. مەنىڭ جولىم بولىپ, ەلباسى­مەن بىرنەشە مارتە كەزدەس­تىم. سول كەز­دەرى مەملەكەت باسشىسىنىڭ ءار­قا­شان جاستارعا قولداۋ كورسەتىپ, ولار­­دى جاۋاپتى لاۋازىمدارعا ىلگە­رىلەتۋگە ۇمتىلاتىنىن بايقاي­تىن­مىن. مۇنداي سەنىم مانداتى تو­لىق­تاي ءوزىن ءوزى اقتاپ كەلەدى جانە ەلىمىز­دىڭ رەفورمالار جولىمەن سەنىمدى ىلگەرىلەۋىنە مۇمكىندىك بەرۋدە. اناتولي ششەرباكوۆ, جەكەمەنشىك كلينيكانىڭ باسشىسى.