باياعىدا ءبىر كەدەيدىڭ قىزى شەشەسىنەن كورشى اۋىلدا وتەتىن ناۋرىز تويىنا بارۋعا رۇقسات سۇراسا: «بايعۇس-اۋ, مەندە نە تۇر دەيسىڭ, «بارعىزباسىڭ بارعىزباس» دەسە كەرەك. قىز ءسوزدىڭ استارىنا تۇسىنبەي دال بولادى. ەرتەسىنە اۋىل سىرتىنا شىقسا ءبىرى قۇندىز, ءبىرى وقالى كامشات بورىك, ءبىرى بۇرمەلى قوسەتەك كويلەككە زەر جۇگىرتىپ كەستەلەگەن قىناما بەل ماقپال كامزول كيىپ, اياقتارىنا بەس تاقالى بىلعارى ەتىك, شاشباۋ, شولپىلارى سىڭعىرلاپ, قۇلاقتارىنا ايسىرعا, ۇزبەلى, ساباقتى سىرعا, ساۋساقتارىنا قۇستۇمسىق, نەشە ءتۇرلى كوزدىڭ جاۋىن الاتىن اسىل تاستى ساقينالار تاعىپ, جورعا ءمىنىپ, تورقاعا مالىنىپ شىعا كەلگەن باي ءۇيىنىڭ قىزدارىن كورگەندە الگى قىز قاتتى قورىنىپ, وتىرا كەتىپتى...
سول ايتپاقشى, ەلىمىز ءتاۋەلسىزدىگىن الىپ, وڭ-سولىمىزدى باعامداپ, جوعالتقانىمىزدى تۇگەندەۋگە كىرىسكەن العاشقى جىلدارى ساعىنىشپەن ورالعان ناۋرىز سالتاناتىنا ءبىرازىمىزدىڭ «بارعىزباسىمىزدىڭ بارعىزباعانى» حاق. ويتكەنى, ەل ەكونوميكاسى تىعىرىققا تىرەلدى. ول كەزدە قازاقستاندا جالعىز ۇلتتىق كيىمدەر مەن بۇيىمدار ءوندىرىپ كەلگەن «تۇسكيىز» فابريكاسى شاتقاياقتاپ, تاعدىرى قىل ءۇستىندە تۇردى. ءمىنە, سونداي قيىن ۋاقىتتا ۇلكەن ءوندىرىس ورنىنا باسشىلىق جاساۋدى ساۋلە سلامقىزىنا تاپسىرۋى كەزدەيسوق ەمەس ەدى. بۇعان دەيىن قازاقستان تەاتر قوعامىنىڭ ءوندىرىس كومبيناتىندا ۇزاق جىلدار قىزمەت جاساپ, رەسپۋبليكانىڭ تۇكپىر-تۇكپىرىندەگى اۋىل, قالا, وبلىستارداعى ونەر ادامدارىنا, ساحنا اكتەرلەرىنە ۇلتتىق كيىم تىككەن شەبەرگە, سوندا ءجۇرىپ ۇلتتىعىمىزدى مەرەيلەندىرۋدىڭ بىردەن ءبىر جولى – ۇلتتىق كيىمدەرىمىزدى ساقتاپ, قالىپتاستىرۋدا ءجانە ونى كەڭىنەن ناسيحاتتاۋدا ولشەۋسىز ۇلەس قوسقان وزبەكالى جانىبەكوۆتىڭ شاكىرتى بولعان جاڭا باسشىعا وسىنداي ءولارا شاقتا تىزگىندى الۋ وڭايعا تۇسپەدى. ويتكەنى, ول فابريكاعا كەلگەن كەزدە شيكىزات ءبىتىپ, موينىنداعى قارىزىن وتەي الماي, ءوندىرىس توقتاپ تۇردى. قايتكەندە دە ءوندىرىستى ىسكە قوسىپ, جۇمىسشىلاردى جۇمىسپەن قامتىپ, ءارى سان ساققا كەتكەن كيىم ۇلگىلەرىن قالىپقا كەلتىرۋدى, بۇرىن كيىمنىڭ ءۇش-ءتورت ءتۇرىن عانا شىعارسا, ەندى ۇلتتىق تىگىن ونەرىنە قاتىستى بارلىق بۇيىمداردى شىعارۋدى جولعا قويماق. مۇنىڭ ءبارى «تۇسكيىزدىڭ» جۇمىسشىلارى ءۇشىن جاڭا نارسە بولعاندىقتان, ءاربىر جاڭا تاپسىرىستىڭ قاسىندا باسشىنىڭ ءوزى ءجۇرىپ, تەتىگىن ويلاپ, جوباسىن كورسەتىپ, ۇيرەتىپ, قاداعالاپ وتىرۋعا تۋرا كەلدى. باسقا قيىندىقتاردى ايتپاعاندا, سول جىلدارى 9 مىڭ شارشى مەتر عيماراتتا بار-جوعى 60-70 جۇمىسشى عانا قالدى. اشىلعاننان بەرى كۇردەلى ءجوندەۋ كورمەگەن, جارتىسىنان كوپ الاڭى بوس تۇرعان سونشاما ۇلكەن عيماراتتى ۇستاپ تۇرۋ وڭايعا تۇسپەيدى. جىلۋدى ءوشىرىپ, تەك جۇمىس ىستەيتىن تسەحتاردا ەلەكتر پەشىن قوسىپ, قىستىڭ كوزى قىراۋدا قيىندىقتان شىعۋعا تىرىسادى. وت جاعىلماعان سوڭ, قابىرعالارى كوگەرىپ, جازدى كۇنى ءىشى بازدانىپ كەتەتىن. ءارى جيىرما جىلدان بەرى ەسكىرگەن قۇرال-جابدىقتارمەن ساپالى كيىم تىگۋگە تىرىسادى. سونداي قيىن جاعدايعا قاراماستان جىلىنا 150-200-دەي مودەل شىعارىپ, «تۇسكيىزدىڭ» سول باياعى باقۋاتتى «تۇسكيىز» ەكەنىن حالىققا تانىتادى. وسىلايشا, ساۋلە سلامقىزى, ەڭ باستىسى, ۇلتتىق ونەرگە دەگەن سۇيىسپەنشىلىگىمەن, وعان قوسا تاباندىلىعىمەن, ىسكەرلىگىمەن, جانكەشتىلىگىمەن «تۇسكيىزدى» قيىن كەزەڭدە 11 جىل باسقارىپ, ءوندىرىستى ساقتاپ قالادى. ول ەڭبەكتەرى ەلەنبەي قالعان جوق. «قۇرمەت» گراموتالارىمەن, پرەزيدەنتتىڭ العىس حاتىمەن ماراپاتتالدى.
راس, ول ۋاقىتتاردا دا, ودان كەيىنگى جىلداردا دا ۇلتتىق كيىمگە دەگەن كوزقاراس بىرجاقتى بولدى. «شاپانيزاتسيا», «وبوروتقا تۇسپەگەن شاپان» دەپ ءوزىمىزدى ءوزىمىز كەلەكە ەتۋگە دەيىن باردىق. سول كەزدە عوي, كورنەكتى جازۋشى اعامىز مارحابات بايعۇتوۆ «جاھاندانۋ مەن شاپاندانۋ» دەگەن ماقالاسىندا ءوز شاپانىمىزدى مازاق ەتپەيىك دەپ, قاتتىراق جونگە شاقىرىپ تا, شىمبايعا باتىرىپ تا ايتتى.
– ەگەمەندىگىمىزدى الىپ, ەركىندىك بەرىلگەننەن كەيىن ءداستۇرىمىزدى جاڭعىرتۋدى حالىق ناۋرىز ءوتكىزۋدەن, ۇلتتىق كيىم كيۋدەن باستادى, – دەپ ەسكە الادى سول كۇندەردى ساۋلە سلامقىزى. – ول ءبىر مەرەكە, توي بولدى. قولىمىز جەتتى مە, جەتپەدى مە دەپ, ۇستىمىزگە شاپان, كامزول كيگەنىمىزگە قۋاندىق. تەكەمەتكە سالاتىن ويۋ-ورنەك شاپاندا دا, كامزولدا دا, اياق كيىمگە سالعان ويۋ باس كيىمدە دە ءجۇردى. قازىر الەۋمەتتىك جاعدايىمىز جاقساردى. بىرتە-بىرتە حالىقتىڭ ۇلتتىق ونەرگە دەگەن سانا-سەزىمى, تۇسىنىگى, كوزقاراسى وزگەرىپ, ساپالى كيىمدى ىزدەي باستادى. كيسە جاقسىسىن كيگىسى كەلدى. ويتكەنى, حالىق ساپاسىز كيىمنەن شارشادى. ال, نارىقتىق زاماندا مۇنى بيزنەسكە اينالدىرىپ, ساپانى ءتۇسىرىپ الدىق تا, جونگە سالۋىمىز قيىنعا ءتۇستى. قاسيەتىڭنەن اينالايىن قازاقتىڭ قارا شاپانى تالاي كاسىپكەردىڭ باعىن اشىپ, تابىس كوزىنە اينالدى. قۇددى جاڭبىردان كەيىنگى ساڭىراۋقۇلاقتاي قاپتاپ كەتتى. بۇرىن قازاقتىڭ قادىرلىسىنە كيگىزەتىن, كيسە قادىرى ارتاتىن ۇلتتىق كيىمىمىز قالاي بولسا سولاي تىگىلەتىن بولدى. مەنى «شاپانيزاتسيا» دەگەن قىجىرتپا ءسوز ەمەس, سول شاپانداردى تىگۋدەگى سالعىرتتىق, جاۋاپسىزدىق كوپ ويلاندىردى.
...ءيا, ساۋلە سلامقىزى حالىقتىڭ بويىندا «ە, ءبارىبىر كيمەيدى, جاپقاندا جىلتىراپ تۇرسا بولدى» دەگەن سىڭىرجاق پىكىر قالىپتاسىپ قالعانىن اشىنا ايتادى. ول تەك تازا ساپالى ءارى قىمبات شيكىزاتپەن جۇمىس ىستەۋدى ماقسات تۇتادى.
– بۇگىندە ساۋلە سلامقىزى «تۇسكيىزدەن» ءوز الدىنا جەكە وتاۋ تىگىپ, ءبولىنىپ شىققان «بي-انا» فيرماسىنا جەتەكشىلىك جاسايدى. وزدەرىنىڭ دۇكەندەرى بار. ەگەر بارا قالساڭىز, قۇددى قازاقتىڭ ۇلتتىق كيىمدەرىنىڭ گالارەياسى دەرسىز. قاسقىر ىشىكتەن باستاپ, نەشە الۋان ەرلەر مەن ايەلدەرگە ارنالعان ۇلتتىق كيىمدەر كوزدىڭ جاۋىن الادى. ونى تىلمەن ايتىپ جەتكىزۋ مۇمكىن ەمەس, تەك كوزبەن كورۋ كەرەك. ءبىر عانا مىسال. قۇرمانعازى اتىنداعى اكادەميالىق ۇلت-اسپاپتار وركەسترى ۇجىمىنىڭ ساحنالىق كيىمى, قمدب-نىڭ تاپسىرىسىمەن يمامدارىمىز كيىپ جۇرگەن شاپاندار وسى كىسىنىڭ قولىنان شىققان. مۇندا جالپى ىسمەرلىك ونەرىنە قاتىستى ۇلتتىق ءۇردىستىڭ ءبارى قامتىلعان. ويتكەنى, قازاقتىڭ كادە, ىرىمعا تولى ءداستۇرلەرى وتە كوپ: كەلىن ءتۇسىرۋ, قىز ۇزاتۋ, شىلدەحانا, تۇساۋكەسەر, قورجىن,ت.ب. دەگەندەي سوعان قاجەتتى نارسەنىڭ ءبارى بار.
– «بي-انانىڭ» دا باستى ماقساتى – ساپا. ماسەلەن, ورتالىق مۇراجايدان ورنەگى دە, ءوڭى دە ساقتالىپ, بۇگىنگى كۇنگە جەتكەن تاريحي كيىمدەردى كورەسىز. ويتكەنى, ولاردا ساپا بولعان. ياعني, ساپالى زات ەشقاشان ەسكىرمەيدى, توزبايدى, ءوز قۇنىن جوعالتپايدى. ال, بۇگىنگىدەي كومپيۋتەردىڭ, عىلىمنىڭ, ءوندىرىستىڭ وزا دامىعان, الىس-بەرىس, قارىم-قاتىناستىڭ كۇننەن كۇنگە ارتىپ وتىرعان زامانىندا بىزدەر ودان دا ساپالى بۇيىم شىعارۋىمىز كەرەك ەمەس پە؟! بۇرىنعىداي شيكىزات قات ەمەس, ماتانىڭ قاي ءتۇرى كەرەك: قىمباتى, ارزانى, تەك ساپالىسىن تاڭداڭىز. سوندىقتان, نارىقتىڭ زاڭىنا سايكەس باسەكەگە ءتۇسىپ, بۇگىندە ءبارىمىز ساپالى ءارى تاريحي دۇنيە جاساپ ءجۇرمىز دەپ ايتا المايمىز. بۇل پىكىرىم قىزعانىشتان ەمەس, ۇلتتىق ونەرگە دەگەن جاناشىرلىقتان دەپ ءبىلىڭىز, – دەيدى اقىلىنا پاراساتى ساي, ۇستامى بەرىك, بەكزات بولمىستى ساۋلە اپايىمىز.
...ءيا, بار ءومىرىن قازاقتىڭ ونەرىنە ارناپ, بار ىنتا-جىگەرىمەن, كۇش-قۋاتىمەن ۇلتقا, حالىققا قىزمەت جاساپ, سودان ءلاززات الاتىن ساۋلە سلامقىزى, مىنە, وسىنداي جان.
گۇلزەينەپ سادىرقىزى,
«ەگەمەن قازاقستان».
باياعىدا ءبىر كەدەيدىڭ قىزى شەشەسىنەن كورشى اۋىلدا وتەتىن ناۋرىز تويىنا بارۋعا رۇقسات سۇراسا: «بايعۇس-اۋ, مەندە نە تۇر دەيسىڭ, «بارعىزباسىڭ بارعىزباس» دەسە كەرەك. قىز ءسوزدىڭ استارىنا تۇسىنبەي دال بولادى. ەرتەسىنە اۋىل سىرتىنا شىقسا ءبىرى قۇندىز, ءبىرى وقالى كامشات بورىك, ءبىرى بۇرمەلى قوسەتەك كويلەككە زەر جۇگىرتىپ كەستەلەگەن قىناما بەل ماقپال كامزول كيىپ, اياقتارىنا بەس تاقالى بىلعارى ەتىك, شاشباۋ, شولپىلارى سىڭعىرلاپ, قۇلاقتارىنا ايسىرعا, ۇزبەلى, ساباقتى سىرعا, ساۋساقتارىنا قۇستۇمسىق, نەشە ءتۇرلى كوزدىڭ جاۋىن الاتىن اسىل تاستى ساقينالار تاعىپ, جورعا ءمىنىپ, تورقاعا مالىنىپ شىعا كەلگەن باي ءۇيىنىڭ قىزدارىن كورگەندە الگى قىز قاتتى قورىنىپ, وتىرا كەتىپتى...
سول ايتپاقشى, ەلىمىز ءتاۋەلسىزدىگىن الىپ, وڭ-سولىمىزدى باعامداپ, جوعالتقانىمىزدى تۇگەندەۋگە كىرىسكەن العاشقى جىلدارى ساعىنىشپەن ورالعان ناۋرىز سالتاناتىنا ءبىرازىمىزدىڭ «بارعىزباسىمىزدىڭ بارعىزباعانى» حاق. ويتكەنى, ەل ەكونوميكاسى تىعىرىققا تىرەلدى. ول كەزدە قازاقستاندا جالعىز ۇلتتىق كيىمدەر مەن بۇيىمدار ءوندىرىپ كەلگەن «تۇسكيىز» فابريكاسى شاتقاياقتاپ, تاعدىرى قىل ءۇستىندە تۇردى. ءمىنە, سونداي قيىن ۋاقىتتا ۇلكەن ءوندىرىس ورنىنا باسشىلىق جاساۋدى ساۋلە سلامقىزىنا تاپسىرۋى كەزدەيسوق ەمەس ەدى. بۇعان دەيىن قازاقستان تەاتر قوعامىنىڭ ءوندىرىس كومبيناتىندا ۇزاق جىلدار قىزمەت جاساپ, رەسپۋبليكانىڭ تۇكپىر-تۇكپىرىندەگى اۋىل, قالا, وبلىستارداعى ونەر ادامدارىنا, ساحنا اكتەرلەرىنە ۇلتتىق كيىم تىككەن شەبەرگە, سوندا ءجۇرىپ ۇلتتىعىمىزدى مەرەيلەندىرۋدىڭ بىردەن ءبىر جولى – ۇلتتىق كيىمدەرىمىزدى ساقتاپ, قالىپتاستىرۋدا ءجانە ونى كەڭىنەن ناسيحاتتاۋدا ولشەۋسىز ۇلەس قوسقان وزبەكالى جانىبەكوۆتىڭ شاكىرتى بولعان جاڭا باسشىعا وسىنداي ءولارا شاقتا تىزگىندى الۋ وڭايعا تۇسپەدى. ويتكەنى, ول فابريكاعا كەلگەن كەزدە شيكىزات ءبىتىپ, موينىنداعى قارىزىن وتەي الماي, ءوندىرىس توقتاپ تۇردى. قايتكەندە دە ءوندىرىستى ىسكە قوسىپ, جۇمىسشىلاردى جۇمىسپەن قامتىپ, ءارى سان ساققا كەتكەن كيىم ۇلگىلەرىن قالىپقا كەلتىرۋدى, بۇرىن كيىمنىڭ ءۇش-ءتورت ءتۇرىن عانا شىعارسا, ەندى ۇلتتىق تىگىن ونەرىنە قاتىستى بارلىق بۇيىمداردى شىعارۋدى جولعا قويماق. مۇنىڭ ءبارى «تۇسكيىزدىڭ» جۇمىسشىلارى ءۇشىن جاڭا نارسە بولعاندىقتان, ءاربىر جاڭا تاپسىرىستىڭ قاسىندا باسشىنىڭ ءوزى ءجۇرىپ, تەتىگىن ويلاپ, جوباسىن كورسەتىپ, ۇيرەتىپ, قاداعالاپ وتىرۋعا تۋرا كەلدى. باسقا قيىندىقتاردى ايتپاعاندا, سول جىلدارى 9 مىڭ شارشى مەتر عيماراتتا بار-جوعى 60-70 جۇمىسشى عانا قالدى. اشىلعاننان بەرى كۇردەلى ءجوندەۋ كورمەگەن, جارتىسىنان كوپ الاڭى بوس تۇرعان سونشاما ۇلكەن عيماراتتى ۇستاپ تۇرۋ وڭايعا تۇسپەيدى. جىلۋدى ءوشىرىپ, تەك جۇمىس ىستەيتىن تسەحتاردا ەلەكتر پەشىن قوسىپ, قىستىڭ كوزى قىراۋدا قيىندىقتان شىعۋعا تىرىسادى. وت جاعىلماعان سوڭ, قابىرعالارى كوگەرىپ, جازدى كۇنى ءىشى بازدانىپ كەتەتىن. ءارى جيىرما جىلدان بەرى ەسكىرگەن قۇرال-جابدىقتارمەن ساپالى كيىم تىگۋگە تىرىسادى. سونداي قيىن جاعدايعا قاراماستان جىلىنا 150-200-دەي مودەل شىعارىپ, «تۇسكيىزدىڭ» سول باياعى باقۋاتتى «تۇسكيىز» ەكەنىن حالىققا تانىتادى. وسىلايشا, ساۋلە سلامقىزى, ەڭ باستىسى, ۇلتتىق ونەرگە دەگەن سۇيىسپەنشىلىگىمەن, وعان قوسا تاباندىلىعىمەن, ىسكەرلىگىمەن, جانكەشتىلىگىمەن «تۇسكيىزدى» قيىن كەزەڭدە 11 جىل باسقارىپ, ءوندىرىستى ساقتاپ قالادى. ول ەڭبەكتەرى ەلەنبەي قالعان جوق. «قۇرمەت» گراموتالارىمەن, پرەزيدەنتتىڭ العىس حاتىمەن ماراپاتتالدى.
راس, ول ۋاقىتتاردا دا, ودان كەيىنگى جىلداردا دا ۇلتتىق كيىمگە دەگەن كوزقاراس بىرجاقتى بولدى. «شاپانيزاتسيا», «وبوروتقا تۇسپەگەن شاپان» دەپ ءوزىمىزدى ءوزىمىز كەلەكە ەتۋگە دەيىن باردىق. سول كەزدە عوي, كورنەكتى جازۋشى اعامىز مارحابات بايعۇتوۆ «جاھاندانۋ مەن شاپاندانۋ» دەگەن ماقالاسىندا ءوز شاپانىمىزدى مازاق ەتپەيىك دەپ, قاتتىراق جونگە شاقىرىپ تا, شىمبايعا باتىرىپ تا ايتتى.
– ەگەمەندىگىمىزدى الىپ, ەركىندىك بەرىلگەننەن كەيىن ءداستۇرىمىزدى جاڭعىرتۋدى حالىق ناۋرىز ءوتكىزۋدەن, ۇلتتىق كيىم كيۋدەن باستادى, – دەپ ەسكە الادى سول كۇندەردى ساۋلە سلامقىزى. – ول ءبىر مەرەكە, توي بولدى. قولىمىز جەتتى مە, جەتپەدى مە دەپ, ۇستىمىزگە شاپان, كامزول كيگەنىمىزگە قۋاندىق. تەكەمەتكە سالاتىن ويۋ-ورنەك شاپاندا دا, كامزولدا دا, اياق كيىمگە سالعان ويۋ باس كيىمدە دە ءجۇردى. قازىر الەۋمەتتىك جاعدايىمىز جاقساردى. بىرتە-بىرتە حالىقتىڭ ۇلتتىق ونەرگە دەگەن سانا-سەزىمى, تۇسىنىگى, كوزقاراسى وزگەرىپ, ساپالى كيىمدى ىزدەي باستادى. كيسە جاقسىسىن كيگىسى كەلدى. ويتكەنى, حالىق ساپاسىز كيىمنەن شارشادى. ال, نارىقتىق زاماندا مۇنى بيزنەسكە اينالدىرىپ, ساپانى ءتۇسىرىپ الدىق تا, جونگە سالۋىمىز قيىنعا ءتۇستى. قاسيەتىڭنەن اينالايىن قازاقتىڭ قارا شاپانى تالاي كاسىپكەردىڭ باعىن اشىپ, تابىس كوزىنە اينالدى. قۇددى جاڭبىردان كەيىنگى ساڭىراۋقۇلاقتاي قاپتاپ كەتتى. بۇرىن قازاقتىڭ قادىرلىسىنە كيگىزەتىن, كيسە قادىرى ارتاتىن ۇلتتىق كيىمىمىز قالاي بولسا سولاي تىگىلەتىن بولدى. مەنى «شاپانيزاتسيا» دەگەن قىجىرتپا ءسوز ەمەس, سول شاپانداردى تىگۋدەگى سالعىرتتىق, جاۋاپسىزدىق كوپ ويلاندىردى.
...ءيا, ساۋلە سلامقىزى حالىقتىڭ بويىندا «ە, ءبارىبىر كيمەيدى, جاپقاندا جىلتىراپ تۇرسا بولدى» دەگەن سىڭىرجاق پىكىر قالىپتاسىپ قالعانىن اشىنا ايتادى. ول تەك تازا ساپالى ءارى قىمبات شيكىزاتپەن جۇمىس ىستەۋدى ماقسات تۇتادى.
– بۇگىندە ساۋلە سلامقىزى «تۇسكيىزدەن» ءوز الدىنا جەكە وتاۋ تىگىپ, ءبولىنىپ شىققان «بي-انا» فيرماسىنا جەتەكشىلىك جاسايدى. وزدەرىنىڭ دۇكەندەرى بار. ەگەر بارا قالساڭىز, قۇددى قازاقتىڭ ۇلتتىق كيىمدەرىنىڭ گالارەياسى دەرسىز. قاسقىر ىشىكتەن باستاپ, نەشە الۋان ەرلەر مەن ايەلدەرگە ارنالعان ۇلتتىق كيىمدەر كوزدىڭ جاۋىن الادى. ونى تىلمەن ايتىپ جەتكىزۋ مۇمكىن ەمەس, تەك كوزبەن كورۋ كەرەك. ءبىر عانا مىسال. قۇرمانعازى اتىنداعى اكادەميالىق ۇلت-اسپاپتار وركەسترى ۇجىمىنىڭ ساحنالىق كيىمى, قمدب-نىڭ تاپسىرىسىمەن يمامدارىمىز كيىپ جۇرگەن شاپاندار وسى كىسىنىڭ قولىنان شىققان. مۇندا جالپى ىسمەرلىك ونەرىنە قاتىستى ۇلتتىق ءۇردىستىڭ ءبارى قامتىلعان. ويتكەنى, قازاقتىڭ كادە, ىرىمعا تولى ءداستۇرلەرى وتە كوپ: كەلىن ءتۇسىرۋ, قىز ۇزاتۋ, شىلدەحانا, تۇساۋكەسەر, قورجىن,ت.ب. دەگەندەي سوعان قاجەتتى نارسەنىڭ ءبارى بار.
– «بي-انانىڭ» دا باستى ماقساتى – ساپا. ماسەلەن, ورتالىق مۇراجايدان ورنەگى دە, ءوڭى دە ساقتالىپ, بۇگىنگى كۇنگە جەتكەن تاريحي كيىمدەردى كورەسىز. ويتكەنى, ولاردا ساپا بولعان. ياعني, ساپالى زات ەشقاشان ەسكىرمەيدى, توزبايدى, ءوز قۇنىن جوعالتپايدى. ال, بۇگىنگىدەي كومپيۋتەردىڭ, عىلىمنىڭ, ءوندىرىستىڭ وزا دامىعان, الىس-بەرىس, قارىم-قاتىناستىڭ كۇننەن كۇنگە ارتىپ وتىرعان زامانىندا بىزدەر ودان دا ساپالى بۇيىم شىعارۋىمىز كەرەك ەمەس پە؟! بۇرىنعىداي شيكىزات قات ەمەس, ماتانىڭ قاي ءتۇرى كەرەك: قىمباتى, ارزانى, تەك ساپالىسىن تاڭداڭىز. سوندىقتان, نارىقتىڭ زاڭىنا سايكەس باسەكەگە ءتۇسىپ, بۇگىندە ءبارىمىز ساپالى ءارى تاريحي دۇنيە جاساپ ءجۇرمىز دەپ ايتا المايمىز. بۇل پىكىرىم قىزعانىشتان ەمەس, ۇلتتىق ونەرگە دەگەن جاناشىرلىقتان دەپ ءبىلىڭىز, – دەيدى اقىلىنا پاراساتى ساي, ۇستامى بەرىك, بەكزات بولمىستى ساۋلە اپايىمىز.
...ءيا, بار ءومىرىن قازاقتىڭ ونەرىنە ارناپ, بار ىنتا-جىگەرىمەن, كۇش-قۋاتىمەن ۇلتقا, حالىققا قىزمەت جاساپ, سودان ءلاززات الاتىن ساۋلە سلامقىزى, مىنە, وسىنداي جان.
گۇلزەينەپ سادىرقىزى,
«ەگەمەن قازاقستان».
سوڭعى جاڭالىقتار
ليونەل مەسسي يسپانياداعى فۋتبول كلۋبىن ساتىپ الدى
فۋتبول • كەشە
8 ميلليون تەڭگەگە قانداي جاڭا كولىكتەر الۋعا بولادى؟
قوعام • كەشە
قىتايدان اكەلىنگەن كولىكتەردى جۇرگىزۋ شارتتارى قانداي؟
لوگيستيكا • كەشە
باۋىرجان ءالي قارسىلاسىن 57 سەكۋندتا قۇلاتتى
بوكس • كەشە
قازاقستاندا يپوتەكانى وتەۋدىڭ جاڭا ەرەجەلەرى كۇشىنە ەندى
يپوتەكا • كەشە
الماتىدا سۋ ۇستىندەگى باق پەن EXPO ورتالىعى سالىنادى
الماتى • كەشە
اسكەرگە شاقىرتۋ العان كەزدە نە ىستەۋ كەرەك؟
اسكەر • كەشە
تەگىن 10 سوتىق جەردى قالاي الۋعا بولادى؟
قوعام • كەشە
