قازاقستان رەسپۋبليكاسى پرەزيدەنتىنىڭ «قازاقستان رەسپۋبليكاسىنىڭ سوت جۇيەسi مەن سۋديالارىنىڭ مارتەبەسi تۋرالى» قازاقستان رەسپۋبليكاسىنىڭ كونستيتۋتسيالىق زاڭىندا كوزدەلگەن ەرەجەلەردi بەكiتۋ تۋرالى» 2001 جىلعى 26 ماۋسىمداعى № 643 جانە «قازاقستان رەسپۋبليكاسى جوعارعى سوتىنىڭ جانىنداعى سوتتاردىڭ قىزمەتىن قامتاماسىز ەتۋ دەپارتامەنتى (قازاقستان رەسپۋبليكاسى جوعارعى سوتىنىڭ اپپاراتى) تۋرالى ەرەجەنى بەكىتۋ تۋرالى» 2010 جىلعى 3 قاراشاداعى №1093 جارلىقتارىنا وزگەرىستەر مەن تولىقتىرۋلار ەنگىزۋ تۋرالى
قاۋلى ەتەمىن:
- قازاقستان رەسپۋبليكاسى پرەزيدەنتىنىڭ مىناداي جارلىقتارىنا وزگەرىستەر مەن تولىقتىرۋلار ەنگىزىلسىن:
1) «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» قازاقستان رەسپۋبليكاسىنىڭ كونستيتۋتسيالىق زاڭىندا كوزدەلگەن ەرەجەلەردى بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2001 جىلعى 26 ماۋسىمداعى № 643 جارلىعىنا:
جوعارىدا اتالعان جارلىقپەن بەكىتىلگەن سۋديالىققا كانديداتتىڭ تاعىلىمدامادان ءوتۋi تۋرالى ەرەجە وسى جارلىققا 1-قوسىمشاعا سايكەس جاڭا رەداكتسيادا جازىلسىن;
جوعارىدا اتالعان جارلىقپەن بەكىتىلگەن سوت ءجيۋريى تۋرالى ەرەجە وسى جارلىققا 2-قوسىمشاعا سايكەس جاڭا رەداكتسيادا جازىلسىن;
2) «قازاقستان رەسپۋبليكاسى جوعارعى سوتىنىڭ جانىنداعى سوتتاردىڭ قىزمەتىن قامتاماسىز ەتۋ دەپارتامەنتى (قازاقستان رەسپۋبليكاسى جوعارعى سوتىنىڭ اپپاراتى) تۋرالى ەرەجەنى بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2010 جىلعى 3 قاراشاداعى №1093 جارلىعىنا (قازاقستان رەسپۋبليكاسىنىڭ ءپۇاج-ى, 2010 ج., №60, 589-قۇجات):
جوعارىدا اتالعان جارلىقپەن بەكىتىلگەن قازاقستان رەسپۋبليكاسى جوعارعى سوتىنىڭ جانىنداعى سوتتاردىڭ قىزمەتىن قامتاماسىز ەتۋ دەپارتامەنتى (قازاقستان رەسپۋبليكاسى جوعارعى سوتىنىڭ اپپاراتى) تۋرالى ەرەجەدە:
15-تارماقتا:
مىناداي مازمۇنداعى 9-1) تارماقشامەن تولىقتىرىلسىن:
«9-1) سۋديالىققا كانديداتتاردىڭ تاعىلىمدامادان ءوتۋى ءۇشىن بوس ورىنداردى ءبولۋ جونىندەگى ۇسىنىستاردى قازاقستان رەسپۋبليكاسى جوعارعى سوتىنىڭ توراعاسىنا ەنگىزۋ;»;
مىناداي مازمۇنداعى 24-1) تارماقشامەن تولىقتىرىلسىن:
«24-1) سۋديالىققا كانديداتتاردىڭ اقىسى تولەنەتىن تاعىلىمدامادان ءوتۋىن ۇيىمداستىرۋعا مونيتورينگ جۇرگىزۋ;».
- وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى
ن.نازارباەۆ.
استانا, اقوردا, 2016 جىلعى 22 اقپان. № 201
––––––––––––––––––
قازاقستان رەسپۋبليكاسى پرەزيدەنتىنىڭ
2016 جىلعى 22 اقپانداعى № 201 جارلىعىنا
1-قوسىمشا
قازاقستان رەسپۋبليكاسى پرەزيدەنتىنىڭ
2001 جىلعى 26 ماۋسىمداعى № 643 جارلىعىمەن
بەكىتىلگەن
سۋديالىققا كانديداتتىڭ تاعىلىمدامادان
ءوتۋi تۋرالى ەرەجە
1. جالپى ەرەجەلەر
1. وسى ەرەجە «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» قازاقستان رەسپۋبليكاسىنىڭ 2000 جىلعى 25 جەلتوقسانداعى كونستيتۋتسيالىق زاڭىنا (بۇدان ءارى – كونستيتۋتسيالىق زاڭ) سايكەس سۋديالىققا كانديداتتىڭ تاعىلىمدامادان ءوتۋىنىڭ شارتتارى مەن ءتارتىبىن بەلگىلەيدى.
2. سۋديالىققا كانديداتتىڭ (بۇدان ءارى – تاعىلىمداماشى-كانديدات) تاعىلىمدامادان ءوتۋىنىڭ نەگىزگى مىندەتتەرى جەرگىلىكتى سوتتاردا جۇمىستىڭ ەرەكشەلىكتەرىن زەردەلەۋ, سۋديا لاۋازىمىنداعى جۇمىس ءۇشىن قاجەتتى پراكتيكالىق جانە ۇيىمداستىرۋشىلىق داعدىلاردى يگەرۋ بولىپ تابىلادى.
تاعىلىمدامادان ءوتۋ تاعىلىمداماشى-كانديداتتىڭ ىسكەرلىك, كاسىبي جانە ادامگەرشىلىك قاسيەتتەرىن زەردەلەۋ جانە ونىڭ سۋديا وكىلەتتىكتەرىن جۇزەگە اسىرۋ پەرسپەكتيۆاسىن ايقىنداۋ ماقساتىندا جۇزەگە اسىرىلادى.
تاعىلىمداماشى-كانديداتتىڭ تاعىلىمدامادان ءوتۋى نەگىزگى جۇمىس ورنىنان قول ۇزە وتىرىپ, تۇراقتى نەگىزدە جۇزەگە اسىرىلادى.
تاعىلىمدامادان ءوتۋ كەزەڭىندە تاعىلىمداماشى-كانديداتقا ەڭبەك زاڭناماسىندا بەلگىلەنگەن تارتىپتە جالاقىسى ساقتالمايتىن دەمالىس بەرىلەدى.
تاعىلىمدامادان ءوتۋ كەزەڭىندە تاعىلىمداماشى-كانديداتقا 1 جىلعا دەيىنگى ەڭبەك ءوتىلى بار اۋداندىق جانە وعان تەڭەستىرىلگەن سوت سۋدياسى لاۋازىمدىق ايلىقاقىسىنىڭ 70%-ى مولشەرىندە جالاقىنىڭ بەلگىلەنگەن سوماسى تولەنەدى.
3. كونستيتۋتسيالىق زاڭدا كوزدەلگەن تەرىس سەبەپتەر بويىنشا سۋديا لاۋازىمىنان بوساتىلعان ادامداردى قوسپاعاندا, بۇرىن كەمىندە بەس جىل تۇراقتى سۋديا بولىپ جۇمىس ىستەگەن جانە جۇمىستان بوساتىلعان كۇننەن باستاپ ءتورت جىلدىڭ ىشىندە قايتادان سۋديا لاۋازىمىنا ورنالاسۋعا نيەت بىلدىرگەن ادامداردىڭ تاعىلىمدامادان ءوتۋى تالاپ ەتىلمەيدى.
مامانداندىرىلعان ماگيستراتۋرادا وقۋدى اياقتاعان ادامداردىڭ وقۋدى اياقتاعان كۇننەن باستاپ ءتورت جىل ىشىندە تاعىلىمدامادان ءوتۋى تالاپ ەتىلمەيدى.
4. تاعىلىمدامادان ءوتۋدىڭ جالپى مەرزىمى ءبىر جىلدى قۇرايدى, ونىڭ ىشىندە ون ءبىر اي – اۋداندىق جانە وعان تەڭەستىرىلگەن سوتتا (بۇدان ءارى – اۋداندىق سوت), ءبىر اي – وبلىستىق جانە وعان تەڭەستىرىلگەن سوتتا (بۇدان ءارى – وبلىستىق سوت).
تاعىلىمداماشى-كانديدات ۇزاقتىعى ەكى ايدان ارتىق ەڭبەككە جارامسىز بولعان جاعدايدا, وبلىستىق سوتتىڭ توراعاسى تاعىلىمدامانى توقتاتادى.
وسى ەرەجەنىڭ 26-تارماعىنىڭ 5) تارماقشاسىندا كوزدەلگەن جاعدايلاردى قوسپاعاندا, تاعىلىمداماشى-كانديداتتىڭ ءوتىنىشى بويىنشا وبلىستىق سوتتىڭ توراعاسى بەلگىلەنگەن مەرزىمى وتكەنگە دەيىن تاعىلىمدامانى توقتاتادى.
كەيىننەن تاعىلىمداماشى-كانديدات جالپى نەگىزدەردە تاعىلىمدامادان وتۋگە جىبەرىلۋى مۇمكىن.
2. تاعىلىمداماشى-كانديداتقا قويىلاتىن تالاپتار
5. تاعىلىمدامادان وتۋگە:
1) جيىرما بەس جاسقا تولعان;
2) جوعارى زاڭ ءبىلىمى بار, مورالدىق-ادامگەرشىلىك قاسيەتتەرى جوعارى, ءمىنسىز ابىرويى جانە ادەتتە, كەمىندە بەس جىل سوت وتىرىسىنىڭ حاتشىسى, سوت كونسۋلتانتى (كومەكشىسى), پروكۋرور, ادۆوكات رەتىندە نە زاڭ ماماندىعى بويىنشا كەمىندە ون جىل جۇمىس ءوتىلى بار;
3) قولدانىلۋ مەرزىمى وتپەگەن بىلىكتىلىك ەمتيحانىن تاپسىرعان (ونىڭ ىشىندە شامامەن بولجاناتىن تاعىلىمداما اياقتالعانعا دەيىنگى مەرزىمى وتپەگەن);
4) مەديتسينالىق تەكسەرۋدەن وتكەن جانە سۋديانىڭ كاسىبي مىندەتتەرىن ورىنداۋعا كەدەرگى بولاتىن اۋرۋلاردىڭ جوقتىعى راستالعان قازاقستان رەسپۋبليكاسىنىڭ ازاماتى جىبەرىلەدى.
3. تاعىلىمدامادان ءوتۋدىڭ شارتتارى مەن ءتارتىبى
6. قازاقستان رەسپۋبليكاسى جوعارعى سوتىنىڭ توراعاسى جىل سايىن قازاقستان رەسپۋبليكاسى جوعارعى سوتىنىڭ, جەرگىلىكتى جانە باسقا دا سوتتاردىڭ قىزمەتىن ۇيىمداستىرۋشىلىق جانە ماتەريالدىق-تەحنيكالىق قامتاماسىز ەتۋ جونىندەگى ۋاكىلەتتى ورگان (بۇدان ءارى – ۋاكىلەتتى ورگان) باسشىسى ۇسىنىستارىنىڭ نەگىزىندە جەرگىلىكتى سوتتاردا تاعىلىمدامادان وتۋگە بوس ورىنداردى ءبولۋدى جۇزەگە اسىرادى.
تاعىلىمدامادان وتۋگە ارنالعان ورىندار وبلىستا, استانا جانە الماتى قالالارىندا سۋديالاردىڭ بولجاناتىن بوس ورىندارىنىڭ سانى نەگىزىندە, بىراق ءاربىر وبلىس, استانا جانە الماتى قالالارى ءۇشىن كەمىندە ءۇش ورىننان بولىنەدى.
سۋديا لاۋازىمىنا كانديداتتار بوس ورىنداردى بولۋگە سايكەس تاعىلىمداماعا قابىلدانادى.
تاعىلىمدامادان ءوتۋ سۋديا لاۋازىمىنا كانديداتتىڭ تۇراتىن جەرى بويىنشا تىركەلگەن وبلىس, استانا جانە الماتى قالالارى اۋماعىنداعى جەرگىلىكتى سوتتاردا جۇزەگە اسىرىلادى. تۇرعىلىقتى جەرى بويىنشا تاعىلىمدامادان ءوتۋ ءۇشىن بوس ورىندار بولماعان جاعدايدا, كانديدات بوس ورىن بولعان كەزدە تاعىلىمدامادان وتۋگە رۇقسات بەرۋ تۋرالى وتىنىشپەن باسقا وبلىستىق سوتقا جۇگىنۋگە قۇقىلى.
7. جەرگىلىكتى سوتتاردا تاعىلىمدامادان ءوتۋ ءۇشىن بوس ورىندار تۋرالى حابارلامانى تاعىلىمدامادان وتۋگە رۇقسات الۋ تۋرالى وتىنىشتەردى قابىلداۋدىڭ باستالۋىنان كەمىندە ءبىر اي بۇرىن قازاق جانە ورىس تىلدەرىندە قازاقستان رەسپۋبليكاسىنىڭ بارلىق اۋماعىندا تاراتىلاتىن, سونداي-اق جوعارعى سوتتىڭ, جەرگىلىكتى جانە باسقا دا سوتتاردىڭ ينتەرنەت-رەسۋرسىندا ۋاكىلەتتى ورگان جاريالايدى.
8. تاعىلىمدامادان وتۋگە نيەت بىلدىرگەن ادام حابارلاندىرۋ جاريالانعان كۇننەن باستاپ ءبىر اي مەرزىمى ىشىندە وبلىستىق سوتتىڭ توراعاسىنا تاعىلىمدامادان وتۋگە رۇقسات بەرۋ تۋرالى ءوتىنىش بەرەدى.
وتىنىشكە مىناداي قۇجاتتار قوسا تىركەلۋى ءتيىس:
1) كادرلاردى ەسەپكە الۋ بويىنشا جەكە پاراق;
2) ءومىربايان;
3) ديپلوم مەن ونىڭ قوسىمشاسىنىڭ كوشىرمەلەرى;
4) بىلىكتىلىك ەمتيحانىن تاپسىرعانىن راستايتىن قۇجاتتىڭ كوشىرمەسى;
5) سوڭعى جۇمىس ورنىنان الىنعان قىزمەتتىك مىنەزدەمە;
6) سۋديانىڭ كاسىبي مىندەتتەرىن ورىنداۋعا كەدەرگى بولاتىن اۋرۋلاردىڭ جوقتىعىن راستايتىن مەديتسينالىق كۋالاندىرۋدان وتكەنى تۋرالى قۇجات.
وتىنىشكە ونىڭ كاسىبي ءبىلىمىنىڭ دەڭگەيىن سيپاتتايتىن قۇجاتتاردى دا (عىلىمي دارەجەلەر مەن اتاقتاردىڭ بەرىلگەنى, ارنايى كۋرستاردى اياقتاعانى تۋرالى ءتيىستى قۇجاتتاردىڭ كوشىرمەلەرى) قوسا تىركەۋگە بولادى.
تاعىلىمدامادان وتۋگە نيەت بىلدىرگەن تۇلعا قۇجاتتاردى تولىق ۇسىنباعان جاعدايدا, كەمشىلىكتەردى جويۋ ءۇشىن ون كۇن مەرزىم بەرىلەدى.
9. تاعىلىمدامادان وتۋگە رۇقسات بەرۋ تۋرالى ءوتىنىش ءبىلدىرگەن ادامدار تۋرالى اقپاراتتى وتىنىشتەر قابىلدانعان كۇننەن باستاپ ون جۇمىس كۇنىنىڭ ىشىندە ۋاكىلەتتى ورگاننىڭ اۋماقتىق بولىمشەسى (بۇدان ءارى - اۋماقتىق بولىمشە) ءتيىستى اكىمشىلىك-اۋماقتىق بىرلىكتىڭ اۋماعىندا تاراتىلاتىن مەرزىمدى باسپا باسىلىمدارىندا, سونداي-اق ءتيىستى وبلىستىق سوتتىڭ ينتەرنەت-رەسۋرسىندا جاريالايدى.
تاعىلىمدامادان وتۋگە رۇقسات بەرۋ تۋرالى ءوتىنىش بەرگەن ادامنىڭ ىسكەرلىك جانە ادامگەرشىلىك قاسيەتتەرىن سيپاتتايتىن مالىمەتتەر كەلىپ تۇسكەن كەزدە ولارعا تەكسەرۋ جۇرگىزىلەدى, ونىڭ ناتيجەلەرى تاعىلىمداما وتۋگە رۇقسات بەرۋ تۋرالى ماسەلەنى شەشۋ كەزىندە جانە جالپى وتىرىستا تاعىلىمداما قورىتىندىسى قارالعان كەزدە ەسكەرىلەدى.
10. تاعىلىمدامادان وتەتىن ادامداردى ىرىكتەۋ وبلىستىق سوت توراعاسىنىڭ وبلىستىق سوتتىڭ سۋديالارى قاتارىنان قۇرعان تاعىلىمدامانى وتۋگە ادامداردى ىرىكتەۋ جونىندەگى كوميسسياعا (بۇدان ءارى – كوميسسيا) جۇكتەلەدى. كوميسسيانىڭ قۇرامىنا ورنىنان تۇسكەن سۋديالار ەنگىزىلۋى مۇمكىن.
تاعىلىمدامادان وتۋگە رۇقسات بەرۋ تۋرالى وتىنىشتەردى قابىلداۋ ءتارتىبىن, كوميسسيالاردى قۇرۋ مەن ونىڭ جۇمىس ىستەۋ ءتارتىبىن قازاقستان رەسپۋبليكاسى جوعارعى سوتىنىڭ توراعاسى بەكىتەدى.
كوميسسيا وتىرىسى اشىق جانە جاريا تۇردە وتكىزىلەدى. وتىرىسقا مەملەكەتتىك ورگانداردىڭ, قوعام جانە بۇقارالىق اقپارات قۇرالدارىنىڭ وكىلدەرى قاتىسۋعا قۇقىلى.
تاعىلىمدامادان وتەتىن ادامداردى ىرىكتەۋ مىناداي ولشەمشارتتار:
1) سوت ءىسىن جۇرگىزۋگە قاتىسۋعا تىكەلەي بايلانىستى زاڭ ماماندىعى بويىنشا ۇلكەن جۇمىس ءوتىلىنىڭ بولۋى;
2) بىلىكتىلىك ەمتيحانىن تاپسىرۋ ناتيجەلەرى بويىنشا;
3) عىلىمي دارەجەسىنىڭ نەمەسە عىلىمي اتاعىنىڭ بولۋى;
4) تاعىلىمدامادان ءوتۋ ىرىكتەۋىنە ەكى نەمەسە ودان دا كوپ رەت قاتىسۋى;
5) جوعارى ءبىلىمى تۋرالى ديپلومنىڭ ورتاشا باعاسىنىڭ ءناتيجەلەرىن ەسكەرۋ نەگىزىندە جۇزەگە اسىرىلادى.
11. تاعىلىمدامادان وتۋگە رۇقسات بەرۋ تۋرالى ادامنىڭ ءوتىنىشىن قاراۋدىڭ ناتيجەلەرى بويىنشا كوميسسيا:
1) ادامعا تاعىلىمدامادان وتۋگە رۇقسات بەرۋ تۋرالى;
2) ادامعا تاعىلىمدامادان وتۋگە رۇقسات بەرۋدەن باس تارتۋ تۋرالى شەشىمدەردىڭ ءبىرىن قابىلدايدى.
كوميسسيانىڭ تاعىلىمدامادان وتۋگە رۇقسات بەرۋ تۋرالى وڭ شەشىمىن العان ادامدار تۋرالى اقپاراتتى اۋماقتىق بولىمشە ءتيىستى اكىمشىلىك-اۋماقتىق بىرلىكتىڭ اۋماعىندا تاراتىلاتىن مەرزىمدى باسپا باسىلىمدارىندا, سونداي-اق ءتيىستى وبلىستىق سوتتىڭ ينتەرنەت-رەسۋرسىندا جاريالايدى.
12. وبلىستىق سوتتىڭ توراعاسى وسى ەرەجەنىڭ 11-تارماعىنىڭ 1) تارماقشاسى نەگىزىندە قىلمىستىق, ازاماتتىق جانە اكىمشىلىك مامانداندىرۋ بويىنشا مىندەتتى تاعىلىمدامادان ءوتۋ ءۇشىن وكىممەن اۋداندىق سوتتى نە مامانداندىرۋ بولعان جاعدايدا – اۋداندىق سوتتاردى بەلگىلەيدى.
وبلىستىق سوت توراعاسىنىڭ وكىمىمەن تاعىلىمداما ۇيلەستىرۋشىسى – وبلىستىق سوتتىڭ سۋدياسى (بۇدان ءارى – تاعىلىمداما ۇيلەستىرۋشىسى) تاعايىندالادى, وعان تاعىلىمداماشى-كانديداتتاردىڭ تاعىلىمدامانىڭ بارلىق كەزەڭدەرىنەن ءوتۋىن جالپى ۇيلەستىرۋ مەن باقىلاۋ جۇكتەلەدى.
13. اۋماقتىق بولىمشە باسشىسى, تاعىلىمداماشى-كانديدات جانە ونىڭ جۇمىس بەرۋشىسى اراسىندا تاعىلىمدامادان ءوتۋ تۋرالى كەلىسىم جاسالادى.
ەگەر تاعىلىمداماشى-كانديدات ەڭبەك قاتىناستارىندا بولماسا, تاعىلىمدامادان ءوتۋ تۋرالى كەلىسىم اۋماقتىق ءبولىمشە باسشىسى مەن تاعىلىمداماشى-كانديدات اراسىندا جاسالادى.
تاعىلىمدامادان ءوتۋ تۋرالى كەلىسىمدە:
1) تاراپتاردىڭ اتاۋى;
2) تاراپتاردىڭ قۇقىقتارى مەن مىندەتتەرى;
3) تاعىلىمدامادان ءوتۋ ورنى;
4) تاعىلىمدامادان ءوتۋ شارتتارى مەن ءتارتىبى قامتىلۋى ءتيىس.
تاعىلىمدامادان ءوتۋ تۋرالى ۇلگىلىك كەلىسىمدى ۋاكىلەتتى ورگان بەكىتەدى.
14. تاعىلىمدامادان وتۋگە ادامعا رۇقسات بەرۋدەن باس تارتۋ دالەلدى بولۋى ءتيىس.
تاعىلىمدامادان وتۋگە رۇقسات بەرۋدەن مىناداي:
1) ادامنىڭ مورالدىق-ەتيكالىق بەينەسىن تەرىس جاعىنان سيپاتتايتىن ناقتى مالىمەتتەر بولعان;
2) كونستيتۋتسيالىق زاڭدا كوزدەلگەن تەرىس سەبەپتەر بويىنشا سۋديا لاۋازىمىنان بوساتىلعان, «قۇقىق قورعاۋ قىزمەتى تۋرالى» قازاقستان رەسپۋبليكاسىنىڭ 2011 جىلعى 6 قاڭتارداعى زاڭىندا, «قازاقستان رەسپۋبليكاسىنىڭ ارناۋلى مەملەكەتتىك ورگاندارى تۋرالى» قازاقستان رەسپۋبليكاسىنىڭ 2012 جىلعى 13 اقپانداعى زاڭىندا جانە «مەملەكەتتىك قىزمەت تۋرالى» قازاقستان رەسپۋبليكاسىنىڭ 2015 جىلعى 23 قاراشاداعى زاڭىندا كوزدەلگەن تەرىس سەبەپتەر بويىنشا قۇقىق قورعاۋ ورگاندارىنان, ارناۋلى مەملەكەتتىك ورگانداردان نەمەسە وزگە دە مەملەكەتتىك قىزمەتتەن جۇمىستان شىعارىلعان, سونداي-اق 2015 جىلعى 23 قاراشاداعى قازاقستان رەسپۋبليكاسى ەڭبەك كودەكسىنىڭ 52-بابى 1-تارماعىنىڭ 9), 10), 12), 13), 14, 15), 17), 21) تارماقشالارىندا كوزدەلگەن نەگىزدەر بويىنشا وزگە دە ادامدار جۇمىستان شىعارىلعان;
3) مەديتسينالىق كۋالاندىرۋ ناتيجەلەرى بويىنشا سۋديانىڭ كاسىبي مىندەتتەرىن ورىنداۋعا كەدەرگى بولاتىن اۋرۋى بولعان;
4) كونستيتۋتسياعا جانە كونستيتۋتسيالىق زاڭعا سايكەس سۋديالىققا كانديداتتارعا قويىلاتىن وزگە دە تالاپتارعا سايكەس كەلمەگەن;
5) ەرەجەنىڭ 8-تارماعىندا كوزدەلگەن قۇجاتتاردى ۇسىنباعان (تولىق ۇسىنباعان) نە دۇرىس ەمەس دەرەكتەر ۇسىنعان جاعدايدا باس تارتىلادى.
15. تاعىلىمدامادان ءوتۋ تاعىلىمداماشى-كانديداتتىڭ قازاقستان رەسپۋبليكاسى جوعارعى سوتىنىڭ توراعاسى بەكىتكەن سۋديالىققا كانديداتتاردىڭ تاعىلىمدامادان ءوتۋىنىڭ ۇلگىلىك باعدارلاماسىنا سايكەس جاسالعان تاعىلىمدامادان ءوتۋدىڭ جەكە جوسپارىنا ەنگىزىلگەن ءىس-شارالاردى ورىنداۋىن قامتيدى.
16. جەكە جوسپاردى وبلىستىق سوتتىڭ توراعاسى ءتيىستى اۋداندىق سوت توراعاسىمەن جانە تاعىلىمداما ۇيلەستىرۋشىسىمەن كەلىسىم بويىنشا بەكىتەدى.
جەكە جوسپارعا كەيىن وزگەرىستەر مەن تولىقتىرۋلار ەنگىزىلۋى مۇمكىن, ول تۋرالى تاعىلىمداماشى-كانديدات ءۇش جۇمىس كۇنى ىشىندە حاباردار ەتىلەدى.
17. تاعىلىمداماشى-كانديدات اۋداندىق سوتقا كەلگەن كەزدە سوت توراعاسى سۋديالاردىڭ اراسىنان تاعىلىمداما جەتەكشىسىن – اۋداندىق سوتتىڭ سۋدياسىن (بۇدان ءارى – تاعىلىمداما جەتەكشىسى) نە وسى سوتتىڭ ىشىندە مامانداندىرۋ بار بولعان كەزدە تاعىلىمداما جەتەكشىلەرىن تاعايىندايدى. تاعىلىمداما جەتەكشىسى بولىپ كەمىندە 5 جىل سۋديالىق جۇمىس ءوتىلى بار سۋديا تاعايىندالادى. اتالعان سوتتا كورسەتىلگەن تالاپقا سايكەس كەلەتىن سۋديا بولماعان جاعدايدا, ودان از سۋديالىق جۇمىس ءوتىلى بار سۋديانى تاعىلىمداما جەتەكشىسى ەتىپ تاعايىنداۋعا بولادى.
وبلىستىق سوتتا تاعىلىمدامادان وتكەن كەزدە وبلىستىق سوت توراعاسى تاعىلىمداما جەتەكشىسىن وبلىستىق سوت سۋديالارىنىڭ اراسىنان تاعايىندايدى.
تاعىلىمداما جەتەكشىسى:
1) قاجەتتى جۇمىس كولەمىن بەلگىلەيدى;
2) تاعىلىمداماشى-كانديداتقا كاسىبي ءبىلىم دەڭگەيىن ارتتىرۋعا جانە پراكتيكالىق داعدى الۋعا كومەك كورسەتەدى;
3) تاعىلىمدامادان ءوتۋدىڭ جەكە جوسپارىنىڭ ورىندالۋىن قامتاماسىز ەتەدى.
18. تاعىلىمداماشى-كانديدات سوتتا تاعىلىمدامادان ءوتكەن كەزدە تاعىلىمداما جەتەكشىسىنىڭ قىزمەتىن قامتاماسىز ەتۋگە باعىتتالعان كونسۋلتانتتىڭ – سۋديا كومەكشىسىنىڭ فۋنكتسيالارىن ورىندايدى, ونىڭ ىشىندە:
1) سۋديانىڭ وكىلەتتىگىن ورىنداۋعا قاجەتتى قۇقىقتىق اقپارات ىزدەۋدى, نورماتيۆتىك قۇقىقتىق اكتىلەردى, سوت پراكتيكاسىنىڭ ماتەريالدارىن ىرىكتەۋدى جۇزەگە اسىرادى;
2) سۋديانىڭ ءىس جۇرگىزۋىندەگى ىستەر تۋرالى اقپاراتتى ءازىرلەيدى;
3) ىستەردى سوت تالقىلاۋىنا ازىرلەۋ بويىنشا ءىس-ارەكەتتەردى جۇزەگە اسىرادى;
4) پروتسەستىك قۇجاتتاردىڭ جوبالارىن ازىرلەيدى;
5) سۋديانىڭ قاراۋىنا كەلىپ تۇسكەن ازاماتتىق سوت ءىسىن جۇرگىزۋ شەڭبەرىندەگى ارىزداردى (تالاپ ارىزداردى) زەردەلەۋگە, قىلمىستىق ءىس جۇرگىزۋ شەڭبەرىندەگى ىستەردى (ماتەريالداردى), شاعىمداردى, اكىمشىلىك قۇقىق بۇزۋشىلىقتار تۋرالى ىستەر مەن ولار بويىنشا شاعىمداردى زەردەلەۋگە قاتىسادى;
6) قازاقستان رەسپۋبليكاسىنىڭ پروتسەستىك زاڭناماسىندا كوزدەلگەن ءىس-ارەكەتتەر جاساۋ تۋرالى سۋدياعا ۇسىنىستار بەرەدى;
7) ىستەردى قاراۋدىڭ پروتسەستىك مەرزىمدەرىنە مونيتورينگتى جۇزەگە اسىرادى;
8) سۋديانىڭ ءىس جۇرگىزۋىندەگى ىستەر بويىنشا وتىنىشتەر مەن سۇراۋ سالۋلارعا جاۋاپ جوبالارىن ازىرلەيدى;
9) تاعىلىمدامادان ءوتۋ مىندەتتەرىنەن تۋىندايتىن وزگە دە فۋنكتسيالاردى ورىندايدى.
19. تاعىلىمدامانى ءوتۋ تۋرالى كەلىسىم ساقتالماعان جاعدايدا, سونداي-اق وسى ەرەجەنىڭ 26-تارماعىندا كوزدەلگەن جاعدايلاردا تاعىلىمداما ۇيلەستىرۋشىسى دەربەس نە تاعىلىمداما جەتەكشىسىنىڭ ۇسىنىمى نەگىزىندە تاعىلىمدامانىڭ قورىتىندىسى جونىندە تەرىس قورىتىندى بەرۋ تۋرالى ۇسىنىمدى جالپى وتىرىستىڭ قاراۋىنا مەرزىمىنەن بۇرىن ەنگىزەدى.
20. توقسان سايىن جانە تاعىلىمدامادان ءوتۋ قورىتىندىلارى بويىنشا تاعىلىمداماشى-كانديدات تاعىلىمدامادان ءوتۋى تۋرالى جازباشا ەسەپ جاسايدى, وندا تاعىلىمداماشىنىڭ جەكە جوسپاردى جانە تاعىلىمداما جەتەكشىسىنىڭ تاپسىرمالارىن ورىنداۋى كورسەتىلۋگە ءتيىس. جازباشا ەسەپكە تاعىلىمدامادان ءوتۋ كەزەڭىندە تاعىلىمداماشى-كانديدات جاساعان پروتسەستىك قۇجاتتاردىڭ جوبالارى قوسا ءتىركەلۋگە ءتيىس.
تاعىلىمداماشى-كانديداتتىڭ توقسان سايىنعى جازباشا ەسەبىن تاعىلىمداما ۇيلەستىرۋشىسى قارايدى.
تاعىلىمدامادان ءوتۋ قورىتىندىسى بويىنشا تاعىلىمداما جەتەكشىلەرى تاعىلىمداماشى-كانديداتقا پىكىر جازادى. پىكىرلەردى تاعىلىمدامادان ءوتۋ جۇزەگە اسىرىلعان سوتتاردىڭ توراعالارى بەكىتەدى. پىكىردە تاعىلىمداماشى- كانديداتتىڭ العان پراكتيكالىق داعدىلارى مەن ءبىلىمى, پروتسەستىك قۇجاتتاردىڭ جوبالارىن جاساۋ ساپاسى, سۋديا مىندەتتەرىن جۇزەگە اسىرۋعا دايىندىق دارەجەسى, ەڭبەك جانە ورىنداۋشىلىق ءتارتىبىن ساقتاۋى, تاعىلىمداماشى-كانديداتتىڭ ىسكەرلىك جانە ادامگەرشىلىك قاسيەتتەرى تۋرالى مالىمەتتەر قامتىلۋعا ءتيىس.
تاعىلىمداما جەتەكشىلەرى تاعىلىمداماشى-كانديداتقا ارنالعان پىكىردى, تاعىلىمدامادان ءوتۋدىڭ جەكە جوسپارىن, ونىڭ ورىندالعانى تۋرالى ناتيجەلەرمەن بىرگە جانە تاعىلىمداماشىنىڭ تاعىلىمدامادان ءوتۋ قورىتىندىلارى تۋرالى جازباشا ەسەبىن تاعىلىمداما ۇيلەستىرۋشىسىنىڭ قاراۋىنا ۇسىنادى.
تاعىلىمداما قورىتىندىسى جانە ولاردى قاراۋ ناتيجەلەرى بويىنشا تاعىلىمداما ۇيلەستىرۋشىسى تاعىلىمدامانى ءوتۋدىڭ بارلىق كەزەڭدەرىنىڭ ناتيجەسىنە نەگىزدەلگەن ۇسىنۋدى ون بەس كۇندىك مەرزىمدە ەنگىزەدى, ول تاعىلىمدامانىڭ باسقا دا ماتەريالدارىمەن بىرگە وبلىستىق سوتتىڭ جالپى وتىرىسىنىڭ قاراۋىنا ەنگىزىلەدى.
4. تاعىلىمدامانىڭ قورىتىندىلارىن قاراۋ
21. جالپى وتىرىس تاعىلىمداما ۇيلەستىرۋشىسى ۇسىنىم ەنگىزگەننەن كەيىن ءبىر ايدان كەشىكتىرمەي تاعىلىمداماشى-كانديداتتىڭ ەسەبىن تىڭداي وتىرىپ, تاعىلىمداماشى-كانديداتتىڭ تاعىلىمداماسىنىڭ قورىتىندىلارىن قارايدى.
22. تاعىلىمداماشى-كانديداتتىڭ تاعىلىمداماسىنىڭ قورىتىندىلارىن قاراۋ ناتيجەلەرى بويىنشا جالپى وتىرىس تاعىلىمداما قورىتىندىلارى تۋرالى وڭ نەمەسە تەرىس قورىتىندى بەرەدى, ول كوپشىلىك داۋىسپەن قابىلدانادى جانە توراعالىق ەتۋشى وعان قول قويادى.
23. تاعىلىمداما ناتيجەلەرى تۋرالى جالپى وتىرىستىڭ قورىتىندىسىندا مىناداي مالىمەتتەر كورسەتىلەدى:
1) قورىتىندى شىعارىلعان كۇنى مەن ورنى;
2) تاعىلىمداماشى-كانديداتقا قاتىستى ۇسىنۋ ەنگىزگەن تاعىلىمدامانى ۇيلەستىرۋشىنىڭ تەگى, اتى جانە اكەسىنىڭ اتى;
3) تاعىلىمداماشى-كانديداتتىڭ تەگى, اتى جانە اكەسىنىڭ اتى, تۋعان جىلى, كۇنى, ايى, تۇرعىلىقتى جەرى, تاعىلىمدامادان ءوتۋ كەزەڭىندەگى جۇمىس ورنى;
4) تاعىلىمدامادان وتكەن سوتتاردىڭ اتاۋى مەن تاعىلىمدامادان ءوتۋ كەزەڭى;
5) تاعىلىمداما جەتەكشىلەرىنىڭ تەگى, اتى جانە اكەسىنىڭ اتى;
6) تاعىلىمدامادان ءوتۋ كەزىندە ورىندالعان جۇمىس كولەمىنىڭ قىسقاشا سيپاتتاماسى;
7) تاعىلىمداماشى-كانديداتتىڭ دايىندىق دەڭگەيىنىڭ, كورسەتكەن قاسيەتتەرىنىڭ سيپاتتاماسى جانە ونى سيپاتتايتىن باسقا دا دەرەكتەر;
8) سۋديا لاۋازىمىندا جۇمىس ىستەۋگە كاسىبي, جەكە-پسيحولوگيالىق جانە ادامگەرشىلىك قاسيەتتەرى بويىنشا جارامدىلىعى تۋرالى قورىتىندى;
9) جالپى وتىرىستىڭ داۋىس بەرۋ قورىتىندىلارى;
10) وبلىستىق سوت توراعاسىنىڭ قولى.
24. سۋديا لاۋازىمىنا كانديدات تاعىلىمداماسىنىڭ ناتيجەلەرى تۋرالى جالپى وتىرىستىڭ قورىتىندىسىن وبلىستىق سوت قازاقستان رەسپۋبليكاسىنىڭ جوعارى سوت كەڭەسىنە جىبەرەدى.
25. تاعىلىمداما قورىتىندىلارى تۋرالى جالپى وتىرىستىڭ وڭ قورىتىندىسى ءتورت جىل بويى جارامدى بولادى.
26. جالپى وتىرىس تاعىلىمداما ناتيجەلەرى تۋرالى تەرىس قورىتىندىنى مىناداي:
1) تاعىلىمداماشى-كانديدات ىسكەرلىك جانە كاسىبي قاسيەتتەرى بويىنشا سۋديالىققا كانديداتتارعا قويىلاتىن تالاپتارعا سايكەس كەلمەگەن;
2) تاعىلىمداماشى-كانديدات بەدەلىنە نۇقسان كەلتىرەتىن تەرىس قىلىق جاساعان;
3) تاعىلىمداماشى-كانديداتتىڭ مورالدىق-ەتيكالىق بەينەسىن تەرىس جاعىنان سيپاتتايتىن مالىمەتتەر بولعان;
4) تاعىلىمدامادان ءوتۋ تۋرالى كەلىسىمدە بەلگىلەنگەن تالاپتاردى ساقتاۋ بويىنشا مىندەتتەردى ورىنداماعان;
5) مەديتسينالىق كۋالاندىرۋ ناتيجەلەرى بويىنشا سۋديانىڭ كاسىبي مىندەتتەرىن ورىنداۋعا كەدەرگى بولاتىن اۋرۋلارى بولعان;
6) كونستيتۋتسيالىق زاڭدا كوزدەلگەن تەرىس سەبەپتەر بويىنشا سۋديا لاۋازىمىنان بوساتىلعان, «قۇقىق قورعاۋ قىزمەتى تۋرالى» قازاقستان رەسپۋبليكاسىنىڭ 2011 جىلعى 6 قاڭتارداعى زاڭىندا, «قازاقستان رەسپۋبليكاسىنىڭ ارناۋلى مەملەكەتتىك ورگاندارى تۋرالى» قازاقستان رەسپۋبليكاسىنىڭ 2012 جىلعى 13 اقپانداعى زاڭىندا جانە «مەملەكەتتىك قىزمەت تۋرالى» قازاقستان رەسپۋبليكاسىنىڭ 2015 جىلعى 23 قاراشاداعى زاڭىندا كوزدەلگەن تەرىس سەبەپتەر بويىنشا قۇقىق قورعاۋ ورگاندارىنان, ارناۋلى مەملەكەتتىك ورگانداردان نەمەسە وزگە دە مەملەكەتتىك قىزمەتتەن جۇمىستان شىعارىلعان, سونداي-اق 2015 جىلعى 23 قاراشاداعى قازاقستان رەسپۋبليكاسى ەڭبەك كودەكسىنىڭ 52-بابى 1-تارماعىنىڭ 9), 10), 12), 13), 14, 15), 17), 21) تارماقشالارىندا كوزدەلگەن نەگىزدەر بويىنشا وزگە دە ادامدار جۇمىستان شىعارىلعان جاعدايدا بەرەدى.
27. تاعىلىمداما ناتيجەلەرى تۋرالى تەرىس قورىتىندى العان جاعدايدا تاعىلىمداماشى-كانديدات قايتادان تاعىلىمدامادان وتۋگە ونى العان كۇننەن باستاپ ەكى جىل وتكەننەن كەيىن جالپى نەگىزدەر بويىنشا جىبەرىلەدى.
وسى ەرەجەنىڭ 26-تارماعىنىڭ 5) تارماقشاسىندا كوزدەلگەن نەگىزدەر بويىنشا تاعىلىمداما ناتيجەلەرى تۋرالى تەرىس قورىتىندى العان جاعدايدا, مەديتسينالىق كۋالاندىرۋ ناتيجەلەرى بويىنشا سۋديانىڭ كاسىبي مىندەتتەرىن ورىنداۋعا كەدەرگى بولاتىن اۋرۋلارىنىڭ جوقتىعى كەيىننەن راستالعان جاعدايلاردى قوسپاعاندا, تاعىلىمداماشى-كانديدات قايتادان تاعىلىمدامادان وتۋگە جىبەرىلمەيدى.
قازاقستان رەسپۋبليكاسى پرەزيدەنتىنىڭ
2016 جىلعى 22 اقپانداعى № 201 جارلىعىنا
2-قوسىمشا
قازاقستان رەسپۋبليكاسى پرەزيدەنتىنىڭ
2001 جىلعى 26 ماۋسىمداعى№ 643 جارلىعىمەن
بەكىتىلگەن
سوت ءجيۋريى تۋرالى ەرەجە
1. جالپى ەرەجەلەر
1. وسى سوت ءجيۋريى تۋرالى ەرەجە (بۇدان ءارى – ەرەجە) قازاقستان رەسپۋبليكاسىنىڭ كونستيتۋتسياسىنا, «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا (بۇدان ءارى – كونستيتۋتسيالىق زاڭ) سايكەس ازىرلەندى جانە سوت ءجيۋريىن قالىپتاستىرۋ مەن ونىڭ جۇمىسىن ۇيىمداستىرۋ ءتارتىبىن ايقىندايدى.
2. سوت ءجيۋريى جۇمىس ىستەپ جۇرگەن سۋديانىڭ كاسىبي قىزمەتىن باعالاۋ, سۋديانىڭ ورنىنان ءتۇسۋ قۇقىعىن جانە ونى توقتاتۋدى راستاۋ, سونداي-اق سۋديالارعا قاتىستى تارتىپتىك ءىس جۇرگىزۋدى, تارتىپتىك ىستەردى قوزعاۋ تۋرالى ماسەلەنى قاراۋ ءۇشىن قۇرىلادى.
3. سوت ءجيۋريىنىڭ مۇشەلەرى ءوز قىزمەتىندە تاۋەلسىز جانە قازاقستان رەسپۋبليكاسىنىڭ كونستيتۋتسياسىن, كونستيتۋتسيالىق زاڭدى جانە وسى ەرەجەنى عانا باسشىلىققا الادى.
4. سوت ءجيۋريىنىڭ قىزمەتىنە ارالاسۋعا جانە ونىڭ مۇشەلەرىنە ىقپال ەتۋگە جول بەرىلمەيدى. سوت ءجيۋريىنىڭ مۇشەسى ءوزىنىڭ ءىس جۇرگىزۋىندەگى ماتەريالدار, قابىلدانعان شەشىمدەر بويىنشا قانداي دا ءبىر اقپارات بەرۋگە قۇقىلى ەمەس.
2. سوت ءجيۋريىن قالىپتاستىرۋ ءتارتىبى
5. سوت ءجيۋريىنىڭ قۇرامىن قازاقستان رەسپۋبليكاسى جوعارعى سوتى توراعاسىنىڭ ۇسىنۋى بويىنشا قازاقستان رەسپۋبليكاسى جوعارعى سوتىنىڭ جالپى وتىرىسى جاسىرىن داۋىس بەرۋ ارقىلى بالاما نەگىزدە ءۇش جىل مەرزىمگە سايلايدى.
قازاقستان رەسپۋبليكاسى جوعارعى سوتىنىڭ توراعاسى سوت ءجيۋريىنىڭ قۇرامىنا جەرگىلىكتى سوتتاردىڭ جۇمىس ىستەپ جۇرگەن سۋديالارىنىڭ قاتارىنان كانديداتۋرالاردى وبلىستىق جانە وعان تەڭەستىرىلگەن سوتتاردىڭ (بۇدان ءارى – وبلىستىق سوت) جالپى وتىرىستارى ۇسىنىمدارىنىڭ نەگىزىندە ەنگىزەدى.
قازاقستان رەسپۋبليكاسى جوعارعى سوتىنىڭ جۇمىس ىستەپ جۇرگەن سۋديالارى مەن ورنىنان تۇسكەن سۋديالاردى سوت ءجيۋريىنىڭ قۇرامىنا قازاقستان رەسپۋبليكاسى جوعارعى سوتىنىڭ توراعاسى ۇسىنادى.
6. سوت ءجيۋريىنىڭ قۇرامىنا ۇسىنىلاتىن سۋديالاردىڭ كاسىبي دەڭگەيى جوعارى, جەكە بەدەلى ءمىنسىز, قاعيداتشىل, سۋديالار قاۋىمى اراسىندا بەدەلدى جانە كەمىندە ون جىل سۋديالىق جۇمىس ءوتىلى بولۋعا ءتيىس.
7. قازاقستان رەسپۋبليكاسى جوعارعى سوتىنىڭ توراعاسى مەن سوت القالارىنىڭ توراعالارى, وبلىستىق سوتتاردىڭ توراعالارى مەن سوت القالارىنىڭ توراعالارى, سۋديا ادەبى جونىندەگى كوميسسيانىڭ سۋديا-مۇشەلەرى, قازاقستان رەسپۋبليكاسى جوعارى سوت كەڭەسىنىڭ سۋديا جانە ورنىنان تۇسكەن سۋديا-مۇشەلەرى سوت ءجيۋريىنىڭ قۇرامىنا سايلانا المايدى.
8. جاسىرىن داۋىس بەرۋگە ارنالعان بيۋللەتەنگە بارلىق ۇسىنىلعان كانديداتۋرالار ەنگىزىلەدى. باسقا كانديداتتارعا قاراعاندا ەڭ كوپ داۋىس العان كانديدات سايلاندى دەپ ەسەپتەلەدى.
9. جينالعان داۋىستار سانى بويىنشا سايلانعان ادامنان كەيىن تۇرعان كانديدات سوت ءجيۋريىنىڭ زاپاستاعى مۇشەسى بولىپ ەسەپتەلەدى جانە كۆورۋمنىڭ بولماۋىنا اكەپ سوعاتىن سوت ءجيۋريىنىڭ مۇشەلەرىنە قارسىلىق بىلدىرىلگەن نەمەسە ولار وزدىگىنەن باس تارتقان جاعدايدا سوت ءجيۋريى مۇشەسىنىڭ مىندەتىن اتقارادى, سونداي-اق سوت ءجيۋريى مۇشەلەرىنىڭ بىرەۋى شىعىپ قالعان جاعدايدا وكىلەتتىكتەردىڭ قالعان مەرزىمىندە سوت ءجيۋريى مۇشەسىنىڭ مىندەتىن اتقارۋعا كىرىسەدى.
ەگەر سوت ءجيۋريىنىڭ مۇشەسى شىعىپ قالعان كەزدە زاپاستاعى مۇشەلەرىنىڭ رەزەرۆى تاۋسىلسا نەمەسە ءتيىستى سوت ساتىسى بويىنشا سوت ءجيۋريىنىڭ زاپاستاعى مۇشەسى بولىپ ەسەپتەلەتىن سۋديا باسقا سوت ساتىسىنىڭ سۋدياسى بولىپ تاعايىندالسا, وسى ەرەجەدە بەلگىلەنگەن تارتىپپەن قالعان مەرزىمگە قوسىمشا سايلاۋ وتكىزىلەدى.
10. سوت ءجيۋريى بىلىكتىلىك كوميسسياسىنان جانە تارتىپتىك كوميسسيادان تۇرادى.
سوت ءجيۋريىنىڭ بىلىكتىلىك كوميسسياسى جەتى مۇشەدەن – وبلىستىق سوتتاردىڭ ەكى سۋدياسىنان, جوعارعى سوتتىڭ ەكى سۋدياسىنان جانە ورنىنان تۇسكەن ءۇش سۋديادان تۇرادى.
سوت ءجيۋريىنىڭ تارتىپتىك كوميسسياسى توعىز مۇشەدەن – اۋداندىق جانە وعان تەڭەستىرىلگەن سوتتاردىڭ (بۇدان ءارى – اۋداندىق سوت) ءۇش سۋدياسىنان, وبلىستىق سوتتاردىڭ ءۇش سۋدياسىنان جانە جوعارعى سوتتىڭ ءۇش سۋدياسىنان تۇرادى.
11. سوت ءجيۋريىنىڭ بىلىكتىلىك كوميسسياسى سۋديانىڭ كاسىبي قىزمەتىن باعالاۋدى جۇزەگە اسىرادى.
سوت ءجيۋريىنىڭ تارتىپتىك كوميسسياسى سۋديانىڭ ورنىنان ءتۇسۋ قۇقىعىن راستاۋ جانە ونى توقتاتۋ ماسەلەلەرىن, سونداي-اق سۋديالارعا قاتىستى تارتىپتىك ءىس جۇرگىزۋدى قوزعاۋ تۋرالى ماسەلەلەردى جانە تارتىپتىك ىستەردى قارايدى.
12. ۇيىمداستىرۋ وتىرىسىندا سوت ءجيۋريى قۇرامى ءوزىنىڭ مۇشەلەرىنىڭ قاتارىنان كوپشىلىك داۋىسپەن سوت ءجيۋريىنىڭ توراعاسىن جانە كوميسسيالارىنىڭ قۇرامىن سايلايدى.
سوت ءجيۋريىنىڭ مۇشەسى ءبىر ۋاقىتتا ەكى كوميسسيانىڭ مۇشەسى بولا المايدى.
ءاربىر كوميسسيا قۇرامى كوپشىلىك داۋىسپەن ءوز مۇشەلەرىنىڭ قاتارىنان حاتشىنى سايلايدى.
13. سوت ءجيۋريىنىڭ توراعاسى:
1) سوت جيۋريىنە جالپى باسشىلىقتى قامتاماسىز ەتەدى;
2) سوت ءجيۋريى كوميسسيالارىنىڭ وتىرىستارىن شاقىرادى جانە سوت ءجيۋريى كوميسسيالارىنىڭ وتىرىستارىندا توراعالىق ەتەدى;
3) سوت ءجيۋريى كوميسسيالارى وتىرىسىنىڭ كۇن ءتارتىبىن بەكىتەدى;
4) سوت ءجيۋريى كوميسسيالارىنىڭ شەشىمدەرى مەن حاتتامالارىنا قول قويادى;
5) سوت ءجيۋريى كوميسسيالارىنىڭ وتىرىستارىندا قاراۋ ءۇشىن شىعارىلاتىن ماسەلەلەردى ايقىندايدى;
6) سوت ءجيۋريى كوميسسيالارىنىڭ جۇمىسىن تالداۋ جاساۋدى جانە پراكتيكاسىن جيناقتاپ-قورىتۋدى ۇيىمداستىرادى;
7) سوت ءجيۋريىنىڭ اتقارعان جۇمىسى تۋرالى اقپاراتتى قازاقستان رەسپۋبليكاسى جوعارعى سوتىنىڭ جالپى وتىرىسىندا ۇسىنادى;
8) مەملەكەتتىك, قوعامدىق جانە وزگە دە ورگاندارمەن, ۇيىمدارمەن جانە لاۋازىمدى ادامدارمەن قاتىناستاردا سوت ءجيۋريىنىڭ اتىنان وكىلدىك ەتەدى;
9) وسى ەرەجەدە كوزدەلگەن وزگە دە وكىلەتتىكتەردى جۇزەگە اسىرادى.
14. سوت ءجيۋريىنىڭ توراعاسى ۋاقىتشا بولماعان جاعدايدا ونىڭ تاپسىرۋى بويىنشا توراعانىڭ مىندەتتەرىن سوت ءجيۋريىنىڭ ءتيىستى كوميسسياسى مۇشەلەرىنىڭ ءبىرى اتقارادى.
15. سوت ءجيۋريىنىڭ وتىرىستارى قاجەتتىگىنە قاراي وتكىزىلەدى.
سوت ءجيۋريى بىلىكتىلىك جانە تارتىپتىك كوميسسيالارىنىڭ وتىرىستارى ءاربىر كوميسسيا قۇرامىنىڭ ۇشتەن ەكى بولىگى قاتىسقان جاعدايدا زاڭدى بولادى.
سوت ءجيۋريىنىڭ توراعاسى ونىڭ مۇشەلەرىنىڭ بىرىنە كوميسسيا وتىرىسىنا توراعالىق ەتۋدى تاپسىرا الادى.
سوت ءجيۋريى جۇمىس ىستەگەن ۋاقىتتا ونىڭ مۇشەلەرى قازاقستان رەسپۋبليكاسىنىڭ زاڭناماسىنا سايكەس وتىرىس وتكىزىلەتىن جەرگە ىسساپارعا جىبەرىلەدى جانە باسقا مىندەتتەردى اتقارۋدان بوساتىلادى.
16. سوت ءجيۋريى كوميسسيا وتىرىستارى مەن تەكسەرۋلەردى ءتيىستى وڭىرلەرگە بارىپ وتكىزۋگە قۇقىلى.
17. سوت ءجيۋريى ءوز قۇرامىنان ءۇش سۋديانى, ونىڭ ىشىندە ورنىنان تۇسكەن سۋديالاردى دا, روتاتسيالاۋ نەگىزىندە ەكى جىل مەرزىمگە قازاقستان رەسپۋبليكاسى جوعارى سوت كەڭەسىنىڭ جانىنداعى بىلىكتىلىك كوميسسياسىنا جىبەرەدى.
قازاقستان رەسپۋبليكاسى جوعارى سوت كەڭەسىنىڭ جانىنداعى بىلىكتىلىك كوميسسياسىنا جىبەرۋ ءۇشىن كانديداتتاردى سوت ءجيۋريىنىڭ توراعاسى ۇسىنادى.
18. قازاقستان رەسپۋبليكاسى جوعارى سوت كەڭەسىنىڭ جانىنداعى بىلىكتىلىك كوميسسياسىنا جىبەرۋ تۋرالى سوت ءجيۋريىنىڭ شەشىمى ونىڭ وتىرىسىندا داۋىس بەرۋ ارقىلى قابىلدانادى جانە سوت ءجيۋريىنىڭ داۋىس بەرۋگە قاتىسقان مۇشەلەرىنىڭ كوپشىلىگى وعان داۋىس بەرسە, قابىلداندى دەپ سانالادى. جىبەرۋ تۋرالى شەشىم ءۇش جۇمىس كۇنى ىشىندە قازاقستان رەسپۋبليكاسىنىڭ جوعارى سوت كەڭەسىنە جىبەرىلەدى.
19. سوت ءجيۋريى قازاقستان رەسپۋبليكاسى جوعارعى سوتىنىڭ جالپى وتىرىسىن ءوزىنىڭ قىزمەتى تۋرالى جىل سايىن حاباردار ەتىپ وتىرادى.
20. سوت ءجيۋريى مۇشەسىنىڭ مىندەتتەرىن اتقارۋدان بوساتۋ ءۇشىن مىنالار نەگىز بولىپ تابىلادى:
1) سوت ءجيۋريىنىڭ قۇرامىنا كىرەتىن سۋديانىڭ قىزمەتتەن بوساتىلۋى, سۋديالىق وكىلەتتىكتەرىنىڭ توقتاتىلۋى نە توقتاتىلا تۇرۋى;
2) سوت ءجيۋريى قۇرامىنا كىرەتىن, ورنىنان تۇسكەن سۋديا وكىلەتتىكتەرىنىڭ توقتاتىلۋى نە توقتاتىلا تۇرۋى;
3) سوت ءجيۋريى مۇشەسىنىڭ سۋديا ادەبىنە قايشى كەلەتىن تەرىس قىلىق جاساۋى;
4) سوت ءجيۋريى مۇشەسىنىڭ سايلانعان مەرزىمىنىڭ اياقتالۋى;
5) ءوز تىلەگى بويىنشا.
سوت ءجيۋريىنىڭ مۇشەسى مىندەتتەرىن ورىنداۋدان قازاقستان رەسپۋبليكاسى جوعارعى سوتىنىڭ جالپى وتىرىسىنىڭ شەشىمىمەن بوساتىلادى.
3. جۇمىس ىستەپ جۇرگەن سۋديانىڭ كاسىبي قىزمەتىن باعالاۋ جونىندەگى ماتەريالداردى قاراۋ ءتارتىبى
21. سوت ءجيۋريىنىڭ بىلىكتىلىك كوميسسياسى سۋديالار كورپۋسىنىڭ ساپالىق قۇرامىن جاقسارتۋ, كاسىبي بىلىكتىلىگىنىڭ ءوسۋىن باعالاۋ جانە ىنتالاندىرۋ, ىستەردى قاراۋ كەزىندە زاڭدىلىقتى نىعايتۋعا جاۋاپكەرشىلىگىن ارتتىرۋ, ازاماتتاردىڭ قۇقىقتارى مەن قوعامنىڭ مۇددەلەرىن قورعاۋ ماقساتىندا جۇمىس ىستەپ جۇرگەن سۋديالاردىڭ كاسىبي قىزمەتىن باعالاۋدى جۇرگىزەدى.
سۋديانىڭ كاسىبي قىزمەتىن باعالاۋ سۋديا لاۋازىمىنداعى جۇمىسىنىڭ ءبىر جىلداعى ناتيجەلەرى بويىنشا ءبىرىنشى رەت جۇرگىزىلەدى. كەيىننەن سۋديانىڭ كاسىبي قىزمەتىن باعالاۋ ءاربىر بەس جىل سايىن, سونداي-اق جوعارى تۇرعان ساتىداعى سۋديا لاۋازىمىنا, سوت توراعاسىنىڭ, سوت القاسى توراعاسىنىڭ لاۋازىمدارىنا كونكۋرسقا قاتىسۋ كەزىندە جۇرگىزىلەدى.
جيىرما جانە ودان دا كوپ جىل سۋديالىق ءوتىلى بار سۋديالار كاسىبي قىزمەتتى مەرزىمدى باعالاۋدان بوساتىلادى.
22. جۇمىس ىستەپ جۇرگەن سۋديانىڭ كاسىبي قىزمەتىن باعالاۋ ونىڭ سۋديا لاۋازىمىندا ۇزدىكسىز بولعان ءاربىر كەلەسى بەس جىلى وتكەن سايىن جۇرگىزىلەدى. بۇل رەتتە كاسىبي قىزمەتتى باعالاۋ كورسەتىلگەن مەرزىم باستالعان كۇننەن باستاپ التى ايدان كەشىكتىرىلمەي وتكىزىلۋگە ءتيىس.
23. سوت ءجيۋريىنىڭ بىلىكتىلىك كوميسسياسىنا ماتەريالداردى:
1) قازاقستان رەسپۋبليكاسىنىڭ جوعارعى سوتى سوت القالارىنىڭ توراعالارى مەن سۋديالارىنا, وبلىستىق سوتتاردىڭ توراعالارى مەن سوت القالارىنىڭ توراعالارىنا قاتىستى – قازاقستان رەسپۋبليكاسىنىڭ جوعارعى سوتىنىڭ توراعاسى;
2) وبلىستىق سوتتاردىڭ سۋديالارىنا, اۋداندىق سوتتاردىڭ توراعالارى مەن سۋديالارىنا قاتىستى – وبلىستىق سوتتاردىڭ توراعالارى ۇسىنادى.
جوعارى تۇرعان ساتىداعى سۋديا لاۋازىمىنا, سوت توراعاسىنىڭ, سوت القاسى توراعاسىنىڭ لاۋازىمدارىنا كونكۋرسقا قاتىسۋعا تىلەك بىلدىرگەن سۋديا ءوزى سوت ءجيۋريىنىڭ بىلىكتىلىك كوميسسياسىنا ماتەريالداردى ۇسىنادى.
24. قازاقستان رەسپۋبليكاسى جوعارعى سوتىنىڭ توراعاسى, وبلىستىق سوتتاردىڭ توراعالارى – كاسىبي قىزمەتى باعالانۋعا جاتاتىن سۋدياعا, سونداي-اق جوعارى تۇرعان ساتىداعى سۋديا لاۋازىمىنا, سوت توراعاسىنىڭ, سوت القاسى توراعاسىنىڭ لاۋازىمدارىنا كونكۋرسقا قاتىسۋعا تىلەك بىلدىرگەن سۋديا سوت ءجيۋريىنىڭ بىلىكتىلىك كوميسسياسىنا:
1) سۋديانىڭ كاسىبي, ىسكەرلىك جانە ادامگەرشىلىك قاسيەتتەرىنە باعا بەرىلۋگە, ونىڭ سۋديا ادەبىنىڭ نورمالارى مەن ەڭبەك ءتارتىبىن ساقتاۋى كورسەتىلۋگە ءتيىس قىزمەتتىك مىنەزدەمەنى;
2) سۋديا قاراعان ىستەردىڭ سانى مەن ساپاسى, ىستەر ساناتتارى, سوت ىستەرىن قاراۋ كەزىندە مەرزىمى مەن زاڭدىلىقتىڭ ساقتالۋى جونىندەگى تولىق تالدامالىق انىقتامانى;
3) سۋديانىڭ ءىس-ارەكەتىنە تۇسكەن شاعىمدار مەن ولاردىڭ نەگىزدىلىگى تۋرالى مالىمەتتەردى ۇسىنادى.
سۋديا سوت ءجيۋريى بىلىكتىلىك كوميسسياسىنىڭ قاراۋىنا ۇسىنىلعان وزىنە قاتىستى ماتەريالمەن تانىستىرىلۋعا ءتيىس.
25. سوت ءجيۋريىنىڭ توراعاسى ناقتى ماتەريالدار بويىنشا بايانداماشىنى جانە ماتەريالداردى قاراۋ كۇنىن بەلگىلەيدى.
سۋديانىڭ كاسىبي قىزمەتىن باعالاۋدى جۇرگىزۋ باستالعانعا دەيىن سوت ءجيۋريىنىڭ بىلىكتىلىك كوميسسياسى قاجەت بولعان كەزدە قوسىمشا تەكسەرۋ جۇرگىزۋى مۇمكىن, ونى سوت ءجيۋريىنىڭ توراعاسى بىلىكتىلىك كوميسسياسى مۇشەلەرىنىڭ بىرىنە تاپسىرادى, قوسىمشا قۇجاتتار مەن ماتەريالدار, ونىڭ ىشىندە قارالۋى كەزىندە زاڭ بۇزۋعا جول بەرىلگەن سوت ىستەرى سۇراتىلادى.
26. Cوت ءجيۋريى بىلىكتىلىك كوميسسياسىنىڭ قاراۋىنا كەلىپ تۇسكەن ماتەريالداردى قابىلداۋدى, كاسىبي قىزمەتى باعالانۋعا جاتاتىن سۋدياعا, سونداي-اق سوت ءجيۋريى بىلىكتىلىك كوميسسياسىنىڭ مۇشەلەرىنە وتىرىستىڭ وتكىزىلەتىن كۇنى, ۋاقىتى جانە ورنى تۋرالى حابارلاۋدى جوعارعى سوتتىڭ, جەرگىلىكتى جانە باسقا دا سوتتاردىڭ قىزمەتىن ۇيىمداستىرۋشىلىق جانە ماتەريالدىق-تەحنيكالىق قامتاماسىز ەتۋ جونىندەگى ۋاكىلەتتى ورگان (بۇدان ءارى – ۋاكىلەتتى ورگان) جۇزەگە اسىرادى.
27. بىلىكتىلىك كوميسسياسىنىڭ وتىرىسىندا حاتتاما جۇرگىزىلەدى, وندا وتىرىستىڭ ۋاقىتى مەن ورنى, كوميسسيا قۇرامى, باعالاناتىن سۋديانىڭ تەگى, اتى-ءجونى مەن لاۋازىمى, كوميسسيا قابىلداعان شەشىم كورسەتىلەدى.
28. بىلىكتىلىك كوميسسياسىنىڭ سۋديانىڭ كاسىبي قىزمەتىن باعالاۋ جونىندەگى وتىرىسى قىزمەتى باعالاناتىن سۋديانىڭ ءمىندەتتى تۇردە قاتىسۋىمەن وتكىزىلەدى.
29. سوت ءجيۋريىنىڭ بىلىكتىلىك كوميسسياسى قىزمەتى باعالاناتىن سۋديانىڭ كاسىبي ءبىلىمىن, جۇمىسىنىڭ تاجىريبەسى مەن ساپاسىن ۇسىنىلعان قۇجاتتاردىڭ جانە سوت ءجيۋريىنىڭ توراعاسى بەكىتەتىن ماتەريالدىق جانە پروتسەستىك زاڭناما, cۋديا ادەبى, سوتتار جۇمىسىن ۇيىمداستىرۋ ماسەلەلەرى بويىنشا ءبىلىمىن تەكسەرۋ ناتيجەلەرىنىڭ نەگىزىندە انىقتايدى.
قىزمەتى باعالاناتىن سۋديانىڭ ادامگەرشىلىك قاسيەتتەرىن بىلىكتىلىك كوميسسياسى وعان قاتىستى ۇسىنىلعان ماتەريالدار مەن ولاردى كوميسسيا وتىرىسىنا الدىن الا دايىنداۋ ءناتيجەسىندە الىنعان دەرەكتەر بويىنشا ايقىندايدى.
سۋديا جۇمىسىنىڭ ناتيجەلەرى مىناداي ولشەمشارتتاردىڭ نەگىزىندە قارالادى:
1) سوت تورەلىگىن ىسكە اسىرۋ ساپاسىنىڭ كورسەتكىشتەرى;
2) سۋديا ادەبى نورمالارى مەن ەڭبەك ءتارتىبىن ساقتاۋى.
30. سوت ءجيۋريىنىڭ بىلىكتىلىك كوميسسياسى جۇمىس ىستەپ جۇرگەن سۋديالاردىڭ بىلىكتىلىگىن باعالاۋ تۋرالى ماتەريالداردى قاراۋ ناتيجەلەرى بويىنشا مىناداي شەشىمدەردىڭ ءبىرىن شىعارادى:
1) اتقاراتىن لاۋازىمىنا ساي دەپ تانۋ;
2) جوعارى تۇرعان ساتىداعى سۋديا لاۋازىمىنا تاعايىنداۋعا ۇسىنىم جاساۋ;
3) جوعارى تۇرعان لاۋازىمعا (جوعارى تۇرعان سوت ساتىسىنا) كادر رەزەرۆىنە قويۋعا ۇسىنىم جاساۋ;
4) باسقا سوتقا, باسقا ماماندىققا اۋىستىرۋعا ۇسىنىم جاساۋ;
5) كاسىبي جارامسىزدىعىنا وراي اتقاراتىن لاۋازىمىنا ساي كەلمەيدى دەپ تانۋ.
بىلىكتىلىك كوميسسياسىنىڭ وسى تارماقتىڭ 2) - 4) تارماقشالارىندا كوزدەلگەن شەشىمدەرى ۇسىنىمدىق سيپاتتا بولادى.
31. سۋديانى كاسىبي جارامسىزدىعىنا وراي اتقاراتىن لاۋازىمىنا ساي كەلمەيدى دەپ تانۋ تۋرالى شەشىم كاسىبي قىزمەتىن مەرزىمدى باعالاۋ كەزىندە تەرىس ناتيجە العان سۋدياعا قاتىستى قولدانىلمايدى.
بۇل جاعدايدا سوت ءجيۋريىنىڭ بىلىكتىلىك كوميسسياسى سۋديانىڭ بىلىكتىلىگىن ارتتىرۋ جانە ءبىر جىل وتكەننەن كەيىن كاسىبي قىزمەتىنە قايتا باعالاۋ جۇرگىزۋ تۋرالى شەشىم شىعارادى.
سۋديانىڭ كاسىبي قىزمەتىن قايتالاپ مەرزىمدى باعالاۋدىڭ ناتيجەلەرى تەرىس بولعان جاعدايدا, سوت ءجيۋريىنىڭ بىلىكتىلىك كوميسسياسى سۋديانى كاسىبي جارامسىزدىعىنا وراي اتقاراتىن لاۋازىمىنا ساي كەلمەيدى دەپ تانۋ تۋرالى شەشىم شىعارادى.
لاۋازىمعا تاعايىندالعان كۇننەن باستاپ ءبىر جىلدىڭ قورىتىندىسى بويىنشا سۋديانىڭ كاسىبي قىزمەتىن قاناعاتتانارلىقسىز دەپ باعالاۋ تۋرالى بىلىكتىلىك كوميسسياسىنىڭ شەشىمى جوعارعى سوت توراعاسىنىڭ سۋديانى اتقاراتىن لاۋازىمىنان بوساتۋ تۋرالى ۇسىنۋدى جوعارى سوت كەڭەسىنە ەنگىزۋىنە نەگىز بولىپ تابىلادى.
32. سوت ءجيۋريىنىڭ بىلىكتىلىك كوميسسياسىنىڭ شەشىمىندە:
1) سوت ءجيۋريى بىلىكتىلىك كوميسسياسىنىڭ قۇرامى;
2) ماتەريالداردى قاراۋ ورنى جانە ۋاقىتى;
3) كاسىبي قىزمەتى باعالاناتىن سۋديا;
4) سوت ءجيۋريىنىڭ بىلىكتىلىك كوميسسياسى وتىرىسىندا ماتەريالدى قاراۋ نەگىزدەرى;
5) سوت ءجيۋريى بىلىكتىلىك كوميسسياسىنىڭ تۇجىرىمدارى تۋرالى دەرەكتەر قامتىلۋعا ءتيىس.
33. سوت ءجيۋريىنىڭ بىلىكتىلىك كوميسسياسى شەشىمدەردى قورىتىندىلار مەن حاتتامالىق شەشىم نىسانىندا قابىلدايدى. بىلىكتىلىك كوميسسياسى مۇشەلەرىنىڭ داۋىس بەرۋدەن قالىس قالۋعا قۇقىعى جوق. شەشىم كوپشىلىك داۋىسپەن قابىلدانادى. داۋىستار تەڭ تۇسكەن جاعدايدا وزىنە قاتىستى ماتەريالدار قارالىپ وتىرعان سۋديانىڭ جاعدايىن جاقسارتاتىن شەشىم قابىلداندى دەپ ەسەپتەلەدى. بىلىكتىلىك كوميسسياسىنىڭ مۇشەسى قابىلدانىپ وتىرعان شەشىممەن كەلىسپەگەن جاعدايدا ەرەكشە پىكىرىن جازباشا كورسەتۋگە قۇقىلى, ول بىلىكتىلىك كوميسسياسى وتىرىسىنىڭ حاتتاماسىنا قوسا تىركەلەدى.
سۋديانى اتقاراتىن لاۋازىمىنا ساي دەپ تانۋ تۋرالى شەشىم, جوعارى تۇرعان ساتىداعى سۋديا لاۋازىمىنا تاعايىنداۋعا, جوعارى تۇرعان لاۋازىمعا (جوعارى تۇرعان سوت ساتىسىنا) كادر رەزەرۆىنە قويۋعا, باسقا سوتقا, باسقا ماماندىققا اۋىستىرۋعا ۇسىنىمدار حاتتامالىق شەشىم نىسانىندا رەسىمدەلەدى.
حاتتاماعا وتىرىستا توراعالىق ەتۋشى مەن بىلىكتىلىك كوميسسياسىنىڭ حاتشىسى قول قويادى.
سوت ءجيۋريى ءبىل
