دەموكراتيا نورمالارىنا ساي

قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارىن سايلاۋ دەموكراتيا نورمالارىنا ساي ءوتتى. بۇل تۋرالى شانحاي ىنتىماقتاستىق ۇيىمىنىڭ بايقاۋشىلار ميسسياسىنىڭ باسشىسى ازيز نوسيروۆ ورتالىق سايلاۋ كوميسسياسىنداعى بريفينگ بارىسىندا مالىمدەدى. – «2016 جىلعى 17-20 ناۋرىز ارا­لىعىندا شىۇ بايقاۋشىلار توبى قا­زاقستان رەسپۋبليكاسى پارلامەنتى ءما­جىلىسى دەپۋتاتتارىن سايلاۋعا دايىن­دىق پەن ونى وتكىزۋ بارىسىنا مو­نيتورينگ جاسادى. سونىمەن قاتار, ۇيىم مۇشەلەرى سايلاۋ كۇنى استا­نا, كوكشەتاۋ, قاراعاندى, ەكىباستۇز, تەمىرتاۋ قالالارىنداعى جانە اقمولا, قاراعاندى, پاۆلودار وبلىس­تارىندا ورنالاسقان 65 سايلاۋ ۋچاس­كەسىنە بارعان بولاتىن. اتالعان مەكەن­دەردەگى تۇرعىندار بەلسەندى اتسالىسىپ, مەملەكەتتىك ماڭىزى بار شاراعا بەيجاي قارامايتىندىقتارىن تانىتتى», – دەدى بايقاۋشى. ونىڭ ايتۋىنشا, بايقاۋشىلار قۇرامىندا شىۇ-عا مۇشە مەملەكەتتەردىڭ, ناقتىراق ايتساق, قىتاي, قىرعىزستان, رەسەي, تاجىكستان, وزبەكستاننان كەلگەن وكىلدەرى دە بولعان. «سايلاۋعا دايىندىق كۇندەرى, داۋىس بەرۋ كۇنى مەن داۋىستاردى ساناۋ پروتسەسىن باقىلاعان ميسسيا وكىلدەرى سايلاۋدىڭ اشىق وتكەنىن, سايلاۋ تۋرالى اقپاراتتىڭ جان-جاقتى تاراتىلعانىن اتاپ ءوتتى. ساياسي پارتيالارعا, دەپۋتاتتىقتان ۇمىتكەرلەرگە تەڭ مۇمكىندىك بەرىلدى. بۇل – سايلاۋدىڭ دەموكراتيا نورمالارىنا ساي وتكەندىگىنىڭ دالەلى. سونىمەن بىرگە, ميسسيا وكىلدەرى بولعان بارلىق سايلاۋ ۋچاسكەلەرىندە بۇل ۇدەرىسكە قازاقستاننىڭ ساياسي پارتيالارىنىڭ, باسقا دا قوعامدىق بىرلەستىكتەردىڭ وكىلدەرىمەن قاتار, حالىقارالىق ۇيىمدار مەن باق وكىلدەرى دە اتسالىستى. سايلاۋ پروتسەسى بارىسىندا ميسسيا وكىلدەرىنە ەش شاعىم تۇسكەن جوق», – دەدى ول. راۋان قايدار, «ەگەمەن قازاقستان».