الماتىلىقتار اعاش وتىرعىزۋ اكتسياسىن باستادى

جاسى ۇلكەنى بار, كىشىسى بار دەگەندەي, الماتىنىڭ ءتۇرلى ۇلتتان قۇرالعان تۇرعىندارى, ءار سالادا قىزمەت ەتىپ جۇرگەن قالالىقتار  بيىل دا جينالىپ, الما جانە باسقا دا اعاش كوشەتتەرىن وتىرعىزۋدى جالعاستىراتىن بولدى. باستاماشى توپتىڭ «Alma Qala»  اكتسياسىن ۇيىمداستىرعانىنا ءۇش جىلدان استى. ناتيجەسى دە جامان ەمەس. ماسە­لەن, وسى ساۋاپتى ءىس قولعا الىن­عان 2014 جىلى اكتسياعا 5 مىڭ­داي ادام قاتىسىپ, 9500 اعاش كوشە­تىن وتىرعىزعان بولاتىن. ال وتكەن جىلى 15 مىڭ ءتۇپ داراق وتىر­عىزىلدى. بۇل باستامانىڭ جاقسى ءبىر جەرى, قالانىڭ ءاربىر تۇرعىنى وسى ىسكە ۇلەسىن قوسا الادى. اعاش وتىر­عىزۋدى قالاعان جاندار جاع­دايىنا قاراي, ءبىر ءتۇپ كوشەت ساتىپ الىپ, ءوزى وتىرعىزسا دا بولادى. اعاش كوشەتىن قالانىڭ كەز كەلگەن بازارىنان, ارنايى وسىمدىك-اعاش دۇكەندەرىنەن نەمەسە ءتالىم باقتاردان الۋعا بولادى. ال اكتسيا ۇيىمداستىرۋ كوميتەتى بىرقاتار ءتالىم باقپەن كەلىسىمگە كەلگەن – ولار اكتسيا ناۋقانىندا كوشەتتەردى تومەن باعامەن ساتادى. ال ەندى اعاشتى دا كورىنگەن جەرگە وتىرعىزا سالۋعا بولمايتىنى بەلگىلى. سوندىقتان باستاماشى توپ كوشەتتى اۋلادا وتىرعىزاردا كورشىلەرىمەن, بالاسى وقيتىن مەك­تەپ­تە مۇعالىمدەرىمەن, كەڭسە ماڭىن­دا باسشىلارمەن اقىلداسىپ الۋعا كەڭەس بەرەدى. سونىمەن «الما-Qala-16» اك­تسيا­سى 2016 جىلدىڭ 12 ناۋرىزىنان باستالىپ, 24 ساۋىرگە دەيىن سوزىلادى. ءىس-شارا جالپى الماتى قالاسى بويىنشا وتەدى. وتكەن جىلى اتالمىش اكتسيانى استانا, شىمكەنت, كوكشەتاۋ قالاسىنىڭ تۇرعىندارى قولداعان بولاتىن. بۇل باستاماعا قازىر «پا­رىز» قوعامدىق قايىرىمدىلىق قورى  مەن «يا-الماتينەتس» قوعام­دىق قوزعالىسى جانە سەرگەي تە­رە­ششەنكو سياقتى  كاسىپكەر, بەل­گى­لى قوعام قايراتكەرى قولداۋ كور­سەتۋدە. ايناش ەسالي, «ەگەمەن قازاقستان». الماتى.