ۇيىمداستىرۋ دەڭگەيى جوعارى

كەشە ورتالىق سايلاۋ كوميسسياسىندا تمد بايقاۋشىلار ميسسياسىنىڭ وكىلدەرى قازاقستانداعى پارلامەنت ءماجىلىسىنىڭ دەپۋتاتتارىن سايلاۋ بارىسى تۋرالى تىلشىلەرمەن كەزدەسۋ وتكىزدى. بۇل رەتتە تمد بايقاۋشىلار ميسسياسىنىڭ باسشىسى سەرگەي لەبەدەۆ تمد بايقاۋشىلارىنىڭ اتىنان مالىمدەمە جاسادى. ءبىز بۇگىنگى ۋاقىتتا قازاقستانعا كورشى رەتىندە, سونىمەن قاتار, دوستىق قارىم-قاتىناسى بەرىك ورناعان جاقىنى رەتىندە كەلىپ وتىرمىز. بىزدەر ءبىر-بىرىمىزگە جاقسى دوس بولىپ قالا بەرەمىز, دەپ باستادى ءسوزىن سەرگەي لەبەدەۆ جيىن بارىسىندا. سونى­مەن قاتار, ول مەن باتىستىق بايقاۋ­شى­­لارمەن پىكىرلەسكەنىمدە, ولار­­عا: «ارىپتەستەر, بىزدەر ءبىر-ءبىرى­مىزدى جاقىن ءارى جاقسى بىلەتىن بول­عاندىقتان, مۇنداعى سايلاۋ بارىسىن كوبىرەك قاداعالايمىز ءارى كورەمىز», دەيمىن. ەگەر دە قانداي دا ءبىر ولقىلىقتار ورىن الىپ جاتسا, دوستىق بايلانىس ارقىلى ول ماسەلەنىڭ شەشۋ جولدارىن قاراستىرامىز», دەدى. سونداي-اق, سايلاۋ بارىسىنا ناقتىراق توقتالعان تمد باي­قاۋشىلار ميسسياسىنىڭ باسشىسى سايلاۋدىڭ تولىقتاي زاڭ اياسىندا وتكەندىگىن جەتكىزدى. جانە دە حا­لىقارالىق نورمالارعا ساي دەپ تانۋعا بولاتىنىن ايتتى. بۇل رەتتە, بايقاۋشىلار ساي­لاۋ­­شى­لاردىڭ داۋىس بەرۋ بارى­سىن تولىققاندى ءارى جۇيەلى باقىلاي العاندىعىن كولدەنەڭ تارتتى. بەلگىلى بولعانداي, تمد بايقاۋشىلار ميسسياسى 26 اقپاننان بەرى سايلاۋالدى دايىندىق جۇمىستارىن ءجىتى باقىلاعان. ءبىر ايعا جۋىق ۋاقىت ىشىندە سايلاۋعا دايىندىق پەن سايلاۋ بارىسىن ەگجەي-تەگجەيلى قاداعالاعان بايقاۋشىلار, رەس­پۋبليكانىڭ بارلىق ايماق­تارىندا بولىپتى. «تمد بايقاۋشىلار ميس­سياسىنىڭ قۇرامىندا 301 ادام بار. ەشقانداي كەدەرگىلەر مەن كەمشىلىكتەر كەزدەسكەن جوق. جىل­دان-جىلعا سايلاۋدى ۇيىم­داس­تىرۋ جاعى دامىپ, كوتەرىلىپ كەلە جاتقانىن بايقادىق. ۋا­قىت ءوت­كەن سايىن سايلاۋدى ۇيىم­­­داس­تىرۋشىلار اراسىندا جاس­­­تار­دىڭ كوپتەپ كەزدەسەتىنى تاڭعال­دىرادى», دەدى س.لەبەدەۆ. سونىمەن قاتار, ول وزگە مەم­لەكەتتەر اراسىندا بىزدەردى ساي­لاۋ جۇمىستارىنا ۇيرەتكىسى كەلەتىن­دەر بار ەكەنىن, كەرىسىنشە سايلاۋ­دى ۇيىمداستىرۋ بارىسىن ولاردىڭ بىزدەن ۇيرەنۋى قاجەتتىگىن ايتتى. وسى ورايدا, بۇل سايلاۋدىڭ ءوت­كەن سايلاۋلارعا قاراعاندا نەسi­مەن ەرەكشە بولعانىن اتاي كەلە, ۇيىمداستىرۋشىلىق پەن جۇرت­­شىلىقتىڭ سايلاۋ تۋرا­لى مادەنيەتىنىڭ جوعارى بول­عان­دىعىن تىلگە تيەك ەتتى. جانە دە مۇنداي پىكىردى تەك قانا تمد بايقاۋشىلارى ۇستانىپ وتىرعان جوق, باتىس بايقاۋشىلارىنىڭ ويى دا وسى بولعاندىعى ايتىلدى. سايلاۋدىڭ جوعارى دەڭگەيi مەن ۋچاسكەلەردiڭ جاقسى بەزەندiرiلگەنi, ۋچاسكەلەردiڭ كوپشiلiگi iرi عيما­راتتاردا: جوو, مەكتەپتەر, مادە­نيەت ۇيلەرi مەن مەملەكەتتiك مەكە­مەلەردە ورنالاسقاندىعى اتالىپ ءوتىلدى. جانە دە سايلاۋدىڭ تەڭ باسە­كەلەستىك دەڭگەيىندە, ءادىل ءارى اشىق وتكەنى ايتىلدى. بارلىق وبلىستاردا تمد بايقاۋشىلار ميسسياسى باس-اياعى 2875 سايلاۋ ۋچاسكەلەرىندە بولعان. سەرگەي لەبەدەۆ كەشەگى سايلاۋدا حالىقتىڭ ءوز تاڭداۋىن جاساعانىن, ەندىگىدە جاڭا پارلامەنتتىڭ مەملەكەتتىڭ دامۋى مەن تۇراقتىلىعى جولىندا جاڭا بەلەستەردى باعىندىرارىنا سەنىمىن ءبىلدىردى. ەلميرا ماتىباەۆا, «ەگەمەن قازاقستان».