فۋتزالدان قازاقستان قۇراماسى سىرت الاڭدا پولشامەن تەڭ وينادى

استانا. 23 ناۋرىز. فۋتزالدان قازاقستان قۇراماسى الەم چەمپيوناتىنا ىرىكتەۋ ساتىسىندا پولشامەن كەزدەسىپ, 1:1 ەسەبىمەن تەڭ ءتۇستى. بۇل تۋرالى egemen.kz ءتىلشىسى حابارلادى. ماتچ پولشانىڭ ششەتسين قالاسىندا ءوتتى. ويىننىڭ 4-مينۋتىندا قازاقستان قۇراماسىنىڭ ويىنشىسى سەرىك جامانقۇلوۆ ەسەپ اشىپ, كوماندامىزدى العا شىعاردى. بۇدان كەيىن قوس كوماندا دا بىرقاتار جويقىن شابۋىلدار ۇيىمداستىرعانىمەن, گول سوعىلمادى. تەك ويىننىڭ اياقتالۋىنا 27 سەكۋند قالعاندا الاڭ يەلەرى ساپىنان مارسين ميكولاەۆيچ مەرگەندىگىمەن كوزگە ءتۇسىپ, تارازى باسىن تەڭەستىرىپ كەتتى. ەندى قارسىلاستار 12 ءساۋىر كۇنى الماتىدا قارىمتا كەزدەسۋ وتكىزەدى. سول ويىندا جەڭىسكە جەتكەن كوماندا وسى جىلدىڭ 10 قىركۇيەگى مەن 2 قازانى ارالىعىندا كولۋمبيادا وتەتىن فۋتزالدان الەم چەمپيوناتىنا جولداما الادى. اتالعان دوپ دوداسىنا 24 قۇراما قاتىساتىنىن اتاپ وتكەن ءجون. ەلامان قوڭىر. دەرەك: egemen.kz. سۋرەت: kairat-futsal.kz.