كەلىسىم كوكجيەگى كەڭەيەدى

قازاقستان پرەزيدەنتى جانىن­داعى ورتالىق كوممۋنيكاتسيالار قىزمەتىندە «قازاقستاندىق مەم­لەكەت-جەكەمەنشىك ارىپتەستىگى ور­تا­­لىعى» اق باسقارما توراعاسى ازامات ويناروۆتىڭ جانە اتالعان ورتا­لىق­تىڭ باس­قارۋشى ديرەكتورى ايدوس كوبەتوۆتىڭ قاتىسۋىمەن بري­­فينگ ءوتتى. ولار اتالعان سالا­نىڭ دا­مۋى جانە قازىرگى جاي-كۇيى تۋرالى اڭگىمەلەپ بەردى. «قازاقستاندىق مەملەكەت-جەكەمەنشىك ارىپتەستىگى ورتالىعى» اق باسقارما توراعاسى ازامات ويناروۆ 2015 جىلدىڭ 11 قاراشاسىندا ەلباسىنىڭ «مەملەكەت-جەكەمەنشىك ارىپتەستىگى تۋرالى» قازاق­ستان رەسپۋبليكاسىنىڭ زاڭىنا قول قوي­عانىن, ال وسى جىلدىڭ 15 اقپانىندا نورماتيۆتىك اكتىلەر زاڭدىق تۇرعىدا ءوز كۇشىنە ەنگە­نىن, سونىڭ نەگىزىندە مەم­لە­كەت-جەكەمەنشىك سالاسىنىڭ قازاق­ستاندىق مودەلى ازىرلەنگەنىن جەت­كىزدى. «بىزدىكى ءبىر جاعىنان ارا­لاس مودەل دەسەك تە بولادى. سەبە­بى, ءبىز ەۋروپالىق مودەلدەن ءبو­لەك, وڭتۇستىك كورەيانىڭ مودە­لىن دە ەسكەرىپ, سارالادىق. قازىر بۇل باعىتتاعى كوپتەگەن جوبا ءجۇ­زەگە اسىرىلۋدا», دەدى ا.ويناروۆ. ونىڭ ايتۋىنشا, جاڭا زاڭنا­ما­نىڭ تەتىكتەرىن پايدالانۋ مەم­لە­كەت جانە بيزنەستىڭ ءوزارا ارەكەت­تەسۋىنىڭ جاڭا ۇلگىلەرىن ەنگىزۋگە مۇمكىندىك بەرەدى, وسىلايشا, ونىڭ ءاربىر وڭىردە, جالپى رەس­پۋبليكا كولەمىندە تۇراقتى الەۋمەتتىك-ەكونوميكالىق تۇرعىدا دامۋىن قامتا­ماسىز ەتە الادى. «ياعني, «مەملەكەت-جە­كە­­­مەنشىك ارىپتەستىگى تۋرالى» زاڭ­نىڭ نە­گىزگى ماقساتى – قولجەتىمدىلىك دەڭ­گەيىن جانە قوعام­دىق يگىلىك پەن قىزمەت­تەردىڭ ساپا­سىن ارتتىرۋ ءۇشىن رەسۋرستار­دى بىرىك­تىرۋ ارقىلى مەملەكەت پەن جەكە­مەن­شىك ارا­سىنداعى ۇزاق مەرزىمدى ىنتى­ماق­تاستىقتى قالىپتاستىرۋ جانە نىعايتۋ», دەدى باسقارما توراعاسى. ال «قازاقستاندىق مەملەكەت-جەكە­مەنشىك ارىپتەستىگى ورتالىعى» اق باس­قارۋشى ديرەكتورى ايدوس كوبەتوۆ جاڭا زاڭنىڭ قابىلدانۋىنا, وعان سايكەس جاڭا مۇمكىندىكتەردىڭ اشىلۋىنا بايلانىستى جەكە تاراپ مەملەكەت-جەكەمەنشىك ارىپتەستىگىن دامىتۋعا بايلانىستى ۇلكەن قىزۋعىشىلىق تانىتىپ وتىرعانىنا توقتالدى. «زاڭ قابىلدانعاننان بەرگى 3 ايدىڭ ىشىندە «قازاقستاندىق مەملەكەت-جەكەمەنشىك ارىپتەستىگى ورتالىعى» اق-تا 290-عا جۋىق كەزدەسۋ ءوتتى. ونىڭ 70 پايىزدان استامى جەكە تاراپتاردىڭ ۇسىنىسى جانە جەكە تاراپتارمەن تىكەلەي جۇرگىزىلگەن كەلىسسوزدەر نەگىزىندە جۇزەگە استى. ولار ءارتۇرلى جوبالار ۇسىنىپ وتىر. ماسەلەن, مەملەكەتتىك ورگاندار كوبىنە الەۋمەتتىك, ينفراقۇرىلىمدىق سالالارداعى جوبالاردى دامىتۋعا قىزى­عۋشىلىق تانىتاتىن بولسا, جەكە تاراپتار IT-تەحنولوگيالار سالاسىنا, ياعني اقپاراتتتاندىرۋ مەن اۆتوماتتاندىرۋعا, بۇدان بولەك, قورشاعان ورتانى قورعاۋعا, ەنەرگەتيكانى دامىتۋعا, ونىڭ ىشىندە, ەلەكتر ەنەرگياسىن ۇتىمدى پايدالانۋعا قاتىستى جوبالاردى كەڭىنەن قولعا الۋعا نيەت تانىتىپ وتىر, دەدى ا.كوبەتوۆ. بريفينگ بارىسىندا «قازاق­ستاندىق مەملەكەت-جەكەمەنشىك ارىپتەستىگى ورتا­لىعى» اق وكىل­دەرى قازىرگى تاڭدا قازاق­ستاندا 102 مەملەكەت-جەكەمەنشىك ءارىپ­تەستىگىنە قاتىستى ءارتۇرلى جوبالاردىڭ دايىندالىپ جاتقانىن, ولاردىڭ 8-ءى رەسپۋب­ليكالىق, ال 94-ءى جەرگىلىكتى دەڭگەي­لەردە ەكەنىن جەتكىزدى. ولاردىڭ پىكى­رىن­شە, مەملەكەت-جەكەمەنشىك ارىپتەستىگى تەتىك­تەرى داعدارىس كەزەڭى مەن مەملەكەتتىك سەكتوردا جۇرگىزىلەتىن قاتاڭ ۇنەمدەۋ شارالارى كەزىندە دە الەۋمەتتىك-ەكونوميكالىق سەكتوردى دامىتۋدى جالعاستىرۋعا مۇمكىندىك بەرەدى. ءلايلا ەدىلقىزى, «ەگەمەن قازاقستان».