استانا. 16 اقپان. بۇگىن نورۆەگيانىڭ ليللەحاممەر قالاسىندا ءوتىپ جاتقان جاسوسپىرىمدەر اراسىنداعى ءىى قىسقى وليمپيادا ويىندارىندا قازاقستان قورجىنىنا تاعى ءبىر جۇلدە ءتۇستى. مانەرلەپ سىرعاناۋدان ەل نامىسىن قورعاعان ەليزابەت تۇرسىنباەۆا ەكى جاتتىعۋ قورىتىندىسى بويىنشا 167,88 ۇپاي جيىپ, قولا مەدالدى موينىنا تاقتى. بۇل تۋرالى egemen.kz ءتىلشىسى حابارلادى.
وليمپيادا «التىنى» 186,04 ۇپاي جيعان رەسەيلىك پولينا تسۋرسكاياعا بۇيىرسا, كۇمىس جۇلدەگە ونىڭ وتانداسى ماريا سوتسكوۆايا قول جەتكىزدى. ماريانىڭ كورسەتكىشى – 169,50 ۇپاي.
ءبىرىنشى جاتتىعۋ – قىسقا باعدارلامادان كەيىن 16 جاستاعى ەليزابەت 59,11 ۇپايمەن ەكىنشى ورىندا تۇرعانىن اتاپ وتكەن ءجون. ال ءبىرىنشى ورىندا 60,87 ۇپايمەن جاپون قىزى يۋنا شيرايۆا تۇردى. الايدا, ەركىن باعدارلامادا لايىقتى ونەر كورسەتە الماعان ول جالپى ەسەپتە 4-ورىنعا تابان تىرەدى.
ايتا كەتەيىك, وسىمەن ليللەحاممەردەگى جاسوسپىرىمدەر ويىنىندا قازاقستان سپورتشىلارى ەكىنشى قولا مەدالدى قورجىنعا سالىپ وتىر. بۇعان دەيىن بياتلوننان 6 شاقىرىمدىق سپرينتتىك جارىستا سىنعا تۇسكەن ارينا پانتوۆا دا وليمپيادانىڭ قولا جۇلدەگەرى اتانعان بولاتىن.
ەلامان قوڭىر.
دەرەك: egemen.kz.
سۋرەت: lillehammer2016.com.
