بەلسەندىلىكتى باسەڭسىتكەنىمىز جوق

وتكەن جەكسەنبى كۇنى وتكىزىلگەن پار­لامەنت ءماجىلىسى دەپۋتاتتارى سايلاۋىن­دا سايلاۋدى باي­قاۋ جونىندەگى رەس­پۋب­لي­كالىق قو­عامدىق كوميسسيا اي­تا قالارلىقتاي تىن­دىرىمدى ىستەرگە ۇيىتقى بولا ءبىلدى. ال وبلىستاردا وسى كوميسسيانىڭ ءوڭىر­لىك ورتالىقتارىنىڭ شتابتارى قۇرىلدى. ءبىز كەشە باتىس قازاق­ستان وبلىسىنداعى وسىنداي قۇرىلىمنىڭ مۇشەسى سۆەتلانا سەيىلحانوۆاعا جولىعىپ, بىرەر ساۋال قويعان ەدىك. سۆەتلانا سەرىك­قىزى, ورال وڭىرىندە وتكىزىلگەن پارلامەنت ءماجىلىس دەپۋتاتتارىن سايلاۋدىڭ ءوتۋ بارىسى كەزىندە ءىس-قيمىل تانىتقان قوعامدىق شتابتىڭ مۇشەسى رەتىندە نە ايتار ەدىڭىز؟ – بىردەن ايتايىن رەسپۋب­لي­كا­لىق قوعامدىق كو­ميس­سيانىڭ باتىس قازاقستان وبلىسىنداعى وڭىرلىك ورتاسىنىڭ مۇشەلەرى تەك سايلاۋ كۇنى عانا ەمەس, سونىمەن بىرگە, وعان ازىرلىك كەزەڭى بارىسىندا دا اۋقىمدى ىستەر اتقاردى. ماسەلەن, ءبىزدىڭ وبلىستا 520 سايلاۋ ۋچاسكەسى قۇرىلعان بولسا, سونىڭ ارقايسىسىنا ءبىر قوعامدىق بايقاۋشىدان بەكىتىلدى. بۇل ارتىق-كەمى جوق 520 قوعامدىق نەگىزدەگى بايقاۋشى سايلاۋعا دەيىنگى جانە سايلاۋ كۇنگى ۇدەرىستەردىڭ بارىنە قاتىستى دەگەن ءسوز. ولاردىڭ قۇرامى مەن الەۋمەتتىك تەگىن نەگىزىنەن ستۋدەنتتەر مەن زەينەت جاسىنداعى ادامدار, ازاماتتىق جانە ۇكىمەتتىك ەمەس ۇيىمداردىڭ وكىلدەرى قۇرادى. سوندىقتان دا ءبىز ءۇشىن ءبىرىنشى كەزەكتە ولاردى سايلاۋدى وتكىزۋ زاڭدىلىقتارىمەن تانىستىرۋ, وسى باعىتتا ارنايى سەمينارلار مەن ترەنينگتەر ۇيىمداستىرۋ مىندەتى تۇردى. بۇل جاۋاپتى ءىس-شارا وڭىردە ويداعىداي اتقارىلدى دەگەن ويدامىن. سونىمەن بىرگە, ءاربىر قوعامدىق بايقاۋشى وزدەرىنە بەكىتىلگەن سايلاۋ قوسىندارىندا سايلاۋشىلارمەن تىعىز قارىم-قاتىناس ورناتا ءبىلدى. تىزىمدەردى ناقتىلاۋعا كومەك بەردى. ۋچاس­كەلەردىڭ تي­ىستى تالاپتارعا ءساي­كەس جابدىقتالۋىن قاداعالادى. سايلاۋعا ازىرلىك بارىسىندا ءبىز ولاردىڭ ايتقان سىن-ەسكەرتپەلەرى بويىنشا ءتيىستى شەشىم قابىلداپ وتىردىق. سونداي-اق, ورىن العان كەيبىر كەمشىلىكتەر دەر ۋاقىتىندا تۇزە­تىلدى. – ال 520 ۋچاسكەگە بەكىتىلگەن قوعامدىق بايقاۋشىلاردىڭ ءدال سايلاۋ كۇنگى ءىس-قيمىلى تۋرالى نە دەۋ­گە بولادى؟ – وتكەن جەكسەنبى, ياعني 20 ناۋ­رىز كۇنى تاڭەرتەڭ ساعات 7-دە ولاردىڭ ءبارى دە ءوز ورىندارىنان تابىلدى. العاشقى داۋىس بەرۋ راسىمىنە كۋا بولدى. داۋىس بەرۋ بيۋللەتەندەرىن ساناعان كەزدە دە قوعامدىق باي­قاۋشىلار قىراعىلىق تانىتا ءبىلدى. ارينە وڭىردەگى 520 ۋچاسكەنىڭ بارىنە بىردەي بارۋعا ءبىزدىڭ اياعىمىز جەتە العان جوق. دەگەنمەن, ونداعى سايلاۋدىڭ ءوتۋ بارىسىن ءوز وكىل­دەرىمىز ارقىلى قاداعالاپ وتىر­دىق. ءار ۋچاسكەدەگى سايلاۋعا ازىرلىك پەن ونىڭ وتكىزىلۋ بارىسىن بايقاۋشىلار ۇدايى نازاردا ۇستادى. ال ءبىز ولاردىڭ ءىس-قيمىلدارىن كوزدەن تاسا قىلماۋعا ۇمتىلدىق. – سايلاۋدىڭ وتكىزىلۋى كەزىندە ولاردىڭ تاراپىنان قانداي دا ءبىر سىن-ەسكەرتپەلەر بولدى ما؟ – ارينە, ءىشىنارا كەيبىر ۇساق-تۇيەك, ەلەۋسىزدەۋ كەمشىلىكتەر كەزدەسكەنىمەن, تۇتاستاي العاندا سايلاۋدىڭ ءتارتىبى بۇزىلعانى جونىندە ەشقانداي دەرەك ورىن العان جوق. داۋىس بەرۋ كەزىندە سايلاۋشىلاردىڭ بەلسەندىلىك تانىتقانىن قوعامدىق بايقاۋ­شىلار ريزاشىلىقپەن ايتىپ وتىر. – اڭگىمەڭىزگە راحمەت. جازىپ العان تەمىر قۇسايىن, «ەگەمەن قازاقستان». سۋرەتتە: قوعامدىق شتابتىڭ مۇشەسى سۆەتلانا سەيىلحانوۆا. سۋرەتتى تۇسىرگەن رافحات حالەلوۆ.