قازاقتىڭ باتىر ۇلى – ماعجان ەلىندە

قاسيەتتى قىزىلجار جەرىنە العاش رەت تابان تىرەگەن قازاقتىڭ باتىر ۇلى ايدىن ايىمبەتوۆكە وبلىس جۇرتشىلىعى ۇلكەن ءىلتيپات كورسەتىپ, گۇل شوقتارىمەن قارسى الدى. ەسىمى تاريحىمىزعا التىن ارىپتەرمەن جازىلعان عارىشكەر-ۇشقىشتىڭ العاشقى ساپارى عارىشكەر جەرلەسىمىز ۆلاديمير شاتالوۆتىڭ ەسكەرتكىشىنە گۇل شوقتارىن قويۋدان باستالىپ, ودان كەيىن «جاس ۇلان» بالالار-جاسوسپىرىمدەر ۇيىمىنىڭ مۇشە­لەرىمەن كەزدەستى. حالىق قاھارمانى «زەن­چەنكو جانە ك» كومانديتتىك سەرىك­تەستىگىندە بولىپ, وتاندىق ونىمدەردىڭ ساپالىق قۇرامىنا نازار اۋداردى. ۇجىممەن كەزدەسۋدە وزىق تەحنولوگيالاردى قولدانۋ ارقىلى كۇنىنە 40 توننا تابيعي ءسۇتتى قالدىقسىز وڭدەيتىن كاسىپورىننىڭ جۇمىسىن جوعارى باعالاپ, تابىس تىلەدى. جينالعاندارعا عارىش جايلى قىزىقتى اڭگىمەلەر شەرتىپ, قازاقتىڭ جەڭسىك تاماعى – قۇرت الا بارعانىن ايتۋدى دا ۇمىتپادى. وبلىستىق قازاقستان حالقى اسسامبلەياسى ۇيىندە ەتنومادەني بىرلەستىكتەر وكىلدەرىمەن وتكەن باسقوسۋدا «ماڭگىلىك ەل» يدەياسى, حالىقتار اراسىنداعى دوس­تىق, جاس­تار تاربيەسى, تاۋەل­سىزدىگىمىزدىڭ 25 جىلدىعىنا وراي اتقارىلىپ جاتقان پاتريوتتىق شارالار مەن باستامالار نەگىزگى تاقى­رىپ ارقاۋىنا اينالدى. قا­زاق­ستان رەسپۋبليكاسى ءاس­كە­ري-اۋە قىزمەتىنىڭ پولكوۆ­نيگى ايدىن اقان ۇلى سولتۇستىك­قازاقستاندىقتاردى ۇلىستىڭ ۇلى كۇنى – ءاز ناۋرىز مەرە­كەسىمەن قۇتتىقتاپ, بەيبىت ءومىر, تاتۋ-ءتات­تى بىرلىك تىلەدى. عارىشتا بول­عان ونكۇندىك ساپارىنا قاتىستى قويىلعان ساۋالدارعا جاۋاپ قايتارىپ, عارىش سالاسىن دا­مىتۋعا مەملەكەت تاراپىنان ۇدايى كوڭىل ءبولىنىپ كەلە جات­قانىن جەتكىزدى. اگرارشىلارمەن, سپورتشىلارمەن, ستۋدەنت جاستارمەن وتكەن كەزدەسۋلەر دە تاعىلىمعا تولى بولدى. ءومىر ەسقالي, «ەگەمەن قازاقستان». سولتۇستىك قازاقستان وبلىسى.