الماتى. 23 ناۋرىز. الماتى قالاسىنداعى «الماتى» شيپاجايى بيىل پرەزيدەنت اكىمشىلىگى قولداۋىمەن ناۋرىز مەرەكەسى مەن ءتۋريزمدى ناسيحاتتاۋ ءىسىن بىرىكتىردى. بۇل تۋرالى egemen.kz ءتىلشىسى حابارلادى.
بيىلعى ناۋرىز مەرەكەسىندە شيپاجايدا دەمالىپ, ەم قابىلداپ جاتقاندار ايتارلىقتاي ايرىقشا وقيعالارعا, قىزىقتى شارالارعا كۋا بولدى.
ناۋرىز مەرەكەسىندە ۇلكەن داستارحان جايىلدى. شيپاجاي اۋماعىندا «قۇرمەت» اللەياسى اشىلىپ, وعان العاشقىلاردىڭ قاتارىندا تانىمال ونەر تۇلعالارى ءاسانالى ءاشىموۆ ەسكەندىر حاسانعاليەۆ, التىنبەك قورازباەۆ, روزا رىمباەۆا, جەڭىس ىسقاقوۆا, وليمپيادا چەميپيونى ەرماحان يبرايموۆ, قۇرمانعازى اتىنداعى اكادەميالىق حالىق اسپاپتار وركەسترى وكىلدەرى مەن «مۋزارت» توبى ءوز شىرشالارىن وتىرعىزدى.
شيپاجاي دەمالۋشىلارىنا اسا ۇناعان ءىس-شارادا جوعارىداعى ايگىلى انشىلەرمەن بىرگە ومىرقۇل اينيازوۆ, اسقار جۇنىسبەكوۆ, ۇلىقپان جولداسوۆ, اسەت بالعازين, «قوڭىر», «ديەتا.kz», « ۇلىتاۋ» توپتارى ونەر كورسەتتى.
ايرىقشا قىزىقتى وتكەن مەيرامدا الماتىلىقتار مەن شيپاجاي قوناقتارىنا سپورتتىق جارىستار, ارقان تارتۋ, قازاق كۇرەس ونەرلەرى, گىر كوتەرۋ, دارتس جانە باسقا دا سپورت سايىستارى كورسەتىلدى.
سونىمەن بىرگە «گاننوۆەر» جىلقىلارىنىڭ ءبيى, ورال تاڭسىقباەۆ اتىنداعى الماتى ساندىك-قولدانبالى ونەر كوللەدجى ستۋدەنتتەرى ۇيىمداستىرعان ۇلتتىق قولدانبالى ونەر كورمەسى كوپشىلىك كوڭىلىنەن شىقتى.
ايناش ەسالي.
دەرەك, سۋرەت: egemen.kz.
