«نيۆا» كولىگىن اراب امىرلىكتەرىنە شىعارۋعا جول اشىلدى

قازاقستاندىق كولىك ءوندىرىسى شەتەل نارىعىنا شىعا باستادى. ادەتتە, وتانداستارىمىز تەمىر تۇلپارلاردى اراب ەلدەرىنەن تاسىمالدايتىن بولسا, ەندى ولاردىڭ كوزى قازاقستاندا قۇراستىرىلعان ونىمگە ءتۇسىپ, «نيۆا» كولىگىن اتتاي قالاپ ساتىپ الا باستاپتى. قازىر, اۆتوكولىكتىڭ بۇل ماركاسى بىرىككەن اراب امىرلىكتەرىنىڭ جولدارى مەن شولدەرىنە ءوز ءىزىن سالا باستادى دەۋگە بولادى. بۇل مۇمكىندىك­كە قول جەتكىزۋگە «بيپەك اۆتو قا­­­زاقستان» جشس اقتاۋداعى في­ليالىنىڭ ءوتىنىشىن از ۋاقىتتىڭ ىشىندە قاراپ ۇلگەرگەن ماڭعىستاۋ وبلىسى كاسىپكەرلەر پالاتاسى مۇرىندىق بولدى. بۇعان دەيىن تاۋاردىڭ شىعارىلعان جەرى تۋرالى سەرتيفيكاتتاۋدان تۋىنداعان پروبلەمالاردىڭ سالدارىنان بىرىككەن اراب امىرلىكتەرىنە ءوس­كەمەندىك اۆتوكولىكتەردى ەكسپورتتاۋ مۇمكىن بولماعان ەدى. – ءبىزدىڭ شەتەلدىك سەرىكتەسىمىز كەلەسى اۆتوكولىك توپتاماسىن ساتىپ الۋعا قىزىعۋشىلىق تانىتتى. بۇل جەتكىزىلىم تۋرالى ءسوز قوزعاعاندا بىرقاتار ۇيىمداستىرۋشىلىق ماسەلەلەردىڭ باسىن اشۋدا قول ۇشىن سوزعان ماڭعىستاۋ وبلىسى كاسىپكەرلەر پالاتاسىنىڭ اتقار­عان ماڭىزدى ءرولىن ايتا كەتۋ كەرەك. بۇل ءبىز ءۇشىن, ءسوزسىز, بىرەگەي تاجىريبە بولماق. بىرىككەن اراب امىرلىكتەرىنىڭ نارىعىنا شىعۋ ءبىزدىڭ جوسپارىمىزدا بار بولاتىن, ەندى, مىنە, ول جاققا اۆتوكولىكتەردى جەتكىزۋ ءبىرىنشى رەت ءساتتى جۇزەگە استى. العاش رەت «بيپەك اۆتو» جشس-ءنىڭ اقتاۋداعى فيليالى ءوز اۆتوكولىكتەرى توپتاماسىن تۇرىكمەنستاننىڭ وڭتۇستىگىندەگى مارى قالاسىنا جونەلتكەن بولاتىن. «بيپەك اۆتو-ازيا اۆتو» كومپانيالارى توبىنىڭ الدىندا ەندى قازاقستان مەن رەسەي اۋماعىنداعى فيليالدىق جەلىنى دامىتۋ تاجىريبەسىنە سۇيەنە وتى­رىپ موڭعوليا, قىرعىزستان, ءوز­بەكستان, تۇرىكمەنستان جانە تاجىكستاندا بۇدان كەم تۇسپەيتىن جوعارى دەڭگەيدەگى ريتەيل ۇيىم­داستىرۋ مىندەتى تۇر, – دەيدى «بيپەك اۆتو قازاقستان» جشس اقتاۋ فيليالىنىڭ ديرەكتورى اسقار بۇلانباەۆ. «نيۆا» كولىگىن ءباا نارىعىنا شىعارۋ ءۇشىن بۇعان دەيىن ورىن الىپ كەلگەن قيىندىقتار اۋىزدىقتالدى. وڭىرلىك كاسىپكەرلەر پالاتاسى ديرەكتورىنىڭ ورىنباسارى اسەت مانوۆتىڭ ايتۋىنشا, 2014 جىلدىڭ ناۋرىز ايىنان باستاپ تاۋاردىڭ شىعارىلۋى تۋرالى سەرتيفيكاتتاردى كۋالاندىرۋ جانە رەسىمدەۋ قىزمەتتەرى وڭىرلىك پالاتالاردىڭ قولىنا ءوتىپ, از ۋاقىتتىڭ ىشىندە «بيپەك اۆتو»-نىڭ اقتاۋداعى فيليالىنىڭ «جەڭىل اۆتوكولىكتەر جانە وزگە دە موتورلى تاسىمالداۋ قۇرالدارى» تاۋارلىق توبىنا «ست-كZ» سەرتيفيكاتتارىن بەرىپ ۇلگەرگەن. «قاجەت بولعان جاعدايدا وزبەكستان, تۇرىكمەنستان, رەسەي فەدەراتسياسى, ازەربايجان, يران جانە وزگە دە ەلدەرگە ەكسپورتتاۋ كە­زىندە سەرتيفيكاتتار بەرەتىن بولامىز, وعان قوسا قازاقستاندىق تاۋارلاردى ەكسپورتتاۋ ماسەلەسى ءبىز ءۇشىن ارقاشان باستى نازاردا تۇرادى», دەيدى ول. ماڭعىستاۋ وبلىسى كاسىپكەرلەر پالاتاسى تەڭىز ارقىلى دا, قۇرلىق ارقىلى دا كورشىلەس ەلدەرمەن ەكونوميكالىق ىنتىماقتاستىق قۇرۋ الداعى ۋاقىتتا جالعاسادى دەگەن سەنىمدە. بۇل ەلىمىزدە ءجۇر­گىزىلىپ وتىرعان وتاندىق ءونىم ءون­دىرۋ جانە ونى ەكسپورتتاۋ باستاماسى اياسىندا جۇزەگە اسىرىلعان, كاسىبىن شىر ۇيىرەم دەگەندەرگە قولداۋ كورسەتۋ بارىسىنداعى ەلەۋلى ىستەردىڭ ءبىرى. گۇلايىم شىنتەمىرقىزى, «ەگەمەن قازاقستان». ماڭعىستاۋ وبلىسى.