ەل سەنىمىنە يە ناعىز حالىقتىق پارتيا

كەشە ورتالىق كوممۋنيكاتسيالار قىزمەتىندە استانا قالاسى «جاسىل ەل» جاستار ەڭبەك جاساعىنىڭ باسشىسى مەرەي شارىپباەۆ جالپىۇلتتىق جاستار قوزعالىسى اتىنان ەلباسى نۇرسۇلتان نازارباەۆتى جانە بارشا قازاقستاندىقتاردى «نۇر وتان» پارتياسىنىڭ جەڭىسىمەن قۇتتىقتاۋىن جەتكىزدى. بۇل رەتتە, م.شارىپباەۆ ءماجىلىس جانە ءماسليحات دەپۋتاتتارىن سايلاۋدا № 24 سايلاۋ ۋچاسكەسىنىڭ توراعاسى مىندەتىن اتقارعاندىعىن جانە دە اتالعان مىندەتتىڭ زور مارتەبە مەن جاۋاپكەرشىلىك جۇكتەگەندىگىن تىلگە تيەك ەتە كەتتى. «وسى جاۋاپكەرشىلىكتى سەزىنە وتىرىپ, مەن توراعالىق ەتكەن سايلاۋ ۋچاسكەسىندە داۋىس بەرۋ پروتسەسى حالىقارالىق جانە ەلىمىزدىڭ سايلاۋ تۋرالى نورمالارىنا ساي وتكەنىن نىق سەنىممەن ايتا الامىن. ساي­لاۋ كەزىندە ەشقانداي زاڭ بۇزۋشىلىقتار ءتىر­كەل­گەن جوق. بايقاۋشىلاردىڭ ءوز جۇمىسىن ەر­كىن جۇرگىزۋىنە, داۋىس بەرۋ بارىسىن ءجىتى قا­دا­عالاۋىنا بارلىق جاعداي جاسالدى», دەپ اتاپ ءوتتى مەرەي ەربول ۇلى. ول, سونىمەن قاتار سايلاۋ ۋچاسكەسىندە بيۋللەتەندەر سانى داۋىس بەرۋشىلەردىڭ تىزىمىنە تولىق سايكەس كەلگەندىگىمەن دە ءبولىستى. سايلاۋ جاشىگى تالاپقا ساي مورلەنىپ, بايقاۋشىلار­دىڭ قاداعالاۋى ءۇشىن جانە ازاماتتاردىڭ داۋىس بەرۋىنە ىڭعايلى جەردە ورنالاستىرىلىپتى. سايلاۋ بارىسىندا ازاماتتاردىڭ تاڭداۋ قۇپيالىعى قاتاڭ ساقتالىپ, ولاردىڭ ءوز ۇمىتكەرلەرىنە ەركىن داۋىس بەرۋىنە ەش كەدەرگى كەلتىرىلمەگەن. م.شارىپباەۆ تەڭ باسەكەدە «نۇر وتان» پارتياسىنىڭ جەڭىسكە جەتۋى ونىڭ ەل سەنىمىنە يە ناعىز حالىقتىق پارتيا ەكەنىن كورسەتكەندىگىن العا تارتتى. سوندىقتان دا ول حالىقتىڭ سەنىم مانداتىنا يە بولىپ, پارلامەنتكە جولداما العان وزگە دە پارتيا­لاردى جەتىستىكتەرىمەن قۇتتىقتاپ, ىستەرىنە ساتتىلىك تىلەدى.