قاراعاندىدا جالعان حابارلاما بەرگەن كۇدىكتى ۇستالدى

قاراعاندى. 14 ناۋرىز. قاراعاندى وبلىسىندا دايىندالىپ جاتقان تەرروريزم اكتiسi تۋرالى جالعان حابارلاما بەرگەن كۇدىكتى قولعا ءتۇستى. بۇل تۋرالى وبلىستىق ىشكى ىشتەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. كۇدىكتى اباي اۋداندىق ىشكى ىستەر بولىمىنە تەلەفون سوعىپ, الماتىعا كەتىپ بارا جاتقان ءبىر ەر ادامنىڭ سومكەسىندە جارىلعىش زات بار دەپ حابارلاعان. پوليتسيا قىزمەتكەرلەرى سەكەم تۋدىرعان جولاۋشىنى قاراعاندىنىڭ تەمىر جول ۆوكزالىندا ۇستادى. الايدا تەكسەرۋ بارىسىندا ەر ادامنىڭ سومكەسىنەن ەشقانداي دا جارىلعىش زات تابىلمادى. ەسەسىنە, ۆوكزال عيماراتىنان 245 ادام سىرتقا شىعارىلدى. سول كۇنى ءتارتىپ ساقشىلارى تەلەفون ارقىلى جالعان مالىمەت بەرگەن كۇدىكتىنى قولعا ءتۇسىردى. ول ءوزىنىڭ ماس كۇيىندەگى بۇل ارەكەتىنە ايەلىنە دەگەن قىزعانىشتىڭ تۇرتكى بولعانىن ايتىپ, اقتالعان. قازىرگى كەزدە كۇدىكتىنىڭ ۇستىنەن قىلمىستىق كودەكستىڭ 273-بابى بويىنشا («دايىندالىپ جاتقان تەرروريزم اكتiسi تۋرالى جالعان حابارلاما بەرۋ») قىلمىستىق ءىس قوزعالىپ, سوتقا دەيىنگى تەرگەۋ امالدارى جۇرگىزىلىپ جاتىر. قايرات ءابىلدينوۆ. دەرەك: قاراعاندى وبلىستىق ىشكى ىشتەر دەپارتامەنتىنىڭ ءباسپاسوز قىزمەتى. سۋرەت: news.bigmir.net.