جاڭا وزگەرىستەردىڭ باستاۋى

كەشە ورتالىق كوممۋنيكاتسيالار قىزمەتىندە «قازاقستانداعى پارلامەنت سايلاۋى-2016: ناتيجەلەرى مەن باعىتتارى» تاقىرىبىندا دوڭگەلەك ۇستەل ءوتتى. وعان پرەزيدەنت جانىنداعى قازاقستاننىڭ ستراتەگيالىق زەرتتەۋ ينستيتۋتىنىڭ ديرەكتورى ەرلان قارين جانە اقىلى ورتالىقتاردىڭ ساراپشىلارى مەن باق وكىلدەرى قاتىستى. جيىندا ەرلان قارين الدىمەن قازاقستاندىقتاردى ناۋرىز مەرەكەسىمەن قۇتتىقتادى. مۇنان سوڭ ول سايلاۋ ناۋقانى­نىڭ جو­عارعى دەڭگەيدە ۇيىمداس­تى­رىل­عانىن تىلگە تيەك ەتتى. –  وتكەن سايلاۋ ەلدەگى جاڭا  سايا­سي دا­مۋدىڭ, جاڭا وزگەرىستەردىڭ باس­تاۋى دەۋگە بولادى. ءبىز سايلاۋالدى ناۋقاننان باستاپ سايلاۋ كەزىندەگى بارلىق ۇدەرىسكە مونيتورينگ جۇرگىزىپ وتىردىق. الدىن الا مالىمەت بويىنشا, ارينە, پارلامەنتكە بۇرىنعى شاقىرىلىمداعى پارتيالار عانا وتكەن. الايدا, ساراپتاماعا سەنەر بولساق, ماجىلىستە ءبىراز جاڭا تۇلعالار, ءبىراز جاڭا ەسىمدەر پايدا بولادى, – دەدى ەرلان قارين. سونداي-اق, دوڭگەلەك ۇستەلدە تاۋەلسىز ساراپشىلار دا ءسوز الىپ, ساياسي دودانىڭ ۇيىمداستىرىلۋ بارىسى مەن سايلاۋشىلاردىڭ بەلسەندىلىگى جايىندا پىكىرلەرىن ءبىلدىردى.  اسىرەسە,  ماماندار سايا­سي پار­­تيالاردىڭ سايلاۋالدى ۇگىت-نا­­سيحات جۇمىستارى كەزىندە الەۋمەتتىك جەلىلەردى قولدانۋ بارىسىن ءسوز ەتتى. ساياساتتانۋشى جارقىن تۇسىپبەك ۇلى سايلاۋ ناۋقانى كەزىندە الەۋمەتتىك جەلىلەردىڭ ءرولى ەرەكشە بولعانىن اتاپ ءوتتى. – جاستار اراسىندا, الەۋمەتتىك جەلىلەردە داۋىس بەرۋ پروتسەسىنەن تۇسىرىلگەن فوتولار سانگە اينالدى. بۇل مىندەتتى تۇردە ساياسي تۇرعىدا سامارقاۋ ازاماتتارعا ىقپال ەتەدى. 2012 جىلى اقش-تاعى پرەزيدەنت سايلاۋى كەزىندە حالىقتىڭ 30 پايىزى الەۋمەتتىك جەلىلەردە پوستتاردى وقىعاننان كەيىن سايلاۋعا بارعاندارىن مويىنداعان. ال تاعى 20 پايىزى الەۋمەتتىك جەلىلەردى پايدالانىپ, وزگەلەردى سايلاۋعا ۇگىتتەگەن. وسى ءۇردىس بىزگە كەلگەنىن بيىل سايا­سي پارتيالار ءتۇسىندى دەپ ويلايمىن, – دەدى ج.تۇسىپبەك ۇلى. ايتا كەتەيىك, شارادا سا­راپشى ماماندار وتكەن ساي­لاۋ ناۋقانىنداعى قازاق­ستان­دىقتاردىڭ بەلسەندىلىگىن, جاس­تار­دىڭ ءوز تاڭ­داۋىن جاساۋدا قۇقىقتارىن ساق­تاعانىن جارىسا ءسوز ەتتى. ەڭ باستىسى – الەمنىڭ نازارى اۋعان ساياسي دودا­نىڭ ءادىل وتكەنى قازاقستاننىڭ ءمار­تەبەسىن اسقاقتاتا ءتۇستى, دەدى ولار. تالعات رايىمبەك, «ەگەمەن قازاقستان».