«قازاقستان جانە نازارباەۆ: وزگەرىس لوگيكاسى» كىتابى گرۋزين تىلىندە شىقتى

استانا. 21 ناۋرىز. «قازاقستان جانە نازارباەۆ: وزگەرىس لوگيكاسى» اتتى كىتاپ گرۋزين تىلىندە جارىق كوردى. بۇل تۋرالى 24.kz-كە سىلتەمە جاساعان egemen.kz ءتىلشىسى حابارلادى. گرۋزيانىڭ بەلگىلى تاريحشىلارىن, ساياساتتانۋشىلارىن, ەكونوميستەرى مەن الەۋمەتتانۋشىلارىن قازىرگى قازاقستاننىڭ وزگەرىس لوگيكاسى تۋرالى كىتاپ قىزىقتىرادى. ەرمۇحامەت ەرتىسباەۆتىڭ بۇل ەڭبەگىندە ەلىمىزدىڭ الەۋمەتتىك-ەكونوميكالىق احۋالىنداعى ناقتى مالىمەتتەر جازىلعان. ول بۇل كىتابىندا اسىرەسە, ەلباسىنىڭ باتىل باستامالارىن نەگىزگە العان. «گرۋزين تىلىنە اۋدارىلعان بۇل كىتاپ جەرگىلىكتى جاستاردىڭ قازاقستان تۋرالى دۇنيەتانىمىن كەڭەيتۋگە ارنالدى. وسىعان بايلانىستى ولار ەلباسىنىڭ باتىل باستامالارى تۋرالى كوپ مالىمەت الادى. كىتاپتىڭ شىعۋىنا نەگىزىنەن وسى ويىم تۇرتكى بولدى», – دەيدى گرۋزياداعى قازاقستان رەسپۋبليكاسىنىڭ توتەنشە جانە وكىلەت ەلشىسى ەرمۇحامەت ەرتىسباەۆ. تۇڭعىش پرەزيدەنتىمىزدىڭ ساياسي شەشىمدەر قابىلداعانى تۋرالى كىتاپتا جازىلعان ءارى الەم عالىمدارىن قىزىقتىرعان قازىرگى قازاقستاننىڭ قالىپتاسۋى تۋرالى دەرەكتەر بار. بۇل كىتاپ از ۋاقىتتىڭ ىشىندە بەستسەللەر مارتەبەسىنە لايىق دەپ تانىلدى. ورىس تىلىندەگى تيراجى 100 مىڭ داناعا جەتىپ, رەسەي مەن گەرمانياعا ساتىلدى. ايان ءابدۋالي. دەرەك, سۋرەت: 24.kz.