نەمىس سىراسىنان راكتى قوزدىراتىن گەربيتسيد تابىلدى

استانا. 27 اقپان. گەرمانياداعى ميۋنحەن قورشاعان ورتا ينستيتۋتىنىڭ ماماندارى نەمىس سىرالارى ماركالارىنداعى گەربيتسيدتى زەرتتەي كەلىپ, وندا گليفاسوت زاتىنىڭ نورمادان تىس كوپ ەكەنىن انىقتادى. بۇل تۋرالى ريا «نوۆوستي» دەرەگىنە سۇيەنگەن egemen.kz ءتىلشىسى حابارلادى. ماماندار اتالمىش زاتتىڭ بىرقاتار سىرالارداعى سۋدىڭ مولشەرىنەن 300 ەسە ارتىق بولىپ شىققانىنا كوز جەتكىزدى. زەرتتەۋ ماتەريالدارىندا سىرا ءۇشىن نورما قويىلمايتىنى, ونىڭ ءار 0,1 مكگ/ل سۋ ءۇشىن شەكتەۋلى كورسەتكىشى بولاتىنى اتاپ كورسەتىلگەن. جەلتوقسان جانە قاڭتار ايلارىندا جۇرگىزىلگەن زەرتتەۋ بارىسىندا ماماندار ادەتتەگى سۋپەريماركەتتەردەگى سىرالاردى الىپ قاراستىرعان. وسىلايشا نەمىس سىراسىنىڭ 14 ءتۇرى تەستىدەن وتكەن. سوندا گليفوسات مولشەرى Hasseroeder Pils سىراسىندا – 29,74 مكگ/ل, Jever Pils-تە – 23,04 مكگ/ل, Warsteiner Pils-تە – 20,73 مكگ/ل, Radeberger Pilsner-دە – 12,01 مكگ/ل ەكەنى انىقتالعان. ال قالعان ماركالاردا مولشەر بۇلاردان ەداۋىر از بولعان. ماماندار بۇكىلالەمدىك دەنساۋلىق ۇيىمىنىڭ مالىمەتى بويىنشا, گليفوساتتىڭ راك اۋرۋلارىن قوزدىراتىن جوعارى قابىلەتى بار. رۋسلان يگىلىك. دەرەك, فوتو: ريا «نوۆوستي».