قاراعاندىدا ماس جۇرگىزۋشى قىزدىڭ اكەسى پوليتسياعا قول جۇمسادى

قاراعاندى. 22 ناۋرىز. قاراعاندىدا ستۋدەنت قىزى ماس كۇيىندە كولىك جۇرگىزگەن قالا تۇرعىنى حاتتاما تولتىرۋ كەزىندە پوليتسيا قىزمەتكەرىنە قول جۇمسادى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. قالاداعى جوعارى وقۋ ورىندارىنىڭ بىرىندە وقيتىن 21 جاستاعى ستۋدەنت قىزدى جول پوليتسياسى ماس كۇيىندە كولىك جۇرگىزدى دەگەن كۇدىكپەن توقتاتقان بولاتىن. تەكسەرۋ بارىسىندا ناركولوگيالىق ورتالىقتىڭ ماماندارى كولىك جۇرگىزۋشىسىنىڭ شىنىندا دا سپيرتتىك ىشىمدىك ىشكەنىن راستادى. الايدا, ستۋدەنت قىز بەن ونىڭ اكەسى پوليتسيا بولىمشەسىنە بارىپ, اكىمشىلىك حاتتاما تولتىرۋ تۋرالى ءتارتىپ ساقشىلارىنىڭ تالابىنا كونبەي, ولارعا قارسىلىق كورسەتكەن. ناقتىراق ايتقاندا, ستۋدەنت قىز ۇرىس-كەرىس شىعارسا, ونىڭ اكەسى پوليتسيا قىزمەتكەرىنە جۇدىرىق جۇمساعان. قازىرگى ۋاقىتتا پوليتسيا قىزمەتكەرلەرى قىز بەن ونىڭ اكەسىن جاۋاپكەرشىلىككە تارتۋ تۋرالى ماسەلەنى شەشۋدە. قايرات ءابىلدينوۆ. دەرەك: قاراعاندى وبلىستىق ىشكى ىستەر دەپارتامەنتىنىڭ ءباسپاسوز قىزمەتى. سۋرەت: camry-club.kz.