بۇركىتشىلەر

ۇلانى مەن قىرانىن باپتاۋ جاعى­نان كەلگەندە قازاقتان اسقان حالىق ءتورت­كىل دۇنيەدە كەمدە-كەم شىعار. وسى ءبىر ۇلگى كەڭەس داۋىرىندە «كەم-تالانت­تاردىڭ» كەرتارتپالىعىنان سيرەپ كەتكەن بولاتىن. بىراق قانىندا بار حالىق ونى وتكەن عاسىردىڭ 80-جىلدارىنداعى جىلىمىقتا قايتا جانداندىرعان. ۇلانى قىرانىن باپتاپ, وزىندە بار جاقسىلىقتى جۇرتقا تانىتقان. سول ۇلگى جالعاسىپ كەلەدى. وتكەن اپتانىڭ سوڭىنا قاراي الماتى وبلىسى, ەڭبەكشىقازاق اۋدانىنا قاراستى سوگەتى وڭىرىندەگى الاتاۋدىڭ ءبىر سىلەمى سانالاتىن يلانتاۋدا «سونار-2016» جارىسى تۋ كوتەرگەن ەدى. سول سونى سو­نارعا كەڭ-بايتاق وتانىمىزدىڭ باتىسى مەن شىعىسىنان, وڭتۇستىگى مەن سول­تۇستىگىنەن 60-قا جۋىق قۇسبەگى ءوز قى­رانىن قوسقان ەدى. قورىتىندىسىندا ءبى­رىنشى ورىندى قىزىلوردا وبلىسىنان كەلگەن سارمات ابدىكارىم ۇلى, ەكىنشى ورىن­دى استانالىق ارمان كۇنتۋعان, ءۇشىنشى ورىندى قوستانايلىق بەرگەنباي تاستانبەك ەنشىلەسە, قارشىعا سالۋدان ءبى­رىنشى ورىندى اقتوبەلىك اقبەرەن قۇر­مانعاليەۆ, ەكىنشى, ءۇشىنشى ورىنداردى جامبىلدىق باقداۋلەت باباجانوۆ پەن بەرىك­بوسىن جالعاس ۇلى قانجىعاسىنا بايلادى. جۇلدە تاپسىرۋ كەزىندە الماتى وبلىسى اكىمىنىڭ ورىنباسارى باقتيار ونەرباەۆ سوگەتى ءوڭىرىنىڭ كونەكوز ءبۇر­كىتشىلەرى توقتاسىن, مولداجان, باي­جۇنىس كەڭەس ءداۋىرى كەزىندە-اق سايات­­شىلىقتى قولعا الىپ «جالايىر شورا» اتىنداعى قوعامدىق بىرلەستىك قۇرعانىن, قازىر ولاردان تاراعان ءبىر­نەشە ۇرپاقتان تۇراتىن بۇركىتشىلەر مەكتەبى قالىپتاسقانىن اتاپ ءوتىپ, وسى يگىلىكتى ىسكە قالامگەر باعدات ءمۇپ­تەكەقىزىنىڭ ۇيىتقى بولىپ جۇرگەنىن العا تارتتى. «ەگەمەن-اقپارات». سۋرەتتەردى تۇسىرگەن جۇماباي مۇسابەكوۆ.