ءوسىم وركەندەۋدىڭ باستى العىشارتى

اقمولا وبلىسى اكىمىنىڭ ەسەپ­تى جينالىسىنا 500-دەن استام ادام جينالۋى ءوڭىر تىرشىلىگىنەن ەشكىمنىڭ بەيتاراپ قالمايتىنىن بىلدىرەدى. التىن كوپىر كەزدەسۋدىڭ ماڭىزدىلىعى وسىندا.  ەسەپتى كەزدەسۋ حالىق شارۋا­شىلىعى جەتىستىكتەرىنىڭ كور­مەسىنەن باستالاتىن ءداستۇر بار. ونىڭ تاقىرىبى دا, مازمۇنى دا جىل سايىن وزگەرتىلىپ وتىرىلادى. بۇل جولى وبلىستىڭ ين­دۋستريالىق-ونەركاسىپتىك دامۋىنا تىڭ لەپ الىپ كەلگەن 22 كاسىپورىننىڭ برەندتىك ونىمدەرى قويىلعان ەكەن. جاڭاشىلدىقتىڭ جارشىسىنداي سانالاتىن بۇل شارا ءوڭىر وركەنىنىڭ بيىكتىگىن كور­­سەتۋمەن قاتار, وبلىس اكىمىنىڭ بۇگىنگى كەزدەسۋىنىڭ تارتىمدىلىق اۋانىن بايقاتىپ تۇر­عانداي ەدى. وبلىس اكىمى سەرگەي كۋلاگين بايان­داماسىنىڭ بەتا­شارىندا, بۇعان دەيىن بارلىق دەڭ­گەي­دەگى اكىمدەردىڭ تۇر­عىندارمەن 685 ەسەپتى كەزدەسۋى وتكىزىلىپ, وعان 71 مىڭ­داي ادامنىڭ قاتىسقانىن اتاپ ءوتتى. وندا ايتىلعان ۇسىنىس-تىلەكتەر ءوڭىر دامۋىنىڭ قۇ­بىلناماسى رەتىندە باس­شىلىققا الىن­عانى ىشكى بەلسەندىلىكتى ارتتىرىپ وتىر. اتقارىلعان ىستەردىڭ ءناتي­جەسى اقمولانىڭ بۇگىنگى بەت-بەي­نە­سىنەن كورىنىس تاپقانداي. اكىم بايان­دا­ماسىنىڭ جوعارى ەكپىندە جاسالۋى وسىنى اڭعارتادى. سەرگەي ۆيتالەۆيچ بايانداماسىندا وبلىس تۇرعىندارى بىلتىرعى جىلدى ەكونوميكالىق, الەۋمەتتىك سالالار بويىنشا جاقسى كورسەتكىشتەرمەن قورىتىندىلادى, دەپ اتاپ كورسەتتى. ونەركاسىپ تۇراقتى جۇمىس ىستەۋدە, ءىرى يندۋستريالىق جوبالار ىسكە اسىرىلىپ, جاڭا تەحنولوگيالار ەنگىزىلۋدە, تۇرعىن ءۇي, ءبىلىم جانە دەنساۋلىق ساقتاۋ نىساندارىنىڭ قۇرىلىسى جۇرگىزىلۋدە. استىقتىڭ جوعارى تۇسىمىنە قول جەتكىزىلدى. «نۇرلى جول» باعدارلاماسىنىڭ ىسكە اسىرىلۋى قۇرىلىس جۇمىستارى كولەمىن 106,1 پايىزعا ۇلعايتۋعا مۇمكىندىك بەردى. وسىنىڭ ارقاسىندا 282 مىڭ شارشى مەتر تۇرعىن ءۇي سالىنىپ, 2406 وتباسى وزدەرىنىڭ تۇرمىستىق جاع­دايلارىن جاقسارتا الدى. وبلىس ەكونوميكاسىنا 199,3 ميلليارد تەڭگە ينۆەستيتسيا, سونىڭ ىشىندە سىرتتان 14,2 ميلليارد تەڭگە قارجى تارتىلدى. ناقتى سەكتورداعى كورسەتكىشتەردىڭ ءوسۋى ورتاشا ايلىق ەڭبەكاقىنىڭ وسۋىنە جانە حالىقتىڭ جۇمىسپەن قامتىلۋىنىڭ جاقسارتىلۋىنا جاعداي تۋعىزدى. مۇنداي جيىنداردا ەكونوميكانىڭ دامۋىنا سالماقتى ۇلەس قوسقان ۇجىم­داردىڭ اتالۋى جىگەر تاسىتادى. ەسەپ­تى كەزەڭدە 313 ميلليارد تەڭگەنىڭ ونەر­كاسىپ ونىمدەرى ءوندىرىلىپ, ءوڭىردى رەس­پۋبليكامىزداعى الدىڭعى قاتارعا شى­عارىپتى. مەتاللۋرگيا سالاسى 134,6 پايىزدىق, ال حيميا ونەركاسىبى 156 پايىزدىق ءوسىمدى قامتاماسىز ەتكەن. سونداي-اق, يندۋستريالىق-ين­نو­ۆاتسيالىق دامۋ باعدارلاماسى قا­بىل­دانعان كەزەڭدە تاماق ونەركاسىبىنىڭ كولەمى 2 ەسەدەن استام ارتىپ وتىر. بۇگىنگى كۇنگى ماڭىزدى قادامدار قاتارىنا يندۋستريالاندىرۋ كارتاسى شەڭبەرىندە 166 ميلليارد تەڭگەنىڭ 60 جوباسى جەمىس توگىپ تۇرعانىن قوسۋعا بولادى. مۇنداعى 43 جوبا دايىن ونەركاسىپ ونىمدەرىن شىعارۋعا جانە 26-سى جوعارى قوسىمشا قۇنداعى ونىمدەر وندىرۋگە باعىتتالعان. بۇل رەتتە ەرەيمەنتاۋ اۋ­دانىنداعى رەسپۋبليكامىزداعى ءبىرىن­شى جەل ەلەكتر ستانساسى (قۋاتتىلىعى 45 مۆت), ستەپنوگور قالاسىنداعى ءتۇيىر­شىك­تەلگەن پەستيتسيدتەر ءوندىرىسى جانە «ەپك-ماسكەۋ» پودششيپنيك زاۋىتىنىڭ قۋاتتارىن «ستەپنوگور پودششيپنيك زاۋىتىنا» كوشىرۋ» جوباسىن ەرەكشە اتاپ وتكەن ءجون. سوڭعى جوبا بويىن­شا ماسكەۋدىڭ جابىلعان زاۋىتىنان ستەپنوگورعا 370 دانا جابدىقتىڭ جەت­كىزىلۋى ارقاسىندا, قازىردىڭ وزىندە جاڭا 90 تۇردەگى 41,6 مىڭ دانا پودششيپنيك دايىندالعان. «التىنتاۋ كوكشەتاۋ» جشس, «قازاقالتىن» تمك» اق ءون­دىرىس كولەمىندە دە ىلگەرىلەۋشىلىك بار. اگروونەركاسىپ كەشەنىن دامىتۋعا بايلانىستى مىندەتتەردى ورىنداۋ «اگروبيزنەس-2020» باعدارلاماسى شەڭ­بەرىندە جۇزەگە اسىرىلۋدا. مۇن­دا 263,1 ميلليارد تەڭگەنىڭ ءونىمى ءون­دى­رىلىپتى. كوكتەمگى دالا جۇمىستارى ءتيىستى دەڭگەيدە وتكىزىلدى. سالا بويىنشا 3,3 ميلليون گەكتار القاپقا نەمەسە ەگىس­تىكتىڭ جالپى كولەمىنىڭ 75,3 پايىزىنا ىلعال ساقتاۋ تەحنولوگياسى ەنگىزىلگەن. ماشينا-تراكتور پاركىن جوعارى ءونىمدى تەحنيكامەن جاڭارتۋ جەدەل قارقىنمەن جۇرگىزىلۋدە. 2015 جىلى 166 استىق كومباينى, 287 تراكتور, 81 ەگىستىك كەشەنى ساتىپ الىندى. اگرارلىق سەكتورداعى شارالاردىڭ بارلىق كەشەنىن ورىنداۋعا مەملەكەتتىك قولداۋ اياسىندا 16,2 ميلليارد تەڭگە ينۆەستيتسيا قۇيىلعان, ول 2014 جىلعى دەڭگەيدەن 2 ميللياردقا ارتىق. مال ت ۇلىگىنىڭ بارلىق ءتۇرى بويىنشا ءوسىم بار. وسىعان سايكەس, ءونىم تاسقىنى دا كوڭىلدەگىدەي. قازىرگى كۇنى 27 600 ءىرى قاراعا ارنالعان بورداقىلاۋ الاڭدارىنىڭ جۇمىس ىستەۋى ەكسپورتتىق الەۋەتتىڭ كۇشەيۋىنە اسەر ەتۋدە. ەسەپتى باياندامادا تۇرعىن ءۇي-كوم­مۋنال­­دىق شارۋاشىلىقتى, ءبىلىم جانە دەنساۋلىق ساقتاۋ, سپورت پەن مادەنيەتتى دامىتۋ ماسەلەلەرىنە تالدامالىق تۇسىنىك بەرىلدى. سونداي-اق, قوعامدىق ءتارتىپتى ساقتاۋ, سىبايلاس جەمقورلىقپەن كۇ­رەس, بۇعان قاتىستى قولدانىلعان شارالار كەڭىنەن اڭگىمەلەندى. جۇرتشىلىق داعدارىسقا قارسى شارالار, كوكتەمگى سۋ تاسقىنىنىڭ الدىن الۋ ماسەلەلەرى بويىنشا دا ناقتى مالىمەتتەر الدى. ەسەپتى كەزدەسۋدىڭ ەكىنشى ءبولىمى سۇراق-جاۋاپتارعا ارنالدى. وندا كوپ­تەگەن وزەكتى ماسەلەلەر قامتىلدى. كوك­شە­تاۋلىقتاردى جاڭا جىلۋ ەلەكتر ورتالىعىنىڭ قۇرىلىسى قاشان باستالاتىنى تولعاندىرادى. اتباسارلىقتار مەن تسەلينوگراد اۋدانىنىڭ تۇرعىندارىن بىلتىرعى كوكتەمگى سۋ تاسقىنىنىڭ زارداپتارى مازالايدى. استانا ماڭىندا­عى قوياندى اۋىلىنداعى تۇرعىن ءۇي تە­لىم­دەرىن زاڭسىز يەمدەنۋدى توقتاتۋ دا تولعاقتى ماسەلە بولىپ تۇر. جالپى, «كوكشەتاۋ» مادەنيەت سارايىنا قويىلعان ميكروفون ءبىر ساعات بويى تىنىمسىز جۇمىس ىستەپ تۇردى. ولاردىڭ باسىم كوپشىلىگىنە قولما-قول قاناعاتتاندىرارلىق جاۋاپتار قاي­تارىلدى. كەزدەسۋدىڭ ەركىن ءارى اشىق ءپى­كىر الاڭىنا اينالعانىن ايتۋعا بولادى. مۇندا اكىمنىڭ جەكە باسىنا, جەتىم بالالاردى ءوز قامقورلىعىنا الۋىنا قاتىستى جايلار دا اڭگىمە وزەگىنە اينالدى. اكىم جەكەلەگەن ماسەلەلەر بويىنشا قابىلداۋ ۇيىمداستىراتىنىن, بۇگىن كوتەرىلگەن سۇراقتارعا ءتيىستى جاۋاپتار قايتارىلاتىنىن جانە ولاردىڭ ءباسپاسوز بەن ءوز بلوگىندا جاريالاناتىنىن ايتتى. باقبەرگەن امالبەك, «ەگەمەن قازاقستان». اقمولا وبلىسى.