«ورمەكشى ادام»

ءزاۋلىم ءۇيدىڭ توبەسىنە جالاڭ قولمەن ورمەلەپ شىقتى جۇرتشىلىق اراسىندا «ءور­مەك­شى ادام» دەگەن ات العان بەل­گىلى جارتاسقا ورمەلەۋشى الەن روبەر جالاڭ قولىمەن, ەشقانداي ساقتاندىرۋ قۇرالدارىنسىز پاريج­دەگى بيىكتىگى 187 مەتر بولاتىن ءزاۋلىم ءۇيدىڭ توبەسىنە جەردەن باستاپ ورمەلەپ شىقتى. فرانتسۋزدىڭ 53 جاستاعى سپورتشىسى قالانىڭ دەفانس ماحاللاسىندا ورنالاسقان ماڭدايى كوك تىرەگەن عيماراتتىڭ ەڭ توبە­سىنە دەيىن ورمەلەپ جەتۋگە 45 مينۋت ۋاقىت جۇمسادى. ءبىرازدان بەرى وسىنداي قاۋىپتى بيىكتىكتەردى باعىندىرىپ جۇرگەن «ورمەكشى ادام» ءوزىنىڭ مۇنداي كەز كەلگەن «جورىعىنا» ساقتاندىرۋ قۇرال­دارىنسىز اتتانادى ەكەن. مۇنى الەن ءالپينيزمنىڭ ءوز ءومىرىنىڭ ءمانى, مازمۇنى, بولشەگى ەكەندىگىمەن تۇسىندىرەدى. «الپينيزم – مەنىڭ قۇ­مار­لىعىم, مەنىڭ ومىرلىك فيلو­سو­فيا­م. ءارتۇرلى باقىتسىز جاع­داي­لار ءىس جۇزىندە 66 پايىزعا ءمۇ­گەدەك ەتىپ قويعانىنا, مۇنداي بيىك دەڭگەيلەردە باسىمنىڭ اينالا باستايتىنىنا قاراماستان, مەن جورىققا جالعىز اتتاناتىن الپينيستەردىڭ اراسىنداعى ۇزدىگى بولا الدىم», دەپ جازىپتى الەن روبەر وسى وقيعادان كەيىن Facebook الەۋمەتتىك جەلىسىندەگى ءوزىنىڭ پاراقشاسىنا. الەن بۇل كەزگە دەيىن ەيفەل مۇناراسىن, سيدنەي وپەرا تەاترىن, دۋبايداعى بۋرلد-حاليف عيماراتىن جانە مالايزيا استاناسى – كۋالا-لۋمپۋردەگى پەترو­ناس مۇناراسىن باعىن­دىرعان. دامير قوجامقۇل.