كوكشەتاۋ. 25 اقپان. استانا قالاسىنىڭ ازىق-ت ۇلىك بەلدەۋىن قۇرۋ شەڭبەرىندە اقمولا وبلىسى ەلوردا نارىعىنا 108 مىڭ توننا ەت جانە ءسۇت ونىمدەرىن جەتكىزگەن. بۇل تۋرالى وبلىس اكىمىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
جالپى, وتكەن جىلى استانا قالاسىنا 11,3 مىڭ توننا ۇن, 217,5 ميلليون دانا جۇمىرتقا,82,7 مىڭ توننا كارتوپ, 20,9 مىڭ توننا ەت جانە ەت ونىمدەرى, 86,8 مىڭ توننا ءسۇت ونىمدەرىن, 19,1 مىڭ توننا كوكونىس جانە وزگە دە ونىمدەرى جەتكىزىلگەن.
ازىق-ت ۇلىك بەلدەۋى شەڭبەرىندە 2015 جىلى جالپى قۇنى 22,2 ميلليارد تەڭگەنى قۇرايتىن 14 جوبا جۇزەگە اسىرىلدى. وسىنىڭ ناتيجەسىندە 263,1 ميلليارد تەڭگەنىڭ اۋىل شارۋاشىلىعى ءونىم ءوندىرىلدى. وبلىستا ازىق-ت ۇلىك تاۋارلارىنىڭ باعاسىن تۇراقتاندىرۋ ءۇشىن 1058 مەموراندۋمعا قول قويىلعان.
وعان قوسا, اپتا سايىن اقمولالىق تاۋار وندىرۋشىلەر ءوڭىردىڭ ءار ايماقتارىندا 543 جارمەڭكە وتكىزىپ, 1,8 ميلليارد تەڭگەنىڭ ءونىمىن ساۋداعا شىعاردى.
بۇگىندە قۇس ەتى ءونىمىن ءوندىرۋ كولەمىن ۇلعايتۋ بويىنشا ناقتى قادامدار جاسالۋدا. وتكەن جىلى تسەلينوگراد اۋدانىنداعى برويلەرلىك قۇس فابريكاسىنىڭ قۋاتتىلىعى 20 مىڭ تونناعا ارتتى, ماكينسك قۇس فابريكاسى, استراحان اۋدانىنداعى «تەحنو قۇس» جاۋاپكەرشىلىگى شەكتەۋلى سەرىكتەس برويلەرلىك قۇس فابريكاسى سياقتى اۋقىمدى جوبالار بولاشاقتا وبلىس پەن استانا قالاسىنىڭ نارىعىن عانا ەمەس, شەت ەل نارىعىنا شىعۋعا مۇمكىندىك بەرەدى.
باقبەرگەن امالبەك.
دەرەك, سۋرەت: اقمولا وبلىسىنىڭ اكىمىنىڭ ءباسپاسوز قىزمەتى.
