اقتوبە. 14 ناۋرىز. اقتوبە قالاسىندا وبلىس اكىمىنىڭ كۋبوگى ءۇشىن وتكەن 2004 جىلى تۋعان بالالار اراسىنداعى حالىقارالىق فۋتبول ءتۋرنيرى مارەسىنە جەتتى. بۇل تۋرالى egemen.kz ءتىلشىسى حابارلادى.
جارىستا وزبەكستاننان كەلگەن «پاحتاكور» كومانداسى ءبىرىنشى ورىندى جەڭىپ الىپ, كۋبوكتى يەمدەندى. فينالدا وزبەكستاننىڭ بالعىن فۋتبولشىلارىنان 0:3 ەسەبىمەن ۇتىلعان شىمكەنتتىڭ «بيىك» كومانداسى ەكىنشى ورىن الدى. ال ءۇشىنشى ورىن تاجىكستاننىڭ يستارافشان قالاسىنان كەلگەن «ۋمەد» كومانداسىنا بۇيىردى.
العاش رەت وتكىزىلگەن تۋرنيرگە 4 مەملەكەتتەن 12 كوماندا قاتىستى. اتاپ ايتقاندا, قازاقستاننىڭ اقتوبە, حرومتاۋ, اتىراۋ, ورال, قاراعاندى قالالارىنىڭ, سونداي-اق, رەسەيدىڭ نيجني نوۆگورود, ۋفا, ورىنبور قالالارىنىڭ جانە وزبەكستان مەن تاجىكستاننىڭ جاس فۋتبولشىلارى باق سىناستى.
حالىقارالىق ءتۋرنيردىڭ جەڭىمپازدارىن ماراپاتتاۋ سالتاناتىندا وبلىس اكىمىنىڭ ورىنباسارى, وبلىستىق فۋتبول فەدەراتسياسىنىڭ پرەزيدەنتى عالي ەسقاليەۆ بيىلدان باستاپ وبلىستا فۋتبولدى دامىتۋ جونىندەگى ءوڭىر باسشىسىنىڭ تاپسىرماسى بار ەكەنىن جەتكىزدى. سپورتتىڭ وسى ءتۇرىن جۇيەلەندىرۋ جۇمىستارىنىڭ اياسىندا جىل سايىن تۇراقتى تۇردە وبلىس اكىمىنىڭ كۋبوگى ءۇشىن حالىقارالىق تۋرنير وتكىزىلەتىنىن مالىمدەدى. العاشقى تۋرنيرگە قازاقستاننىڭ قالالارىنان بولەك كورشىلەس ءۇش مەملەكەتتىڭ فۋتبولشىلارى شاقىرىلعانىن, بالالاردىڭ جەڭىسكە دەگەن ۇمتىلىستارى مىقتى بولعانىن, الداعى ۋاقىتتا تۋرنيرگە قاتىساتىن مەملەكەتتەر مەن كوماندالاردىڭ كوبەيتىلەتىنىن اتاپ ءوتتى. تۋرنيرگە قاتىسقان جاس فۋتبولشىلاردىڭ ەشقايسىسى سىي-سياپاتسىز قالمادى. كۋبوك پەن مەدال يەگەرلەرىنەن وزگەلەرگە دە ەستەلىك سىيلىقتار تاپسىرىلدى.
«اقتوبەلىك» ارداگەرلەر فۋتبول كلۋبى قوعامدىق ۇيىمى حالىقارالىق ءتۋرنيردىڭ ەڭ ۇزدىكتەرىن انىقتاپ, باعالى سىيلىقتار ۇسىندى. بالعىن فۋتبولشىلار اراسىندا وتكەن حالىقارالىق جارىستا شىمكەنتتىك جاس فۋتبولشى شاحزود تۇرسىنقۇلوۆ «ءتۋرنيردىڭ ەڭ ۇزدىك قاقپاشىسى» اتاعىنا يە بولدى. «ەڭ ۇزدىك قورعاۋشى» بولىپ پاحتوكورلىق ۆازگەن پوگوسيان تانىلسا, اقتوبەلىك الىبەك وسپانوۆ «ەڭ ۇزدىك جارتىلاي قورعاۋشى» اتاندى. تاجىكستاندىق جاس اياقدوپشى مۋحاممەدۆاريس سايداليەۆ «ءتۋرنيردىڭ ەڭ ۇزدىك شابۋىلشىسى» بولدى.
ساتىبالدى ءساۋىرباي.
دەرەك, سۋرەت: egemen.kz.
