قازاقستان حالقى اسسامبلەياسىنان 9 دەپۋتات سايلاندى

استانا. 21 ناۋرىز. «قازاقستان رەسپۋبليكاسىنىڭ سايلاۋ تۋرالى» كونستيتۋتسيالىق زاڭىنىڭ 93-1-بابىنا سايكەس, اسسامبلەيا مۇشەلەرى قازاقستان حالقى اسسامبلەياسى (قحا) سايلايتىن پارلامەنت ءماجىلىسىنىڭ دەپۋتاتتىعىنا قحا كەڭەسى ۇسىنعان كانديداتتار ءۇشىن داۋىس بەرۋ اياقتالدى. بۇل تۋرالى inform.kz-كە سىلتەمە جاساعان egemen.kz ءتىلشىسى حابارلادى. «سايلاۋشىلاردىڭ جالپى سانى – 446 ادام. سايلاۋ بيۋللەتەندەرىن العان سايلاۋشىلاردىڭ سانى – 372. داۋىس بەرۋگە 372 سايلاۋشى قاتىستى. ۇمىتكەرلەرگە بەرىلگەن داۋىستاردىڭ سانى مىناداي: ابدراxمانوۆ ساۋىتبەك ابدراxمان ۇلى – 345, بوجكو ۆلاديمير كارپوۆيچ – 349, جۇمادىلداەۆا ناتاليا ۆاسيلەۆنا – 343, كيم رومان ۋحەنوۆيچ – 346, ميكاەليان نارينە گاملەتوۆنا – 336, مۋرادوۆ احمەد سەيداراحمانوۆيچ - 339, نۋرۋموۆ شايماردان ۋساينوۆيچ – 337, تيموششەنكو يۋري ەۆگەنەۆيچ – 341, حاحازوۆ شاكير حۋساينوۆيچ – 342», – دەلىنگەن استانا قالالىق سايلاۋ كوميسسياسىنىڭ xاتتاماسىندا. «قازاقستان رەسپۋبليكاسىنىڭ سايلاۋ تۋرالى» كونستيتۋتسيالىق زاڭىنىڭ 94-1-بابىنا سايكەس, قحا سايلايتىن پارلامەنت ءماجىلىسىنىڭ دەپۋتاتتارىن سايلاۋ ناتيجەلەرى ورتالىق سايلاۋ كوميسسياسىنا جولدانادى. پارلامەنت ءماجىلىسىنىڭ دەپۋتاتتىعىنا سايلانعان ۇمىتكەرلەردىڭ ءتىزىمىن ورتالىق سايلاۋ كوميسسياسى 27 ناۋرىزعا دەيىن جاريالاۋى ءتيىس. «الدىن الا ناتيجەلەر جاريالاندى. نەگىزگى قورىتىندىسىن ورتالىق سايلاۋ كوميسسياسى شىعارادى. بۇگىن ەلباسى نۇرسۇلتان نازارباەۆ استانادا قحا سايلايتىن پارلامەنت ءماجىلىسى دەپۋتاتتارىنىڭ كەزەكتەن تىس سايلاۋىندا داۋىس بەردى», – دەدى قازاقستان xالقى اسسامبلەياسى توراعاسىنىڭ ورىنباسارى ەرالى توعجانوۆ. پارلامەنت ماجىلىسىندە 107 دەپۋتات بار, ونىڭ 98-ءى پارتيالىق ءتىزىم بويىنشا, 9-ى قازاقستان حالقى اسسامبلەياسى اتىنان سايلانادى. ايتا كەتەيىك, 2 ناۋرىز كۇنى قحا اتىنان 9 ۇمىتكەر: ابدراحمانوۆ ساۋىتبەك ابدراحمان ۇلى, بوجكو ۆلاديمير كارپوۆيچ, جۇمادىلداەۆا ناتاليا ۆاسيلەۆنا, كيم رومان ۋحەنوۆيچ, ميكاەليان نارينە گاملەتوۆنا, مۋرادوۆ احمەد سەيداراحمانوۆيچ, نۋرۋموۆ شايماردان ۋساينوۆيچ, تيموششەنكو يۋري ەۆگەنەۆيچ, حاحازوۆ شاكير حۋساينوۆيچ تىركەلگەن بولاتىن. ايان ءابدۋالي. دەرەك, سۋرەت: inform.kz.